^^ نصائح لمن يريد الذهاب الى اقادير ^^

السلام عليكم ورحمه الله

ماودي اطول عليكم

انا من طبعي احب الف الديره واعرف خباياها وكل اسرارها

انا جلست في اقادير 8 ايام وعرفتها .. خبزتها يعني :)

وابي الخص كلامي في نقاط .. للاخوان الي يبون يسافرون اول مره :

اغلى شي في اقادير بالترتيب :

1- السكن .. لمحدوديته ( لحد يقولي اسكن في شقه بشارع الجيش ارخض ) انا اتكلم عن السكن اللآمن وقريب من الاكوط ( الكورنيش )

2- ثاني شي المطاعم الخليجيه ( ياخي يازين الاكل المغربي ... يعني لازم كبسات :)

3- الاغراض الي تشتريها من البقالات هناك دبل الي عندنا بل دبل الدبل ( خذ اغراضك من هنا على حسب مدتك )
-------------------


اما الباقي كلها تساهيل ... التكاسي هناك انتبه تركب مع الي يوقفون عند مواقف الفنادق ومحلات السهر راح يدبلون عليك السعر ويغثونك ولو ركبت معهم مره كل يوم يبون ينشبولك

عشان كذا اقطعها من البدايه .. امشيلك كم خطوه واقطع الشارع ووقف اي واحد وقله خدام العداد؟ اذا قالك ايه قله صافي :) وخله يوصلك بالعداد واذا شفت وضعه اوكيه خذ رقمه وتواعد انت وياه ..
وزوده فوق عداده 5 او 10 عشان لاتصلت عليك يجيك ركض واعرف انك انت ( الكسبان ) لان مشكله اقادير تكاسيها ومحاولات الاستغلال

---------------------

بالنسبه للشحادين .. ياكثرهم هناك ... لاتعطيهم وجه ابد ابد ... ان شافوك تعطي اي شخص تجمعو عليك ويسحبونك .. ريح راسك وامش ولاكنك تسمع شي ابد

--------------------------

بالنسبه للشعب هناك ... انا اشوف ان دمهم حاااار... عشان كذا ياغريب كن اديب مو كل من مر بالشارع طيحت معه الميانه وسولفت معاه .. خلك في حالك وسلام وسلام عليكم :)

---------------------------

لاتصير بخيل.. ولاتفتح جيبلك ... الي تشوفه يستاهل وراح تستفيد منه بعدين :) اكرمه ... بس بالمعقول

---------------------------

تمشى وشف الديره ... لاتصير حياتك نوم بالنهار وسهر بالليل ..... خلك هب ريييح

--------------------------

لما تطلع لاتشيل فلوسك كلها خلها بالسيفتي بوكس و شيل معاك حق يوميتك ولاتنسى الفكه يعني امهات 20 -10 50- عشان ماتبلش ويجيك واحد ويقول مامعي صرف ووتوهق

-------------------------

خل الابتسامه دائما على محياك ....

وتمتع في كل ساعه هناك ولاتخلي شي يعكر جوك ابد

مع تمنياتي لك برحله سعيده وواعره :)

__________________

ممكن تقدم لنا على مراكش نصائح؟
انشالله بعد 4 اريام راح امشي

__________________

__________________

كلام جميل اخوي وبصراحة عرفة تفصل اغادير !!!!!

__________________

كلامك درر ماقصرت يالغلا

صراحة ماخليت لي شئ أقوله شكرا وأرجو من المزاعيط الجدد أن يستفيدو وأن لايكونو عرضة للأستقلال

.

__________________
الله لا اله الا انت سبحانك استغفرك و اتوب اليك

مشكوور على النصائح القيمة
الله يعطيك العافية