|
حكم و أمثال مغربية شعبية
إلى بْغيتِي فْ ولدْكْ تتْهلاّ قول إيه أو كثّرْ من لاّ صُوتُو عليكْ مايْتْعلّى ما يْمْدْ لا يْدُّ ولا سلاّ يْزرع لحياتُو وِياكلْ الغْلاّ إيه ديما كاتْرشِّي وْالِّدير لْعْلاّ وِعيشْ حياتُو كايْ تفلاّ حروف وصوت ------------------------------- كٌّالُوا سْيادْنا اللْوَالاَ اللِّي فاتْكْ بْلِيلة،فاتْكْ بْحِيلَة إلهام زادتْ كايْنْ بْنادْمْ اللِّي فاتْكْ بْ آلْفْ لِيلَة أُو لِيلة أمَّا الحِيلة كَ الدُّوزْ عْلى عينُو صْحِيحة أُو طْويلَة الناس تْجْري ف حَرْ الزْمانْ أو هو كَيْقَلَّبْ عَلْ الظْلِيلة ------------------------------------- كل واحد فينا أو باشْ موَلّفْ كاين اللِّي لقى النميمة فاشْ إيتلّفْ كاين اللِّي فاتْ جهدو وِيْ تكلّفْ كاينْ اللِّي بْ الشِّيكِي ديما مغلّفْ كاينْ اللِّي ناعس هانِي وِقيّلْ يْتْسلّفْ والمعقولْ والدغرِي الزمان فيه محلّفْ ------------------------------------------------ خفتْ على راسِي من الرِّيح أو غطِّيتُو ماجْبْتهاشْ فْ راسِي ولا سطِّيتُو الدِّيتْها فْ راسِي أو من الخوى حضيتُو هزِّيتْ بْراسي..درتْ لو النفسْ أو علِّيتُو خفتْ على راسي أو بْ الخوف نجِّيتُو ----------------------------------------------- ضحكتْ مزيانْوْ الضحكْ تَلَّفْنِي ملِّي عرفْ نقطة ضُعفِي قالِّي سلَّفْنِي بْناقْصْ من الضحكة إلى كانتْ جِيبِي تْكَلَّفنِي ------------------------------------------------ الخوخْ كلُّو دوا واخّا راسُو مثقوبْ ماتْشُوفْ الجوا ولا الراس المغلُوبْ ما تْبَعْ لْخوا وْترْمِي لسانكْ فْ الدنُوبْ العقل زينْ واخّا الراسْ عامر حْبُوبْ ------------------------------------------------- دارْ لْ الناس عْراضَة حْسْنْ مْنْ دارُو باشْ يْفْقَصْ وِيْقْلِي السم لْ جارُو أوهو فْ الدْيُوناتْ ماجابْ حدْ خْبارُو مْرَاتُو تْعْثْرْ فْ التَكْشِيطة بْ مليون وْلْدُو غادِي وِهْزْ سْرْوالُو كِ المجنُونْ الحَلاقَة فْ وْدْنُو أو مْعَلَّقْ لْهايْتْ عَصر الفنون شَعْرُو ي ْخَنْزْرْ فيكْ، خارج عل المضمون وْ المَعْرُوضِينْ فْ التْبَرْكْيكْ يْغَنِّيوْا الملحُونْ شرح لْهَّايْتْ عصْر الفُنونْ يقْصِدُ بِها البُّورْطابْلْ وَ اللَّهَّايَة أَوْ السْكَّاتَة…. دْيالْ الدْرارِي الصغارْ ------------------------------------------------- باعوا الدَّارْ الواسْعة والْمنقُوشة القْدِيمة أو سْكْنُوا فْ صندوقْ من الصنادق الزِينة دْكْوا وْتَادْهُمْ فْ قْفْزْ بْعِيدْ أو هجْرُوا الخِيمة خْتارُوا شارع واسع باشْ إيبَانُوا وسط المدِينة لاحُوا أصْلْ بَّاهُمْ أو شَبْعُوا مْنْ بْزُّولة المِّيمة شْراوْا النْصارى الرِّياضْ أو فْ آثاراتْنا التَّرْزِينا ---------------------------------------------------- يْكْذبْ عليكْ الكذّابْ اللِّي يْتْظاهْرْ بالفرحة الدّايمة اللِّي بيّنْ سماهْ صافية ماهي غايْمة يكذبْ عليكْ الكذّابْ اللِّي زوَّقْ عِينُو…أو هيّ فْ الدموعْ عايمة اللِّي قولْ مرتاحْ…وْ جفانُوا ماهي نايْمة اللي يْضحك عل الحب…وْ روحو عل الغرام صايمة يكذْبْ عليكْ الكذّاب اللِّي قول شبعان…أو نفسو عل الخبزة حايْمة ----------------------------------------------------- مالك يا لسانِي هاز الهضرة تْكمّشْ وْ تدْرْسْ والمنَمَّمْ تابعكْ يلحس أو بلسانُو فيها يْغرسْ ي حصدْها جيعانْ الإيمانْ أو فيها يْقيّلْ يْفْرسْ ----------------------------------------------------- إلى مشاتْ حتّى كثْرتْ عليكْ الفهامة الطيّحْ سوالف الليل بْ نهار عل الغمامة وِ بْداوْا كشاكْشْ الغظبْ إنطْحُوا الزعامة ---------------------------------------------------- خلِّيكْ فْ هواكْ خلِّيكْ دابا الوقتْ الدُّورْ وْتْورِّيكْ اللي يْكرْهْكْ وْاللِّي يبْغِيكْ --------------------------------------------------- غمَّسْتْ لسانِي فْ الكذُوبْ بْشْدُوقا سايْلِينْ بكثرة الذنُوبْ بْدِيتْ نوَكّلْ الرّاسْ المغلوبْ ونزِيدْ نْقَوّسْ ضهرُو المكبُوب --------------------------------------------------- المعقُول راسُو مسكين منتُوفْ مللِّي يْنصحك تجاوْبُو بْ أوفْ -------------------------------------------------- العقل المنوّرْ.. البق مايْ قرّبْ ليه ولايْ مسُّو والعقل المظلامْ يْتجمعْ عليه أو دَمُّو يْ مصُّو --------------------------------------------------- يتـــــــــــــــــــــــ ـــبـــــــــــــــــــــ ــع |
