رد: مسافر بعد 5 ايام ًًً...لا تحرموني المشوره
وعليكم السلام والرحمه
اخي نازي لن اضيف على الاخ عثمان فقد وفى وكفى في رده ولو تلاقي بوسط البلد قريب من اماكن التسوق والكفيهات راح تنبسط اكثر
وكانك راعي اي فون تلاقي شريحه بالمطار وتشغل جهازك على رقمك السعودي ترى بـ50 درهم عندهم عرض لمدة اسبوع انترنت مفتوح
بالنسبه للمبلغ لو تضيف عليه افضل لك ولخويك احتياطاً لان عشرة ولمدة 13 يوم اشوف انها ماتكفي خاصة انك اول مره تزور المغرب وانتم اكيد اعرف بصرفكم .
بالنسبة للسهر ياطويل العمر افضل شي انك تفاصلهم قبل وهناك طريقة سهله قل لهم انا بجلس بطاوله على حسب الطلب وسويناها كثير هناك وهي مجديه بالمره خاصة للي ما يحب العصائر ، والديره روعه روعه وراح تستانسون ان شاء الله ، نسيت اقول لك يومية الخادمة تعتمد عليك وهي من ميه الى ثلاثه واتوقع انك الحين بتلاقي جو افضل من حيث قلة الزوار لمراكش وهي فرصه لكم افضل لان ماراح يضايقك فيها الطلبه واجازة المدارس .
نقطة اخيرة لا تدوخ راسك وتفكر واجد انا قبلك حصل عندي ربشه من كثرة المعلومات الي جمعتها من الاعضاء هنا ماقصرو واماكن اخرى وتقلبها بس توكل على الله .
ولو عندك اي استفسار حاضر انا جيت السبت الماضي من مراكش والجو كايف هناك .
نسيت اقول لك لا تسكن بالمراكش بلازا رغم ان سكنهم امان وجميل وبوسط غليز ومن واقع تجربه .
وبالنسبة لاغادير ترى سمعة انها غاليه وانت ميزانيتك محددها مسبقاً والراي الاول والاخير لكم .
والتوفيق من الله سبحانه .
التعديل الأخير تم بواسطة مغادر ; 2012-02-03 الساعة 07:29 PM