من البداية وحتى النهاية رحلتي لاغادير

هلا والله بالجميع وصلت يوم السبت الساعه 7 صباحا الى العاصمه الرياض
والاوضاع ممتازه بصراحه هذي اول مره اسافر للمغرب
ويعلم الله اني ماتوقعت المغرب (اغادير) بهالجمال والروعه
والملفت للنظر اني خلال سنوات اسمع بالنصائح والتحذير من المغرب والتخويف
وبصراحه كان له بالغ الاثر علي قبل السفر لانني ازعجت الاعضاء كثير باسئله اكتشفت
انها سخيفه
ياعالم وياهوووه حرام عليكم كذب بحق المغرب انا اتكلم عن اغادير فقط مدينه هادئة جدا
يأسرك شاطيها المسمى بلاكوت تأسرك المارينا وخاصة مساء وروتانا كافيه
سوف ابدا سرد رحلتي
اولا: السفر يوم الجمعه الموافق16 ديسمبر الساعه الثامنه صباحا الى مدينة جده والوصول الساعه التاسعه وخمسه واربعون دقيقه
انتظرنا بالمطار الى الساعه 12 ظهرا ثم توجهنا بالقطار هههههههههههه اقصد الباص الى الطائرة
طبعا اخوكم عارف وضع الرحلات الطويله من خلال سفري مرات عديده الى الفلبين واندونيسيا وماليزيا اشتريت رواية رائعة
اسمها(الموت ياتي في النهاية) طبعا اسم الرواية مرعب ههههههههههوهي من نوعية الروايات الطويله
تقريبا300صفحه ان لم تخني الذاكرة وصلنا الساعه 4 العصر بتوقيت كازا وساعه نزولنا بكازا الحب على قولت مزاعيط كازا لبى قلبهم والله كنت مخلص نص الروايه
توجهنا الى الجوزات والموظف يبربر علي وانا بس مفهي وماغط ام الابتسامه لين اذاني وشوي بعد مل الرجال وقال سير
مشيت واناظر لاخوي (نايف)كان وراي الا الرجال بعد نفس الطريقه ابتسامه ويسوي حركة الراس الشهيره نظره فوق نظره تحت يمين في يسار بسرعه هههههههههه
وعلى طول مشى توجهنا الى سير الامتعه واستلمنا الشنط وتوجهنا الى صالات القدوم وكان بانتظارنا اخ مغربي يعرف صاحبي (نايف)بيسافر بسيارته لاغادير واتفق معه ياخذنا معاه ونعطيه المقسوم وهذا المغربي اسمه (احمد)
بتوقف وواصل قريب ان شالله

: (778):

رحلة سعيدة اخوي بس تراكم تتأخرون على الشباب كان ودي التقرير يكون جاهز علشان يروح التقارير المميزة وينفع الاعضاء والزوار في رأس السنة الهمة يابطل!!!!

: (732):

__________________

اكمل الرحلة
انطلقنا من كازا على طول الى اغادير وانا عيوني بس يم عداد السرعه وخوينا مثبت على 110كلم في الساعه
بعد جدال طويل زاد السرعة 140كلم مع اخذ الحيطه والحذر هههههه ,,,,,,مستعجل اخوكم يبي اغادير,,,, ومعذور
طبعا احنا ليلة السبت وياجماعه مع الخط سيارة البنوراما والبي ام الاغلب روووح ياشيخ وسال خوينا محمد وين رايحين الناس اغادير قالي لا مراكش قريبه وبيحبوها اهل كازا واطالع خويي بنص عين وين مودينا يالاخ ترا مراكش حلوه قالي انثبر بس اول مره تجي للمغرب ومسوي فيها خبير قلت له عطني عصير ومير اتكي .
وصلنا اغادير وعلى طول على فندق صحارى واول ماوقفنا قدام الفندق قلت على طول انا بسبقكم خلاص وخويي يضحك الساعه تقريبا10.30م
بس والله رعبني الفندق حسيته مظلم من الخارج واقسم بالله حسيت انه معتقل مو فندق بس لما دخلت وصرنا قدام الرسبشن على اليمين الا ال**** تقريبا عددها 6 مجنحه مع الدرج طالعين فوق قلت لخويي وين رايحين ال**** ياجماعه خويي نايف مات ضحك قال تراك ذبحتني اساله خل الناس في حالهم واغد بحالك .
طبعا احنا حاجزين من المؤيد بالرياض الليله الغرفه الواحده مزدوجه ب530ريال سعودي ثلاث ليال الله يغربلك يالمؤيد واكتشفنا ان الحجز من اغادير ارخص ويالله لعيونك.
طلعنا للغرف وحمام ساخن بسرعه ونزلنا على طول لمطعم اسماعيل الا واشوف شلة شباب كويتيين قلت زين الخليجيين فيه يونسونا
تعشينا ودردشنا معهم شويه ونرجع للفندق وعلى طول لل(العنبره) ياجماعه بغيت اتشقلب والله من الوناسه واحصل واحد مغربي دب
متكي قبل الباب على اليسار اول ماشافني اصفق واضحك مد يدينه واعطيه ذيك الحضن الدافي ولا فكني منه الا خويي يقول من البدايه احضان الله يستر فليناها بالعنبره لين دخنا وخويكم كل هذا اعتبره تسخين المعسل قدامه وال**** ترقص والعصير انواع حالي ومر ووسط هههههههه اه يالوناسه
خلصنا وللديسكو بصحارى(شهر زاد) وهات ياليل رقص وخبال وشويات الا البودقار اخذني برقبتي لين حطني عند خووي (نايف )طبعا نايف يعرفونه.....
وخويي ضايع يصرف حنان وقصص خياليه وانا حسيت اني (هامل) قلت اخربها والليله اخليها مراقبه عن بعد وماطلع اخوكم الا مع اخر واحد طلع من العاملين بالديسكو