رد: حكم و أمثال مغربية شعبية
اللى مَا عَنْدُو ما يْشَدْ إيشَدْ فَمُوا لى رَبا الغراب يَنْقَبْ لُو عٍينوا ليبغاها كلها يخليها كلها السر فالساكن ما شى فالمسكن اللى بغا يكبر شانوا يحرث مع قرانوا رحم الله من زار وخفف لى بدلك بخيط بدلوا بحيطْ الراجل بالهمة أما اللحية ما عدمها عتروس حرفة بوك لا يغلبوك دخْلُوا يَخَرْجَكْ وَريهْ وَريهْ وايلا عْمَى سيرْ وخليه قولوا الله يهديهم داروا الخير مع الناس ونساو والديهم ضَرْبَة بْدَمْهَا ولا كلمة بسَمْهَا همومك عملها فى شبكة شى يطيح شى يبقى الشبكة عايرات الغربال قالتلو عينيك كبار لى ما عندو العسل فى داره يعملو على لسانوا جالس فى الزبالة ويحكم على الذبانة الفياق بكرى بالدهب مشرى ---------------------------------- أنت تهرب منُّو أو هو لاصقْ فيك اللِّي حاجتُو بيكْ تعيى ما تعايْرُو أو هو يشْكر فيكْ تكحّلْ عليه بالعمى هو بالضحك إي كحّل ليه تخوي وْتهرب من داركْ أو هو الصّالون معمّر ليكْ تولِّي بالأعصاب تشطحْ أو هو فرحان إي طبّل ليكْ ------------------------------------------------------------------ المنكر كايْ فرّشْ لك الضحك والآداب والصوابْ تولِّي مدخلُو لْلصالونْ فْ عوطْ تخرجُو مع الباب ----------------------------------------------------------------- العنْبَة مع الوقت ك تولِّي زبِيبة والزبيبة عمرّها ما ترجع عنْبَة إلى مشى الشباب والصحة الحبيبة مايْنفْعُوكْ صحابْ وْتْوَسّدْ العتبة ----------------------------------------------------- كولْ غيرْ من الحْلال تعِيشْ مرتاح البالْ واخا تولِّي عامر مالْ ما ترجعْ صحة ولا جمالْ ما تشري حب،ولا العمر يْطْوال ---------------------------------------------------- اغْسلْ النُّقرة واخّا قديمة ترجعْ تشْعلْ الوردة الجميلة شحال ما عاشْتْ تدْبلْ أو جمالْ الرّوحْ وْ صفاها عمرُو ما يْرحلْ ---------------------------------------------------- اختارْ المْرا العاقلة،الذكية،حلوة اللسان وْ الفحْلة إلى كانْ غِير على العِينين و السّالفْ راهُم عند البغلة -------------------------------------------------------] |
رد: حكم و أمثال مغربية شعبية
تبارك الله عليك يا بنت الخيال منوره قسم التراث والثقافة بهاد الموضوع الزوين ..
الهدره ديال الناس القدام عامره بالمعاني والحكم .. موضوع دايزو الكلام .. ما عندي ما نتسالك .. تقبلي تحياتي .. |
رد: حكم و أمثال مغربية شعبية
بارك الله فيك يا بنت الخيال بصراحه اشكرك حكم جميله جداا ذكرتيني في مسلسل حديدان كان كلامهم سجع ( متطابق القافيه ) روعه اكثر ولكن مازال بغيتك تعمري المنتدى في مواضيعك حيت ديما كتختاري شي شكل وحلووة بزناس هاك شد :n1: |
رد: حكم و أمثال مغربية شعبية
اقتباس:
ارا :n1: |
رد: حكم و أمثال مغربية شعبية
بارك الله فيك والله يعطيك الصحه وحكم من ذهب والسلام عليكم ورحمة الله وبركاته.
|
رد: حكم و أمثال مغربية شعبية
اللهجة المغربية وان كنت مافهم فيها الكثير الا اني استمتع بالاستماع إليها دائما :)
ألف شكر لك |
رد: حكم و أمثال مغربية شعبية
اقتباس:
الله يبااارك فيك النو رنورك ونور اهل المنتدى مشكور على مروورك الطيب دمت بوود >>>>>> ممنــــــــــــــــــــــ ــــــــــــــــوع التدخين <<<<<< طفي داك الغارو قال لك هاك شد |
رد: حكم و أمثال مغربية شعبية
اقتباس:
مرسي خويا حديدو منور الموضووع بطله ديالك باراكا من الجارو طفيه يالله |
رد: حكم و أمثال مغربية شعبية
اقتباس:
عليكم السلام والرحمه الله يبارك فيك اخوي ويعطيك الف عافيه دمت بووود |
| الساعة الآن 06:51 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط