عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


إضافة رد
مزعوط قدير
المشاركات: 164
تاريخ التسجيل: Jan 2011
إرسال رسالة عبر AIM إلى ميمو
ميمو غير متواجد حالياً  
قديم 2011-11-15, 12:41 PM
  المشاركه #1
Smile وصلت قبل يومين وهاهو تقريري العاجل وردي الساخر

الـسلام عليكم ورحمة الله وبركاته ...... تحياتي وتقديري لكل المزاعيط (وكل عام وانتم بخير)

كتبت في مقالتي الاخيره اني مسافر في العيد للمغرب رغم كثرة الاشاعات والاخبار عن احوال المغرب الغير مطمئنه في الفتره الاخيره وتسببت في تاجيل سفرتي اكثر من مره وتعلطلت اشغاليي اكثر من مره بسبب الترتيب والحجز والشراء تذاكر وكنسله ورجعت 3 تذاكر كل تذكره تم خصم 250 ريال استرجاع والمره هذي كنت مصمم على الذهاب لو اروح اتفرج وارجع .الي نسمع ونقراء.وشوف فعليا فيه مشاكل او لا .....المهم توكلت على رب العالمين وذهبت قبل العيد بيومين الجمعه 4-نوفمبر العوده الجمعه 11نوفمبر .وكنت عامل حسابي ارجع بعد يومين. وهذي اخباري ..(وبختصر قدر الامكان)(وبحاول بكل حب واخلاص وامانه انقلكم لارض الواقع )وتقارنوه مع ماقيل ونشر .

وقبل لابداء احب اقدم جزيل الشكر لكل الاعضاء والمشرفين وعلى راسهم الاداره المميزه على تعاونهم واهتمامهم بطلباتي وكل الي راسلته على الخاص اقولهم الف الف شكر .وعلى راسهم ...هنجار خليجي (وبقولك ليتني سمعت كلامك بس القرارت جت سريعه ومع زحمة العيد ماصار مجال. تعبت شوي من دونك والمره الجايه قريبه ماني تارك وراك وراك ..تسلم وماقصرت الله يكثر من امثالك وراجعلك) وكذلك اخونا الدواكلي حبيب قلبي ومصطي ومحب777 والغالي سوبر ستارالمزاعيط والله ماقصرت .بيض الله وجيهكم قول وفعل .وكل الحبايب الي حاولو المساعده بدون ذكراسماء بس حبيت اذكر الاخوان لاني استفدت من خبرتهم وتجاربهم ويستحقون الشكر (وعتبي السريع على بعض الاعضاء الي تمت مداخلاتهم على موضع بحثي وارسلولي بعض الارقام الضروريه وبكل اسف كانت مقلب كبير ولا تستحق حتى تسجيلها بلموبايل وايضاء بدون ذكر اسماء (بس انصحهم بعدم التكرار لانها لو طاحت بيدين انسان جديد على المغرب او غير متمرس في السفر راح ينصب عليه ويقع في مشكله )بسب خدمه مجهولة المصدر وغير موثوق فيها وقد تكون بحسن نيه (الله اعلم ) واحيي الاعضاء الي دورناهم هناك وماشفنا احد .شكله ما احد راح غيري اوريهم .

وهذي اخبار سفرتي للمغرب في ضل الا وضاع المرعبه المنتشره والتي تشكل خطر على الخليجيين خصوصا كتالي :
1- الوجهه ..الدار البيضاء ..ومنها نقرر مراكش او طنجه او الجديده . (حسب الاوضاع)والنيه البقاء بكازا. (اكبر معاقل الشر لسائح الخليجي حسب ما ذكر ونشر )
2- السكن: اول يومين بفندق فال انفا. وسبعه ايام تسهلت وصارت :بشقه في قلب كازا .
3-التنقلات :ارجولي وطكسي
4-المرافقين : محفظتي (بعد مافضيتها من الزحمه الي مالها داعي ).بطاقات ائتمان .وصراف وشوية دولارات .وعملتهم .موزعه على الجيوب .(نظرية اذا ضاع شي تلقى الثاني ).ورجولي ويدين اشوح فيها .وراس فيه عيون تراقب ومخ يحلل مره يشتغل ومره يطفي.وقلب يقض مشتاق ومحتار .ومصمم .(عنيد وجرى وخواف بنفس الوقت)
5-الشكل العام : تم التحويل للهيئه المغربيه .(شنب خفيف )بنطلون جنز تشرت عادي .جزمه رياضيه.لركض في حالة الضروره .(ههههه)وشنطه صغيره. اسحبها. معي بطياره مو شحن حسب الخطه.
النظره العامه :مواطن مغربي عادي من الدرجه المتوسطه ولا يمكن يكشفني الا اذا تكلمت.

((وكل هاذي التجهيزات كاني رايح احارب (مع المتمردين بجنوب السودان)مو اتمشى بسبب الاشاعت الاخيره والجلوس لفترات طويله خلف شاشات المواقع بكل حواسنا نلهث وراء خبر هنا وهناك .سيطرت علينا الاحزان وغاب عنا خبر الاحباب وانقطعت سبل الوصول ولم يبقى الا ان نعزي انفسنا في سقوط صرح من صروح السياحه والاستجمام في العالم..وان نودع احبائنا واهلنا هناك .سيطرت علي كل هذي الافكار وقررت عدم القيام باي شي لايكون لي الحق فيه ) (واصبحت مهمتي بس جاي اشوف اش فيه ليه الرجه وين الانقلاب على السياح وخراب الديار والتخويف من اكبر اقطار العالم العربي.التي اصبحت خلال اسابيع شبح مرعب لكل سائح .وامتلائة البلد بكل انواع المنفرات .ابتداءا من المطار وانتهاء بمطاردات البوليس .وانتهاك لكامل حقوق اي خليجي .وسرقه علني وياويلك .سجن ابوغريب ينتظرك هناك .بس ينتظرون ان تقع اقدامك على ارض الوطن لينتقم منك كل من لا يعرفك !!!!!!!!!!!!!!!!!!!

طبعا بعد التجهيز كنت متردد اكمل الفتره بلفندق ولا اروح شقه ولاني لحالي ماحبيت اتهور قلت خليني اسرق الايام اول يوم بلفندق وبعدين اشوف والفندق بنسبه لي معروف جدا وحافظه صم من اصغر موظف للمدير ويعرفوني تماما خصوصا اني كنت متواجد عندهم قبل شهرين.بس الفرق اني كنت ابغا شقه وقتها ومالقيت لوجود الاخبار السيئه والمره هاذي مصم على البحث.واستكشاف كل بقعه في كازا المرعبه .وبتدريج نشوف المدن الثانيه. وطبعا من الطياره اول واحد نزل الناس تدور عفشها فوق وانا عفشي بحظنيوتعمدت اني اكون اول واحد بلمقاعد الاولي.لسرعة النزول ولانه حسب خبرتي لرحلات الطويله اريح مكان في الطائره يعني ماقدامي كرسي وخصوصا عندي ضيق ولا احب اشوف روس كثيره قدامي .نزلت اول واحد والله متعمد بشوف ردة فعل المطار المرعب ختمت ودخلت وشنطتي معي بدون اي سير او انتظار (وكان الاستقبال كلعاده قمه بلادب مع شوية تسول بينك وبينه قلت ابشرك الطياره مليانه وبنفسي بس ختملي مانويت ادفع ولا هلله وانا اسمع انكم تداهمون الناس وبتخربون المغرب رد علي ببتسامه حلوه وقال اتفضل ياغالي اهلا وسهلاى بيك (قلت هاذي اول اشاعه كذب)واول تكسي اخذته انا متاكد محد طلع قبلي.وسبحان الله اول ماطلعت من المطار وقفت خمس دقائق استنشقت الهواء العليل واتامل بشارع والرصيف والتكسي والحركه .وانه نفسه ماتغير شي بلعكس الجو غيم ونسمات بارده ورجعت روحي وهدئه نفسي وتقدمت خطواتي بدون شوري لاقرب تكسي ومالقيت قدامي غير مغربي قلت عطني التكسي ياولد وثواني وهو يصايح لتكسي ويفتحلي الباب وتفضل .قلت كم قال 350.قلت خربوك الغشم .تريد 250 ولا انا اركض للفندق ركض واخذ الدراهم شوف جزمه جديده .ولي 6 ساعات جالس بطياره .ضحك الشايب قال اوكي ب300 قلت لا قال عشان العيد قلت لا قال اتفضل ولتفت للي جاب اتكسي وماقدرت الا اني احييه بعشرين درهم وعشر ريال مدري كيف طلعت وشافها قلت رووووح ياعم مو عشانك عشان نسمة الهواء الي رد الروح وعشان سقوط اول اشاعة من مخي(اشاعة ارهاب المطار الي طلعولنا فيها) و(صدقه تدفع البلاء)و لانه قدملي خدمه لو بسيطه بس ليست من واجباته .كفايه ابتسامته وركضه قدامي .وقلت انطلق لطلنطس .ابشوف وش صار عليهم .وصلت وعند الباب زرقني البلمن (حامل الحقائب) عزالدين مثل عوايده وتوقيته ويفتحلي الباب وسلام كبير بكلام جميل وشال الشنطه وتفضل وعند الاخت فاطمه ورشيد سلامات وشوية احظان وتبويس قلت الحمدلله ثمرات دراهم سفرتي الاخيره بدأت تؤتي اكلها .مانسوني الجماعه وهذي ميزه بلمغرب .الي طبعا دفعوني ايها مجبرا اخاك لا بطل.قلت اهم شي نفس الغرفه لي فيها ذكريات مطله على المحيط البرج الاوربي .قالت حاضر عدها تقولي مافيه بس ربك ستر ولوني حسيت انهم كنسلو حجز واحد لسا ما دفع مايعرفونه عشان يخدموني وبخششهم .قلت اذا جا الشخص الحاجز بكره خبروني .قالو هاذا اوربي قلت اهاااا ماهو خليجي مسكين قالو لا قلت ينام بقصر السفير لاخوف عليه . قلبت الموضوع عليهم وقلت عندكم غرفه عطوني مافيه قولولي مالي شغل هذا عملكم. (وهذي حركه يسووها للي يعرفونه ولشخص مادفعلهم تاكيد حجز .اخذت المفتاح وطلعت وزبطة السفتي اخذت الدش وصليت وطلبت ساندوتش خفيف وكاسة شاي مغربي .وبعدها .تقلبت افكر بموضوع المداهمات والشقه كيف اجيبها بكاز وكازا كبيره ماجاء نوم .وقلت انا ليه حيران سكن وسكنا وباحسن غرفه خلنا نشوف اخبار الشارع (قبل لايصير منتصف اليل ويصير خطف ومخطوف حسب كلام الاخوه الاعضاء) لبست ونزلت تماشي لمكدونالدز .وياالله ياالله يا الله الساعه تقريبا 7.00مساءا رجعتلي كل احاسيسي ومخي المقفل اشتغل وابتسامتي لا تفارقني .قلت الحمدلله هذي الاشاعه الثانيه سقطت (السكن ماتغير بختبره اذا رجعت- اماالحريه بشارع الي صادرتها لي صفحات النت والكتبه الي تهذي بمالا تعرف لقيت العكس تماما شي لايوصف كلم من شئت واسال من شئت وابتعد عن ماشئت .(بدون تعدي على حرية الاخرين طبعا وبدون توزيع ابتسامات صفراء تدل على البلاده والحماقه اكيد) لقيت الشارع ياخوان يعج بلبشر من كل الاصناف والاجناس ولقيت الحريه التي لن تراها بغير المغرب مقارنه بدول العربيه .بدأمن لبس حرية الحجاب والاحترام الي حرية لبس التنورات القصيره ومافوق المعقول .حريه شخصيه لكل انسان ضمنها قانون واحد واجناس مختلفه .نعم هاذي كازا الي اعرفها وليست ماقرئت عنها .وكان والجو على البحر منعش وهادي وكانها بتمطر سبحان الله .وبعد شويه بدت اصوات الموسيقى الهادئه والصاخبه من كل مكان والوان الاضاءه على الشارع تتلون بكل ركن من اركان المطاعم والمنتزهات والكفيهات حتى الاشجار نورتها استعدادا للفرحه بلعيد عيد جديد...ولتفت يمين ويسار وين الحكومه وين المداهمات؟لماذا لايتم القبض على هؤلا؟وين ماحد يكلم احد وين الاتهامات للخليجيين؟؟؟و100سؤال براسي يدور .وكملت مشواري قدام على ميامي وتربيكان واذا الامور تتحول براسي 180 درجه لايوجد مقعد الا وعليه حبايب .يضحكون ويمزحون .وين الزعل مافيه وين النكاده مافيه وين الوجيه العبوسه مافيه .كله تبخرولا اساس له من الصحه جلست شوي اتامل الوان البشر وتلقى الوان الابتسامات الهادئه الي تشعرك بدفء والحنان وانك في اامن بقعه على وجه الارض.(وانضر بلجزمه وانتم بكرامه الرياضيه قلت حسبي الله على الي خلاني ااجل .اية جزمه سريعه .اية تحفظات .اية.اتهامات .ورجعت ثاني وتوقفت عند كشك صغير يقع بين توربيكانا وماكدنلدز على الكورنيش وخابر فيه 2 عساكر مره طيبين موجودين لحفظ الامن وتوقف قدامه دوريه كنت اتكي عندهم احيانا وانا رايح العصريه اسولف معهم واحييهم بعشرينايه لكل واحد وهم بدورهم يقدمولي الشاي . على الماشي .تجرءات ورحت امام الكشك وسلمت عليهم وعرفوني .قالولي انت كنت هنا قبل شهرين قلت نعم واهلا وسهلا وعطيته سؤال صريح بعد الاكراميه ؟كيف الوضع عندكم انا سمعت فيه مشاكل .ضحكو وقالو اش تشوف انتا قلت اشوف ان النت خرب اخلاقي وضنيت فيك يامليح ضن السؤ. قالي واحد منهم (نعم هناك شويه مشاكل وحملات بمراكش شديده وشامله كل مدن المغرب )قلت ليش وعلى مين ؟قال على الشقق المشبوهه .فقط وعلى اي شقه تسكن عزاب يعملون مشاكل وفضايح قلت من حقكم الي يسوي مشاكل وفضايح ليه يجي اصلا ويقلون انها انتهت وانصحوني بلبقا بلفندق.(يحسسوني انهم خايفين علي )قلت بعقلي هذي الاخبار عارفينها وهذولي درك على قد حالهم يمكن مو تخصصهم.بس يسمعون .المهم سلمت عليهم ومشيت بعد ان طمني بانهم هنا لخدمتي .يسلام . كملت سهرتي بلفندق وطلعت انام وقبلها كلمت رسبشن وش الوضع قال وهو المسؤل عن استلام الرسوم واسمه طه :الوضع تغير شويه الناس الي جدد ممنوع الا بعد 12 ليلا والي نعرفه ندبره باي وقت قلت غير الكلام هذا قال فيه شوية مراقبه مو زي اول قلت عموما تعرفني ما ابغا لا برسوم ولا غيره .الي عندي واحد نفر ولا ابغا غيره .وبلحلال انشاء الله .واكملت سهره على الكورنيش وعين ذياب والبلكونه والهواء المنعش روعه نستني التعب ..اتصلت على حبيب ديالي وقلت بكره اجيك البيت بس خلني ازبط السكن ...وفجاءه اتصل علي واحد منخلع هاه ؟؟؟وش صار انت بسفاره تم القاء القبض عليك ؟نزلو صورك ؟قلت اهداء يارجال اش قالولك عضو بخليه ارهابيه بس مالومه الي قرينا اكثر والعن.. قلت ابشرحلك حاجه بختصار انا الان وضعي النفسي والمعنوي والامني وشعوري واحاسيسي ومكاني وزماني والدقائق الي تمر علي متاكد انها اسعد من المكان الي انته فيه .بمليون مره .قال يعني اشاعات قلت لا اشاعات مكتوبه بكره تبين
:ماطاح الفندق وتعامل سيء؟لا ابشرك العكس اخذوني بالاحضان .
ماخطفوك؟لا ابشرك ولا انظرو بوجهي.
ماعتدو عليك الدرك لانك خليجي زي مايقولون؟لا وابشرك متقهوي عندهم وعزموني بكره.
مامنعو المشي بشوارع ؟لا وابشرك بكثره كل اثنين سوا .الي بيجلس يجلس والي يتمشى بكيفه.
مامنعو الرقص؟لا وابشرك زاد والاغاني فجرت راسي

