محتااااااج شقة بكاااازا

السلام عليكم ورحمة الله

تحياتي للجميع ..

انا طالع المغرب في 17-1 - 2012 ومحتاج شقة لشخصين غرفتين نوم وصالون تكون نظيفة وفي حي أمان وهادي ويسمح للضيوف وقريبة على الاسواق والمقاهي ومع الشغالة طبعا ويفضل تكون 24 ساعة يا ترى فيه احد يعرف وكم قيمة الايجار في اليوم ؟

ايه والله يا ساري الليل. وين اهل كازا
اللي بيخدم ساري الليل لا ينساني
طلبي نفس طلبه
واللي يقدر بعد يخدمني. كم اسعار الشقق بعد اسبوعين.
او لو ابي شقه بشغاله وسياره وسواق. بكم تطلع علي

او اللي يعرف رقم شغاله زوينه تخبر شقق
ترى كازا عااامره. بس وين اهل كازا والمزاعيط

اسمحلي اخوي ساري على الشطحه والمداخله

اخي .. ساري^ليل .. أبوحمد ..

يوجد عرض طيب من العضو (سلمى)

في قسم العروض .. أطلع عليه ..

.. تحياتي لكم ..

https://www.mza3et.com/morocco3158.html (شقق و فيلات بكازا ومراكش والرباط)

__________________
الله لا اله الا انت سبحانك استغفرك و اتوب اليك

ايه والله ياساري الليل. يعني تقصد كل طير ياكل بمخاليبة
صدقني المزاعيط السنافية واجد
وبيني وبينك !!
انا لقيت شقه بتسع مية وسيارة بثلاث مية وشغاله بمية وعليك الجمع
اما سواق السيارة هو اللي جاب لي الشقه. ويقول ان الشقه لوكس . وهذا حسابه اربع كيلو تمر سكري اخذها معاي من هنا
وش رايك في الاسعار ؟
وانا ادور لي شقه غيرها يمكن احصل ارخص او شقق غير الشقق اللي يعرفها صاحبي. مع انه سرسري يعرف كل شي

نعم نعم يا بو أحمد كل طير يشبع بمخلابه .. صح لسانك

والله انا يا خوك ما قد طلعت المغرب ولا شفتها ولا اعرف الاسعار عندهم كيف لكن انا حسب ما اسمع من المزاعيط اشوف ان اجار

الشقة مناسب يعني تطلع عليك مع الشغالة بألف واعتقد لو كاسرتهم زيادة الاجار بينقص لأن ما هو موسم وانا خوك ..

ودلني على السواق اللي جاب لك الشقة كود يشوف لي شقة بعد

بس الشقة اللي جابها لك وين بأي حي ؟؟

أما السيارة انا اشوف ان اجارها زين ومعقول اذا كنت بتطلع مشاوير في النهار وبتسهر وترجع اخر الليل .. يعني اذا كنت من بتوع الليل

واخره لأن اعتقد ان الاسعار في اخر الليل بعد السهره تكون مدبولة

وبعدين ترى حتى حنا مفتحين هم لهم في النصب حيلة ولنا عشرين حيلة يعني ما عليك لا يحسبون ان السعودي " حولي بكرتونه "

والله يوفقك ورحلة سعيدة

بس شوف لي السواق معاك وخلني اقط معك بكيلوين تمر وعطني رقمه ولا عليك امر اذا امكن .

السلام عليكم
اخوي ساري الليل ابشر ابشر باللي تبي
انت بتسافر في 17 ؟
كم يوم ؟
انت قول لي كم ليله في كازا وابشر

انا جاي ابي شقه. وشكلي بوزع شقق هنا في المنتدى هههههه

انا الحين اتصلت عليه مارد. اذا رد بوصيه وبعدها برسل لك الرقم
واذا كلمته قول له من طرف ابو حمد. ولا تقول ابو احمد ههههه : (796):

اخوي ساري شكلي مابلغت سن الرشد. ماقدرت ارسل لك رساله عالخاص
ان شاءالله ارسل لك رقمه قريب
واذا كلمته اسأله عن الشقه اللي قريبه من الديوان. قول له ابي مثلها او احسن

اخوي ساري
شريت التذاكر ؟
كم سعرها ؟
<<<< واحد يبي يزيد مشاركاته