حسيت اني طافي وابي صيانه عاجله ومستعجله وعلى الغرفه ولما جيت بنام الا الجيران توهم يبدون السهره وصوت الاغاني واصل اخر الفندق ياجماعه ياناس ولااحد معبرني الرسبشن قالوا تعبنا معهم قلت لهم تو بدوا اشلون تعبتوا حاولت ماقدرت بعدين من العصير والزعل اغمي علي ههههههههههههه ايوالله ياجماعه وصحيت الساعه11.30صباحا لما طالعت بالساعه حسيت ودي ابكي بقوه وحضن يضمني ياجماعه ماشبعت ساعتين بس....
رحت واعطيها فطور لين بدت اعراض الدوخه تجيني وعلى الغرفه صارووووخ وادعس امها نومه واصحى الساع1 ظهرا وحسيت بالفرحه
والجيران داعسين امها اغاني والدخون فل ابشن قلت مافيها وعلى صاحبي (نايف ) ونسوي اجتماع طاري وننزل تحت ياناس ياعالم الوضع مايصلح قالوا نغير الغرف وكان فيه شباب اثنين عندهم نفس المشكله ازعاج وصرااااخ.
المهم قررنا نطلع للبحر الكورتيش تمشينا ومرينا على (قلعة المؤيد) تغدينا وتقهوينا واتصلنا بصاحبنا (رشيد) ولما وصل شرحنا له الوضع والازعاج قال بسيطه فيه شقه لصاحبي سعودي خاصه جدا وقريبه من هنا مقابل (دريمز) بشارع محمد الخامس (المينا)
اتصل صاحبنا بصاحبه بالسعوديه وكلمه والرجال ماقصر وافق وحلفنا ماندخلها الا بحقها وقال لنا اللي يتبونه لو غيركم مادخلته الشقه خلوكم اوادم واعقلوا والسعر (800)ردهم باليوم واقفنا طبعا السعودي كقيل المغربي صاحبنا.
ويالله يالمؤيد وصحارى باي باي رحنا سوينا تشك اوت وعلى المرجان واخذنا الاغراض جميعها وركزت انا على البيض والتونه هههههه
والجبن الكيري والعصيرات وخاصه النوع الحامض المشلتت

بتوقف ونواصل قريبا جدا

الحمد لله على السلامه .. بإنتظار البقية

__________________
الله لا اله الا انت سبحانك استغفرك و اتوب اليك

الحمد لله على السلامة
زين ماصادكم رادار السرعة تري مكانة دايم تحت الجسر (الكبري)
كان دفعتو 700 درهم غرامة سرعة
تقرير رائع
تحياتي لك

الاخوه خبير اغادير و المحب 777 و فياض مشكورين على مروركم
وطبعا جميع اللي مرو على التقرير اتشكركم والله ....
انا الى اليوم احس بشي غريب داخلي ياجماعة الخير مدري ايش الهرجه,,,
هل هي اعراض الزعطه مدري بس احس اني صرت رومنسي كثير وبديت افكر
واحب الوحده كثير هههههههههههههههه

لبا قلبك والله

عاااادي الحالة هذي تصير ، اذا جيت من وناسة وزعطت ام امها ، طبعا انا ماصارت لي لي لاني كنت اسافر لدول غير عربية اللحين اعلمك ليش

خذها قاعدة اذا صار بينك وبين طيرك كومينيكيشن مفهوم تحس انك طااااير من الفرح وتلزق اللحظات جول عمرك ، موب مثلي ياحسرة **** شرق اسيا ، كنك خام لك مخدة ولامركاة ، لاكومنيكشن ولاشي .

كونتيو كونتيو ، AKMEL , AKMEL