استفسار من اخواني المزاعيط للأهمية

السلام عليكم : وين احسن مكان يكون أمن اذا معي فلوس كاش وانا بالشقة والأغراض الثمينة
ثانيأ : واذا احد الضيوف اخذ شي من غير علمي وش الحل ؟؟
ثالثا: هل يوجد في كل الشقق مسجلات عشان ابي اخذ معي سيدهات وهل مسجلاتهم اشرطة قديمة او حديثة سييدي
رابعأ: انا بأخذ معي بطاقة الصراف للأحتياط وهل يجب علي ان اروح للبنك وخلي الموضف يفعلها دولي ولا مايحتاج ؟؟
اي افضل بطاقة الأهلي او البريطاني ساب وكم الفئدة اللي بيأخذها البنك على كل عمبية سحب
والله اللي يجاوبني على هالأسئلة اكون له من الشاكرين

وعليكم السلام .. تقريباً الفنادق ذات الأربع والخمس نجوم يكون فيها سيفتي بوكس وراح تدفع عليه من 20 إلى 50 درهم يومياً عشان تستفيد منه ..
الحل انه قبل يطيح الفاس بالراس تكون حريص على اغراضك .. لأنك لو فقدت شيء لا قدر الله صعب جداً تسترجعه ..
لا مو كل الشقق فيها مسجلات .. بعض الشقق الحديثه ممكن يوفرون لك هالشيء .. لكن الحل الأنسب تاخذ معاك اللاب توب + سماعات خارجيه ..
حسب علمي .. إن كل البطاقات التابعة للبنوك السعوديه تشتغل دولياً أوتوماتيك .. لكن مايمنع انك تسأل البنك زياده بالاطمئنان ..
ساب هو البريطاني وش الفرق بينهم ..!!

على العموم حسب تجربتي ساب أفضل من الأهلي .. والأفضل منهم الامريكي ..

والفائده تختلف من بنك لآخر .. لكن أقل بنك جربته وكانت فائدته قليله هو البنك الأمريكي تقريباً ياخذون عموله 16 ريال على السحبه أو بحدود هالمبلغ ..
العفو .. وإن شاء الله اكون قدرت أبين لك شيء بسيط ..

ومايمنع يجي أحد بعدي يعطيك معلومات أكثر ..

__________________
نلتقي .. لنرتقي ..

انا اشكرك على ردك بارك الله فيك وكثر الله من امثالك اخوي الله لايحرمنا منكم

كفيت ووفيت رابح لله درك ياشهم

طيب اخوي رابح انا بنزل في كازا هل يوجد لديك اي نصيحة لأخوك تراني متخوف ومتحمس في نفس الوقت

ثلاث نصايح :

حرّص ولا تخون .. يا غريب كُن أديب .. أحترم الناس يحترمونك ..

__________________
نلتقي .. لنرتقي ..

مشكور يارابح نصايح في محلها ما قصرت يا ذخر المنتدئ