بلاك هاوس ام vip ام سيزر ام الديوان

اخوي بدر اكيد ولا تهون المغرب واهلها و كل مكان فيه الصالح والطالح وانا للأسف سؤالي بدون قصد كان عن الطالح والحمدلله الحين وضحت المعلومه واكيد موجوده الاماكن التانسب العوائل بس قيل من يعرفه :)
يعطيك الف عافيه اخوي ومشكور على المداخله :)

اختى ناديه في البدايه اشكرك على على التوضيح والمعلومات الرائعه وبالتأكيد استفد منها كثير يعطيك العافيه وما قصرتي :)
والشيء الثاني السموحه منج بس ما عجبتني ابد كلمتج هذي
:32:ولو انه هاد الشهر العسل وانك خليجية وبغا تروحي مع زوجك للمغرب مدخلاتش لي راسي:32:
ولكن الله واعلم
شو تقصدين فيها بالظبط ؟
انا اكذب مثلا ؟؟؟ ومتعبه روحي ويالسه ادور على المواضيع واسأل ؟
يعني بغيت اتسلى مثلا واضيع وقتي ووقع الاعضاء اليردون على ؟
او شو تقصدين؟
المعذره اذا ما دخلت رأسج ربما لانج ادرى بالمغرب مني او ربما إ نج ما تشوفيها تصلح لشهر العسل مثل ما تكرم بعض الاخوان
بالأخر هذا رأئج وهذا رأي و اختلاف الرأي لا يفسد للود قضيه ومشكوره مره ثانيه على تقديم المساعده :)
اسعدج الله في الدارين

يعطيك مليون الف عافيه اخوي الرحال وشاكره لك حسن النصيحه
اسعدك الله في الدارين :)

اخوي الأمن الوطني مشكور على المرور واتمنى من الاخت ناديه اذا دخلت الفكره في رأسها توصلها لك
و اذا كنت تشوف ان رد الاخت ناديه 100% مثل ما تقول فبالتأكيد لان ردها ناسب افكارك و وجهة نظرك
و لولا اختلاف الأراء لبارت السلع
مشكور على تقديم العون والمساعده
دمت بخير واسعدك الله في الدارين :)

ام صلاح...
الله يهنيك ويوفقك في زواجك وشهر العسل...
وفقت في اختيار المغرب كدولة تقضي فيها شهر العسل... وانت شاطرة انك تقومي بالترتيب بدل زوجك المنهمك في العمل والدراسة الله يوفقه.
المغرب في كل مدينة طابع معين.. ويعتمد انتو ايش مزاجكم..
فيها السهر والسهل... فيها المراقص والاسواق الشعبية.. فيها الجبال والثلوج... فيها البحر والبر... فيها المدنية والتاريخ... انت ايش مزاجك بالضبط ولا ودك تكوني زي المغرب الكل ف الكل.
بس حطي ف اعتبارك ان المغرب مو رخيصة... بس يخلصك لانك بترتاحي فيها.
طبعا كمان يعتد على الايام اللي عندك... اما اذا عندك ايام كفاية فممكن تدوري ف المغرب شبر شبر... منطقة منطقة... زنقة زنقة... السياحة المقدسة

__________________
سبحان الله العظيم وبحمده

يعطيك الف عافيه نصيحتك طلعت من قلبج الطيب ودخلت لقلبي
مشكوووره حبوبه على الكلام الحلو :)
كلكِ ذوق
يعطيكِ الف عافيه واسعدكِ الله في الدارين :)

دووم مميز بردوك اخي الزائر
يعطيك الف عافيه ومشكووور على الدعوات الحلوه وتقديم يد العون والمساعده :)
بالنسبه لنا نبغى التنويع ما بين السهر والهدوء والمرح وغيرهم من الاجواء التناسب شهر العسل
وبالتأكيد الثلوج خصوصاً ان الزواج في فصل الشتاء بإذن الله
وبالنسبه للأكل نبغى التنويع بين العربي والغربي
بخصوص الميزانيه بإذن الله برأيك اخوي كم تكلفه 15 يوم من غير تذاكر *****ان؟
اسعدك الله في الدارين :)

__________________

اختي الكريمه ام صلاح ..

اولا مبروك الزواج وعقبال الذرية الصالحه باذن الله تعالى ..

ثانيا بالنسبه لموضوع شهر العسل في المغرب احب اقول ان بنت اختي طلعت شهر العسل على فرنسا وايطاليا بعدين المغرب ..

ويوم رجعوا ندمت هي وزوجها على انهم راحوا فرنسا وايطاليا وماكانت سفرتهم كلها للمغرب من كثر ما انبسطوا ..
راحوا اسبوع على مراكش وسكنوا في المأمونية وقضوا وقت حلو بين ساحة الفنا ووريكه ومتعوا انفسهم بالاماكن السياحية في مراكش وهي كثر ..

اللي ابي اوصل لك اياه ان المغرب بلد مثل اي بلد فيها اماكن كويسه وفيها اماكن سيئه والانسان اذا خطط لسفرته كويس ما راح يندم ..

انصحك بزيارة المواقع السياحيه الرسمية اللي ترعاها الدولة المغربية وفيها نصائح عامه للمسافرين وعن روزنامة الاحداث والانشطه المتوفره بالفتره اللي تنوين زيارتها بالاضافه الى اسعار تحويل العمله والتوقيت والمناخ في نفس الفتره ..

انصحك اهم شي باختيار السكن المناسب وغالبا يكون في الفنادق الفايف ستارز لانها تكون انظف والامان فيها اكثر من غيرها بالاضافه الى وجود مكاتب سياحيه في نفس الفندق لترتيب المواصلات واختيار المطاعم واماكن السهر والزيارات والمناطق الاثريه والسياحيه في نفس المدينة..

اتمنى لكم شهر عسل سعيد وزياره موفقه للشقيقه المغرب ..

تحياتي ..

__________________