مزاعيط المغرب - السفر الى المغرب - رحلتي من بانكوك الي اغادير

السلام عليكم ورحمه الله وبركاته

اخباركم يامزاعيط

حبيت اقولكم قصتي :) كامله والمتاعب التي واجهتهااا

في تاريخ 18/11/2011 كتب الله لي ان اسافر الي بانكوك على طيران القطريه (( وهي اول مره في حياتي وكنت وحداني )) وكل الامور كانت ماشيه تمام وحسب الاصول.

واخذت فندق وبصراحه اكثر شي شد انتباهي هو وجود المساجد!! المهم مشت خمس ايام بالغصب بس بسلام والحمدلله وطبعا ماعجبتني الاجواء والاكل بتاتاً.

وفي خامس يوم وصلني اتصال وانا بالفندق من برنامج التانقو وكنت متضايق انتظر العودهـ وكلمني صاحبي يقول انت وينك ومن هالكلام فسألته ليش وعسي ماشر .. فأجاب اليوم بالليل طايرين لأغادير .. فأحسست بالزعطه الواعره وقلت له بأذن الله جايكم ضحك وقال قبل تطير قولي .

ومن صدف الحظ الوقت اللي انا طاير منه في بانكوك هو نفسه طاير الي المغرب :) بس فرق ساعه تقريبا .
وركبت الطياره وفارقت ديار التكتك والباعوض وصلنا قطر وبعدها الكويت .

وصلت الساعه 2 الظهر . اول ماوصلت وانا بالمطار سألت عن السعر وذهبت للقطريه وسألتهم عن اصحابي وتأكدت انهم سافروا.

رجعت الي البيت وغيرت الملابس اللي فالشنطه وخليتها علي جنب وطلعت كم مشوار واتصلت على الشباب قالوا .. دابا في كازا ..
طلعت السوق وحجزت التذكره في نفس اليوم وصرفت الـ1000درهم بـ 34 تقريبا . وكان وقت الاقلاع الخامسه صباحاً .
وانا في المنزل اتصل علي اللي اعرفهم وكل واحد يعطيني عذر واخر شي اخذت تاكسي وذهبت الي المطار.
وانا انتظر الاقلاع وربما صدفه خير من الف ميعاد انظر يمين إلا وابن خالتي بجنبي هههههه ضحكت وبدأت بالتحدث وتبين انه ذاهب الي تايلاند ولكن دخلنا الطياراه مع بعض الي قطر وافترقنا هناك انا الي المغرب وهو الي تايلاند .

وركبت الطياره وكان في بطني الم وتعب وحتى الاكل لم استطع الاكل ويزيد الالم حتي وصلنا تونس بدا الالم بقوه وبدا ضيق تنفس وبطني منتفخ وانا كلي استغراب من حالتي وتعبت بصراحه تعب لا يعلمه الا الله كدت ان اموت منه وكلمت المظيفه عن حالتي وجابوا لي اوكسجين واذكر المظيفه تضحك وتقول انت للحين ماوصلت المغرب تعبت اذا وصلت شنو بيصير فيك وصلت لكازا وجاء دكتور المطار وفحص وقال التنفس سليم ولكني اصريت ان حالتي غير طبيعيه وركبوني الاسعاف وختموا جوازي (( سألني الضابط وقال اخبار الربيع العربي ضحكت وقلت له كل شي بخير .. ضحك )) المهم وصلت للمصحه وكان اسمها دار السلام دخلت المصحه وفحوصات وكل شي الحمدلله طيب ولله الحمد والمنه ولكن انا تعبان بصراحه ومستغرب وطلبت ان اخذ غرفه بالمصحه وانام لاني سهران من تايلاند المهم اخذت غرفه بـ 2000 درهم بعد ان كانت 6000 درهم (( بحب خشوم )) ههههه المهم نمت وشبعت نوم وكنت مرهق بصراحه عذبت نفسي بهالرحله المتعبه. \\ وعندما رجعت الكويت ذهبت الي المستشفي وشرحتله وفحص علي وقال عندك انتفاخ بالقولون بسبب تغير الجو وهذا اثر على التنفس واخذت حبوب ولله الحمد))

صحيت اليوم التالي وانا اشعر بتحسن واخذ تاكسي ورحت الي مطار محمد الخامس وسالت عن اغادير وكانت الساعه 1 تقريبا قالت الموظفه لي في رحله الساعه 7 بيني وبينكم استكثرتها وخرجت من المطار وركبت التاكسي بـ 2000 درهم الي اغادير واشوف الاجواء العالميه وتطري علي اجواء تايلند هههههه والتاكسي مظبط الجو والجو عال العال ونذهب الي مطار اغادير واخذ الشنطه بعد جهد وجهيد واطلع واروح الي المارينا وانا اتصل على رقم صاحبي ومغلق واتذكر انه قالي المارينا 2121 وذهب الي 2121 وسالت الامن وقالوا اي انت وينك اصحابك ينتظرونك واقوله القصه ويضحك وانتظر اصحابي يرجعون وبعد ساعه رجعوا وفي هذه الساعه ذهبت الي مطعم القلعه اللي علي الكرنيش واكلت وكان فيني جوع والحمدلله شبعت ورجعت وشفت الشباب يسلمون ومتلهفين ويسألون عن سبب التأخير وان مفروض ان اكون في اغادير امس الساعه 6 المساء . وانه كل شوي يروح المطار يسال ويكلم ويوقف ناس على القادمون ههههه ومسكين تعب وقال اكيد في مشكله .
وبعدها اعزموني برا اخر الليل وتعشينا وتمشينا وكل الامور باتت على اكمل وجهه.

وشفت ناس كانوا معاي فالطياره عرفوني وسلموا علي وتحمدوا لي بالسلامه وتطمنوا علي .
وتلت الايام يومً تلو الاخر حتى اقترب موعد العودهـ وبدأت الدموع تهل :)
ورجعنا الي الكويت ولله الحمد والمنه
اتمنى التقرير حاز على رضائكم :)