عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


إضافة رد
مزعوط فضي
المشاركات: 808
تاريخ التسجيل: Apr 2011
ابن مراكش غير متواجد حالياً  
قديم 2012-01-13, 10:40 PM
  المشاركه #1
قصيده واقعيه فكاهيه لا تفوتك

هذه القصيده إهداااااء لكل شخص عينه زايغه



لأن هذي النهايه .... ^_*







يجهل الجاهل على جهل الجهول



ويتحمل من جهل جهل الجهال




لا سقا الله ساعة بالعثيم مول



رحت اودي حرمتي عقب الزوال




واختبرت القلب في ساعة فضول



كنت اظنه راسين مثل الجبال




مادريت انه على الفلس محبول



وقيده اللي مايرده والعقال




جيت سوقن جامعن من كل زول



الكداري والقماري والغزال




قمت اطالع واتمشى في ذهول



واتلفت من يمين ومن شمال




وارتبشت وطحت في باب الدخول



طحت مابين المحاسب والسلال




والسبب من داعج العين البتول



فوق رمشه حاجبه كنه اهلال




سيف خشمه والوجن وردن ذبول



ومن ورا الشيله لخديه اشتعال




والثنايا في تبسمها الخجول



ساطعاتن سابحاتن بالزلال




وعنقها مفهوق والكتف مهدول



والمشي مشي الرزينات الثقال




والخصر ملهوف والردف معزول



يابو نايف كنها بعض الدلال




وصدرها مزموم والجيب محلول



وان مشت جاني من الهز اختلال




والردايف لامشت شي يهول



من تحت ثوبه غدا لهن اجتوال




كن ردفه بالطلوع وبالنزول



لامشت يعطي دروسن للضلال




او يحرج من يسوم وكم نقول



او بروقن مرهشاتن في خيال




وشفت شين بس ماودي اقول



وشفت شين غير هذا مايقال




اشهد انه سجلت بالقلب قول



وكبرين بالكبد من تحت الطحال




تلعب الفتبول وايضا الهارت بول



مايجاريها النصر وإلا الهلال




وارسل الشيطان من عنده رسول



امتخصص في علوم الانحلال




قال يالله قم تحرك ياكسول



ماتلاقي غيرها في هالكمال




وجيتها خايف ولا ادري ويش اقول



واستحت هي وابعدت بنت الحلال




وجيت اكلمها وإ يلا تقل إمغيول



وراح صوتي وصار بالعين احولال




واتشجع قلت يابنت إمعقول ؟



كل هذا فيك من زين وجمال




قالت ابعد قلت ماشين يحول



بيننا واللي تبين بلا سؤال




قالت اسمع مانت جاهل بالاصول



ضف وجهك لافضحك بين الرجال




قلت يالله بس هرجك لايطول



وادفع فلوس المقاضي بالريال




بالمرق وجهي مع الناس مغسول



ماستحى قالت اجل قرب تعال




واخطفت قوطي من الادراج فول



المدمس العريض من الطوال




وصكتن به صكت القرم الكتول



وشقت الجبهه ودم الراس سال




ثم قامت تضربن باللي تطول



وافزعت معها علي ام العيال




وافزعن كل الحريم بدون قول



يضربنن بالقواطي والحلال




وبالمكانس والصواني والسطول



والعجايز يفزعن لو بالتفال




اخلطني خلط عجان إمعمول



واضربني ضرب قوات احتلال




واطلعوني سحب مانيب إمحمول



ساعتن بالشمس ماني بالظلال




الشعر منحاس والوجه إمعفول



والثياب امقطعاتن والنعال




كني اللي آكلن كيلو هلول



ريحتن ماهيب حتى بالخيال




وعقب هذا صرت اذل من الذلول



تركبن ام العيال بلا إحبال




وكل يومن تركبن مثل الرحول



مشيتي سيده ولا فيها ميال




وقالت اركب واعتمر بي يالبطول



واسأل الله يغفر إذنوبن إثقال




وبالمطاف الناس يطافون حول



بيت رب البيت ربي ذا الجلال




إلا انا من بدهم تقل إمهبول



ما أطوف امشي من الذله عدال




ودق قلبي مثل دقات الطبول



لا حكوا بالسوق او جا له مجال
رد مع اقتباس
المشاركات: 1,934
تاريخ التسجيل: Oct 2011
الدولة: السعودية الرياض
إرسال رسالة عبر AIM إلى فياض إرسال رسالة عبر MSN إلى فياض إرسال رسالة عبر Yahoo إلى فياض إرسال رسالة عبر Skype إلى فياض
فياض غير متواجد حالياً  
قديم 2012-01-14, 12:43 AM
  المشاركه #2
رد: قصيده واقعيه فكاهيه لا تفوتك

هههههههه: (741): .. قلعته الغشيم ..

أضحك الله سنك .. ابن مراكش ..

وسعت صدورنا بهالقصيدة يالنشمي ..

شكراً حبيبي ولك تحياتي ..
__________________
الله لا اله الا انت سبحانك استغفرك و اتوب اليك

رد مع اقتباس
مزعوط فضي
المشاركات: 808
تاريخ التسجيل: Apr 2011
ابن مراكش غير متواجد حالياً  
قديم 2012-01-14, 08:55 PM
  المشاركه #3
رد: قصيده واقعيه فكاهيه لا تفوتك

اخي فياض

عساك دوم سعيد يالغالي ولاهنت على مرورك العطر
رد مع اقتباس
مزعوط نشيط
المشاركات: 81
تاريخ التسجيل: Mar 2012
مطرها يسبق رعدها غير متواجد حالياً  
قديم 2012-03-19, 06:05 PM
  المشاركه #4
رد: قصيده واقعيه فكاهيه لا تفوتك

وربي قصيده قمه الفكاهه ههههههههههههه
ضحكت من قلبي يا كايدهم
هههه كنت ابغا اكتب ابيات لكن الضحك منعني
متل مارسمت البسمه ع شفاهي جعل ربي يجعلك دوم سعيد
__________________


طاحب الحط يابنت بيني وبينك ***شيمة عرب ما غيرها طول الزماني

انتي كما نجم وانا وسط عينك ***نجم تعلى عن قاصي وداني

صح لسان حبيبي
رد مع اقتباس
مزعوط فضي
المشاركات: 808
تاريخ التسجيل: Apr 2011
ابن مراكش غير متواجد حالياً  
قديم 2012-03-19, 11:03 PM
  المشاركه #5
رد: قصيده واقعيه فكاهيه لا تفوتك

اسعدني مرورك ياالغاليه
__________________

Content on this page requires a newer version of Adobe Flash Player.

Get Adobe Flash player

رد مع اقتباس
إضافة رد

الكلمات الدلالية (Tags)
تفوتك, فكاهيه, قصيده, لا, واقعيه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
قصه واقعيه سمو المغربية الاستراحه 14 2015-03-28 03:49 PM
كسره فكاهيه من وادي الصفراء --- روداني الاستراحه 1 2012-12-15 04:39 AM
لا تفوتك الطبخــــة.. خالد الأصيل الكوزينه المغربيه و الأكلات العالمية 16 2012-09-06 11:35 AM
قصه واقعيه ولكن :) .... تش تش الاستراحه 9 2012-06-26 03:10 AM
قصص وقصائد بدويه واقعيه . ابن مراكش الاستراحه 2 2011-09-08 03:35 AM


الساعة الآن 08:52 PM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81