مامامامامامامامامامامامام اماماماماماماماماماماماما مامامامااووووما كل مايقال يصدق ..طبعا ندم بعنف انه فاتته احلى اجواء العيد وبيتورط بلحم الخرفان الين يراجع المستشفى................خير انشاء الله

((حبيت احطكم بصوره لاول يوم وصلت فيه لتقدرو وتقيمو الوضع وكتبت زي ماعشت للي يهم كل الاعضاء والي يسالون عن الوضع الامني وغيره والحريات ))

هذا يومي الاول اما الثاني فستمريت من الصباح الباكر بلبحث عن الشقق الامنه واستعنت بكل الاتصالات لدي ولاكن للاسف وجود الامنه قليل ولادري ما اسبب وبعض الاتصالات كادة تسبب لي مشاكل اما البقيه فلحقيقه ممتاز لاكن لا يوجد ظامن .وشروط الخدامه اعقد من شروط المالك .الخدامه تطلب عدم وجود احد خوفا على نفسها .بعض الشقق ينبهونك بانك انت المسؤل وان الوضع مش سليم زي اول والبعض الثاني يرغب بس لتسكن وبعدين انساني ...بقووووه... حدك تسكن ويستلم العموله يطير بجميع وعوده ..الوضع اقدر اعطيه 40% مخاوف ..اثناء البحث.فقررت تجديد يوم ثاني بلفندق لان الوقت ما ساعدني ومن بكره التركيز على الشقق العائليه الي فيها عوايل فقط .وكم شقه فاضيه من باب البحث عن الامان بدت تتكرر كلمة (امان)اثناء تدويري لشقق وكانها شماعه تعلق عليها الاسعار للمستغلين وذريعه للمتخوفين .بس عقلي يقولي كلام ثاني ان الامان انته الي تجيبه لنفسك او تبتعد عنه ما احد يجيبلك شي.مضمون .لاني ببساطه من الحماقه ان اثق بكلام اي شخص عميل سمسار مالك.. ماان تكتب العقد باسمك حتى تصبح المسؤل الاول والاخير عن الشقه بمن فيها وماتحتويه هذا النظام ولقناعتي بهذا الشي وانه لايعتمد عليه ايقنت انه مالك الا عيونك وتشوف العماره صالحه لسكن ولا خرابه ولا مشبوهه سكان كلهم عزاب كيف وضع الشارع وووالخ وما ادهشني ان العرض اكثر من الطلب بس مش كثير الي اعجبني.بس لاني لحالي ومصمم على ترك الفندق اضطريت ادقق واكثف البحث وطبعا ببعض مشاورات السواق الي اعرفه من فتره (بدون ما اخذ لكلامه اي اعتماد بس استنتج منه معلومات عن الاحياء .بشوية اساله .وصراحه تعبته معي ابتعدت عن اي حي معروف او متداوال وعليه العين وصارت فيه مداهمات زي المعاريف الزقطوني اووووالخ واعتمدة على العماير الجديده الي فيها كم شقه فاضيه والباقي عوايل محترمه .وتكون ثالث اورابع قطعه من الشوارع الرئيسيه ومن صباح بدري لليوم الثاني مع تكثيف الاتصالات الي اعرفه والي ماعرفه ولف بشوارع ومناقز اما م العماير ركزت على كم شقه محترمه سالوني عوايل قلت نعم تقريبا ومع شوية اسلوب وابداء نيه عدم الازعاج والاحترام والثقل .والهدؤ ..واني زبون لقطه ....لقيت الشقه الي ابغاها .طبعا هذا الاسلوب استخدمه مع الشقه الي ارتاح لها يعني بمكان محترم وشارع نظيف واثاث فاخر.ومساحه واسعه لاني اكره الضيق مره وحولك جيران وشوية حياه.اما الشقق السكه ولا اشاورهم نظره فبتسامه فسلام. واستقريت بعد عدة جولات عليها مع الشغاله ..والسعر مرنفع شوي بس مافيه مشكله .تستاهل مريت الفندق وسويت ش ك اوت .وقابلت مسؤلهم عند الباب قلت ترى غرفتي كانت محجوزه لشخص وكنسلوه ما ادري اتاكد..عشان هذا ضيفكم حاجز عندكم .اوكي .وسحبت عليهم (والحقيقه مدري ليه خربتها وعلمته انهم سكنوني وكنسلو واحد ؟يمكن عشان كنت فرحان بشقه هههههههههياووداعا يافندق الطش وتسول والاكراميات المتلاحقه ويمكن لاني انقهرت من الحركه عدم وجود مصداقيه في الحجوزات او لاني حسيت انهم سوو حركه عيب عشان يتجملون معي واعطيهم بخشيش؟مدري !!! ويمكن عشاني ممارس معهم وعارف الاعيبهم (زي لمايجي يشيك على الثلاجه يلقاها مصفره مافيها شي .يحسب حسابه يطلع 450 مثلا يقول هات 150يحطها بجيبه ويرفع سماعه لرسبشن يقول ثلاجة الاستاذ مليانه؟؟!اوانا اقول مالي شغل سياساتهم .هذا غير ضرب الفواتير الاكل الي اكتشفها لزبائن؟؟والبخاشيش الي ماتنتهي خصوصا لما تنزل تصرف عمله من رسبشن كلهم يجتمعون حولك وهاتك شحاذه ..ووووو عموما يستاهلون ولو عندي وقت فضحتهم بس شكله مسؤلهم نفس عينتهم ...............افتكينا من هذا كله وتابعنا المشوار......

وسيــــــــــــــــــدا على المرجان ولقيته زي ماهو ماتغير ولا تقفل ولا داهموووه (هههه).وشوية طلبات مع فواكه ومكسرات ولزوم السلطات وخضار وخبز .وملاعق وكاسات جديده وصحون بلاستك للوقايه وعن الشكه .ودستة مناديل ومنظفات .للمطبخ والارضيات .ومعطر جو اووو. حتى الجونتي لطبخ لقيته الين قالت العربيه فل قلت يالله ياعم حاسب ولله الحمد بتراب الفلوس قيمة مصروف يوم بلفندق.ومع العم ابراهيم السواق على الشقه وتعليمات صارمه للخادمه بنظافه المنقطعة النظير للمطبخ والحمانات والصاله .بستثناء الغرف قلت نظفيها اول مره قبل لاجيب العفش وبعدها ممنوع تدخلينها الا اذا طلبت منك .مع الوعود بمكافئات نهاية الخدمه اذا اثبتت جدارتها وتغييرها اذا ماعجبتني .والحقيقه طلعت افضل مما توقعت وعجبتني لدرجه كبيره بكل شي اخلاق اسلوب كلام مواعيد نظافه طبخ اخـــــــــــــلاص وحولت الشقه الي هي اصلا نظيفه واتاث فاخر وجديده. الي فندق خمس نجوم .دبت الحياه بشقه والانعام والخيرات في كل مكان والروائح المنعشه ملئة العماره .وطلعت الشغاله متخصصه بطبخ .وتعمل طباخه مو شغاله .بس شافتني لحالي حبت تجلس على قولها شغل خفيف .لشخص واحد .واكتشفت بعدين ان الشغل معي مو خفيف كل يوم سفره بعد الساعه5عصرا ممدوده فيها من كل الاصناف والانواع تكفي لسبع اشخاص .والضيوف انا والحبيب ديالي واختها وصاحبتهاوصديقه قديمه تعمل في شركه واحيانا اعزم صاحبة الشقه الي انبسطة من التحول بشقتها.والاهتمام ..وهذا الي يبغوه مايبغون 4او5 زكرتيه من خليجنا يعطونها عصيرات واخر اليل يبابي يحرقله فرشه ولا ينثر عصيره ويحوس الشغل والصبح يجون ينظفون وراه. ولا يكسر الكاسات .ويرج العماره .
المهم كنت موصي العم ابراهيم يشتري الخروف عشان اضحي وصار عيدهم يوم الاثنين وعيدنا يوم الاحد وسالت قالو خلك مع نفس البلد .وداني منطقه نسيت اسمها يذبحون فيها الاضاحي .المهم ذبحها واحد قدامي.بسم الله الله اكبر..وقطعها ونظفها وجهزها.اخذت ثلثها لثلاجه.والباقي وزعته مكاني .واستمرت كبسات الحم بس غير نكهه مختلفه وصلات عيد باجمل مكان بعد الحرمين طبعا .اجواء ساحره تسامح وابتسامات وفرحه حقيقيه لشعب والبلد.. وعزمت حبايبنا الي هناك الي توهم واصلين وقابلتهم صدفه معرفت خير وبعد ان كنت لحالي استطعت ان اقول ان بين اهلي وناسي.
واستمرت الحياه الورديه الغير مسبوقه من الراحه والامان والتعامل المريح لدرجة اني تحسرت على كل سفراتي الي قضيتها بلفنادق لسنوات عديده يمكن مره او مرتين اخذنا فله..وحسيت اني توي سافرت .لاني حسيت اني بيتي والكل يبغا يخدمني وما احد يرغب او يفكر ان يزعجني او حتى يزعلني مع العلم اني لحالي . بس طبعا مسويلي جوي الخاص يعني ما كاني لحالي الا وقت النوم الصباح فيه طباخه والحبيبه واحيانا السواق .وضيوف من ربعنا يجون يتقهوون العصريه والميوزك شغال على خفيف .وانتظرت اول ليله احد يطب علي وانتظرت من الصباح للمساء وبيتي عامر بضيوفه وجيرانه بكل احترام وناسه ما احد جاني ولا حسيت اني بكاز الخطيره.وبديت ارتب مع ديالي عشاء بشموع وسهر حتى الصباح والدنيا هانيه والازعاج ماشفناه والامور على افضل مايكون..بس طبعا مع شوية حذر يعني جلستي بشقه مع ديالي العزيز عادي يعتبر ساكن معي الخطيبه الي كاتب كتابها (بلحلال ولله الحمد) .مافيه شي اسمه اروح اجيب اخر اليوله اتهبد. او من الصباح وتروح المساء .المهم في كازا لا تجيب ضيفك بعد العشاء وتقول بسوي سهره . وتسوي ذكي وتقول ادخل قبله وهوبعدي ..انسى هذا الكلام لا تروح فيها ....تعامل مع الوضع بذكاء استخدم مواعيد دخول وخروج غير ملفته ...هذا للعلم ويمكن موقع الشقه كان مساعد مهم... في الاخير نتيجه واحده كازا ماتغيرت والمغرب زي ماهو ...بس تغيرت بعض السياسات عشان انت كمان تغير سياساتك وتترك شغل الازعاج تفتحها على البحري وتخربها بتصرفات سيئه وتطبق حرية شرق اسيا ...بدوله عربيه .. والمعلومه الي شبه مؤكده من اغلب المطلعين هناك ان توجه .سياح سوريا ومصر .وسياح جدد فتحت المغرب لها اذرعها ترحيبا.لاكن مع الاسف عاثو في الارض مفسدين .مما الفت انتباه الراي العام المحترم فضطر الامن لتشديد القبضه علىيهم .وسيستمر حتى تتوقف مهزلة ماحدث وقبل ان تتحول المغرب لبلد يسرب بعيد عن الدول العربيه المسلمه...وخصوصا ان نظام السكان هناك تلفون 24ساعه لتبليغ عن اي شكاوي او ازعاجات.

بنسبه لمراكش ماشفت شي بس سمعت النخيل صار ت شوية مداهمات .لناس عملو مشاكل فيها اما باقي الشقق فكلها غير امان صارت مداهمات لان الناس اشتكت ...نفس الكلام بباقي المدن ...
وفي كازا بصراحه زي ماشرحت واضح عدوم وجود امان خصوصا الشقق المعروفه ...والمشبوه...بس الباقي كلام في كلام اشاعات معلومه وحده صحيحه بنو عليها 1000معلومه غير صحيحه.
واكتشفت ان العيب ماهو في البلد ولا في ناسها الي هم احسن واطيب ناس ..العيب والمشكله في الزوار وصغار السن ...والبشكات المتخلفه ثقافيا وغير مدركه لسياحه والسياحه محصوره ب**** وعصير ... ونظرته قاصره بان المغرب خلقت لهذا الشي..(والمشكله يقول غاليه لان فلوسك كلها سلبت منك بسبب اعتقادك الخاطء واهدافك الا عقلانيه .وحتى الحريه في اوربا لها حدود فمابالك بوطن عربي .واحب ابشر هذه العينه انه طايح طايح بيدين الدرك والسفاره تحتريه وهذولا الي المفروض تطلع عنهم الاشاعات ماهو البلد نفسها..

هذا تقرير سفرتي للمغرب الحبيبه واعذروني لست متخصص في كتابة تقارير واول مره اكتب تقرير. وماحبيت اختصر سفرتي ببعض البنود .حبيت انقل الوضع الراهن لاني متاكد انه فيه ناس تنتظر الاوقات وسماع مايسرها ...وابشرهم بان المغرب افضل من ذي قبل لكل سائح يقدر معنى السياحه ..عيش حياتك .....استمتع........بس لاتحسس البلد بانها متخصصه بسياحه (عذرا الجنسيه) راح تتعب وراح يتعبوك المغاربه...هذي بلد الجمال والهدؤ والرمنسيه..والجو الحلو ...بس تراها غيرت نظامها عشان الزوار يغير نظامهم للافضل هذا ماتوصلت له ....

وتقبلو خالص التحيه والامتنان.

رد مع اقتباس
مزعوط قدير
المشاركات: 160
تاريخ التسجيل: Sep 2011
الدولة: بين "ام الرخا والشدة" و مدينة"الغبار"
يوسف بن تاشفين غير متواجد حالياً  
قديم 2011-11-15, 01:18 PM
  المشاركه #2
رد: وصلت قبل يومين وهاهو تقريري العاجل وردي الساخر

أسعدك الله كما أسعدتني بكلامك العقلاني والذي دائما ما اقوله للأصدقاء..

اذكر اول سفرة لي الى المغرب ولم تكن بتلك الشعبية لدينا كما هي الآن ... حاصرني كل من اخبرته بالتحذير والتوعيد وكأني ذاهب الى تورا بورا او اخطر مكان في الدنيا. قمت ببعض التصرفات التي اعتبرها ساذجة من باب الحذر الشديد ولا انسى موقف عندما صعدت في طاكسي فكان أت قلت للسائق بحزم شديد "خدم الكونتور" فكان ان بادلني بابتسامة ليقول لي اخي الحبيب نحن لسنا في غابة, نحن في المغرب! وفعلا لن انسى هذه العبارة فقد ظلت تدوي في اذني ومن بعدها استمتعت بالمغرب وبكل ما فيه. وظللت اقولها لكل من جادلني وحذر من المغرب لأسباب واهية .. انها ليست غابة ,هذه المغرب.. ان لم تستمتع بها. فلن تستمتع بأي مكان آخر في الدنيا

: (469):
__________________
سوق النساء سوق ميار يا داخل رد بالك
يوريو لك من الربح قنطار ويديو لك راس مالك
يا قلب نكويك بالنار و ادا بريت نزيدك
ياقلبي خلفتي لي العار وتريد من لا يريدك
الدنيا يسميوها ناقة ادا عطفت بجليبها ترويك
وادا عطفت ما تشد فيها الباقة يتكفح ولو يكون في يديك
شفتني يا المسكين وشفني حالك
الزين ما تاخدوا والدين ما ينعطى لك
يا صاحبي كن صبار اصبر على ما جرى لك
ارقد على الشواك عريان حتى يطلع انهارك
نوصيك يا حارث القديح بالك من دخانها لا يعميك
رد مع اقتباس
مزعوط خبير
المشاركات: 1,685
تاريخ التسجيل: Jul 2011
الولهان غير متواجد حالياً  
قديم 2011-11-15, 02:04 PM
  المشاركه #3
رد: وصلت قبل يومين وهاهو تقريري العاجل وردي الساخر

الله يبشرك بالخير هذي الاخبار اللي تسر ونا اضم صوتي لصوتك اهم شي التشديد ع صغار السن يفهمون ان البلد اسلامي ويقعد يهايطون يخربون الدنيا وعجبني اختيارك للسكن وترتيب السفره كللك ذوق ومنك نستفيد والحمد السلامه: (778):
رد مع اقتباس
مزعوط مبتدء
المشاركات: 49
تاريخ التسجيل: Nov 2011
الدولة: سيدني استراليا
ALI AU غير متواجد حالياً  
قديم 2011-11-15, 02:20 PM
  المشاركه #4
رد: وصلت قبل يومين وهاهو تقريري العاجل وردي الساخر

من التقارير المميزه والجميله في هذا المنتدى بارك الله فيك مشكور على هذا الطرح
رد مع اقتباس
مزعوط مميز
المشاركات: 313
تاريخ التسجيل: Aug 2010
قلبي هناك غير متواجد حالياً  
قديم 2011-11-15, 02:31 PM
  المشاركه #5
رد: وصلت قبل يومين وهاهو تقريري العاجل وردي الساخر

ياعم نقضت الجروح الله يسامحك
كل شي قلته يذكرني بشيء
ولبيه ياكازا....
الف الحمد لله ع السلامه وعمار يالمغرب عمار
رد مع اقتباس
مزعوط قدير
المشاركات: 162
تاريخ التسجيل: Aug 2011
الراقي غير متواجد حالياً  
قديم 2011-11-15, 02:48 PM
  المشاركه #6
رد: وصلت قبل يومين وهاهو تقريري العاجل وردي الساخر

الحمد لله على السلامه اخي الفاضل ميمو

حقيقه اعجبتني تفاصيل تقريرك الرائع

لا يمكن لأى إنسان ان يقابل شخص مطابق له فى كل شىء دون أن تكون هناك نقاط إختلاف فى الشخصيه

فالشخصيه الرجل المتزن والعقلانيه كثير ماتجنبه المشاكل في عده مواقف ربما تواجهك في ايام سفرتك ,

فاالحمد لله عقلانيتك جنبتك الكثير من المواقف ولهذا السبب رئيت بان رحلتك كانت موفقه

تقبل مروري
رد مع اقتباس
مزعوط برونزي
المشاركات: 678
تاريخ التسجيل: Nov 2011
الدولة: الديرة
العمر: 38
اه مراكش غير متواجد حالياً  
قديم 2011-11-15, 04:48 PM
  المشاركه #7
رد: وصلت قبل يومين وهاهو تقريري العاجل وردي الساخر

صدق لسانك صغار السن وكذلك صغار العقل والمعرفه
رحلتي بتاريخ 15 /03/1433 انشاء الله فهل من خوي على الدين
رد مع اقتباس
مزعوط مبتدء
المشاركات: 33
تاريخ التسجيل: Sep 2011
البواق غير متواجد حالياً  
قديم 2011-11-15, 10:16 PM
  المشاركه #8
رد: وصلت قبل يومين وهاهو تقريري العاجل وردي الساخر

الحمدلله على السلامة واهم شي انك انبسطت وصدق من قال ياغريب خلك اديب
رد مع اقتباس

المشاركات: 472
تاريخ التسجيل: Jan 2011
الدولة: الرياض
ماكاين والو غير متواجد حالياً  
قديم 2011-11-16, 12:25 AM
  المشاركه #9
رد: وصلت قبل يومين وهاهو تقريري العاجل وردي الساخر

الحمد الله على سلامتك اخوي وانشاء الله تكون استمتعت بالرحله
وياليت الكل يتعامل كتعاملك وتعامل الكثير منا برقي وبعقلانيه واحترام للناس وللبلد
وان تكون سفير مشرف لوطنك باخلاقك ورقيك
ولكن للاسف هناك فكر صغير وفكر منحرف عند شريحه كبيره من الشباب بانه سيملك الناس بفلوسه وهو الامير المخدوم ويريد ان يجاهر قدام الله وخلقه ويذل الناس ليسعد ذاته المريضه فهذا شخص ندفع نحن ثمن حمقه وتفاهته اذا تحاورنا من مغاربه عزيزين علينا بالزاف نحترمهم وينقدرهم ويبادلونا نفس الانطباع
ندفع نحن ثمن امتعاضهم من ابناء جلدتنا للاسف الشديد
بعد هذا فانا مؤيد لحملات الدرك التي تبعد هؤلاء عن هذا البلد الحلم
شكراً لك اخوي ميمو
وتقبل مروري
رد مع اقتباس
مزعوط جديد
المشاركات: 21
تاريخ التسجيل: Oct 2011
روكو غير متواجد حالياً  
قديم 2011-11-16, 01:07 AM
  المشاركه #10
رد: وصلت قبل يومين وهاهو تقريري العاجل وردي الساخر

الحمد لله على سلامة الوصول فعلا ياميمو زي ماوعدتنا باخر مقالاتك انك بتروح وجيب الاخبار ولحالك بتسكن بشقه في كازا وفيت وكفيت .
وتقرير روووعه استمتعة بقرائته خصوصا تفاصيل اعتمادك على نفسك وتفكيرك وحساباتك وتعاملك الراقي وبعد نظرك لسياحه وحقيقه جراءه منك تحتسب لك.
مشكوووووووووور وحمستنا حيل...وتقبل مروري
رد مع اقتباس
إضافة رد

الكلمات الدلالية (Tags)
الساخر, العاجل, تقريري, قبل, وردي, وصلت, وهاهو, يومين


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
اخواني ارجو الرد العاجل kingone قسم الاسئلة و الاستفسارات عن المغرب 24 2015-10-18 05:27 PM
تقريري من الحدث ابو نواف تقارير رحلات الاعضاء إلى المغرب 21 2012-02-19 12:14 AM
طرائف الأديب العالمي الساخر برنارد شو بزناس الاستراحه 6 2011-10-17 08:13 AM


الساعة الآن 03:47 PM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81