مزاعيط المغرب - السفر الى المغرب

مزاعيط المغرب - السفر الى المغرب (https://www.mza3et.com/)
-   قسم الاسئلة و الاستفسارات عن المغرب (https://www.mza3et.com/morocco19/)
-   -   مسافر وابغى فزعتكم (https://www.mza3et.com/morocco9078.html)

ابراهيم... 2012-02-08 09:30 AM

مسافر وابغى فزعتكم
 
[
CENTER]السلام عليكم
مساكم الله بالخير
انا ان شاء الله مسافر لمراكش واغادير بعد 13يوم وهذي اول سفره لي للمغرب وأبي فزعتكم تكفون. علماً بأننا اربع اشخاص .

س1/ ايش رايك في النخيل مناسب ام لا . وسمعت ان الدرك يشغلونك في الدخله والطلعه واذا بغيت تسهر براء يسولك قلق عند البوابات .
س2/ اثاث النخيل . وياليت اللي عنده صور يفيدني بصور ؟
س3/ اللي عنده شي احسن من النخيل مجمع او غير مجمع ياليت يفيدني او يعطين ارقامهم ؟وهل براء المجمع اونس او جوا المجمع اونس ؟
س4/ كم سعر الدبلكس 4 غرف ؟
س5/ ايام ياليت ترتبونه لي كل يوم وين اروح لأماكن السياحه ؟والسهر؟
س6/ حصلت سعر سواق من واحد من الشباب 2000 ريال من الخميس وصولي لمطار كازا الى الجمعه لمغادرتي من مطار كازا يعني 8 ايام والبنزين علي انا وش ريكم بسعره لأني على طول بطلع لمراكش اربع ايام وبعدين أغادير أربع أيام ؟
س7/ كم ساعه في السيارة من أغادير إلى مطار كازا لأني سمعت انهم يمشون 80 : (744): ؟
س8/ ابغى فله في اغادير من اربع غرف ؟ وكم سعره تقريباً ؟
س9/ ابغى انزل لكازا يوم الخميس ايش احسن فندق او شقه تكون قريبه من المطار ؟
س10/ احسن اماكن المساج بمراكش او اغادير ؟
س11/ معدل الصرف اليومي تقريبا من غير السكن ؟
س12/ هل اخذ فلوسي كاااش او احطه في الفيزا .واذا بغيت اطلع اسهر براء اخلي فلوسي وين اذا كانت كاش هل السكن امان ؟
س13/ ايش احسن شريحه اتصال وابغى اللي تفعل نت للايفون ؟
س14/ هل اخذ عزبه متكامله من الى ؟

تحياتي للجميع واتمنا منكم سرعة الاجابة لكي ارتب جدول الرحله ولكم جزيل الشكر . وجميع العاملين على المنتداء ..[/CENTER]

ابراهيم... 2012-02-08 09:34 AM

رد: مسافر وابغى فزعتكم
 
تابع لسؤال 5/ ( 4 ايام في مراكش ياليت ترتبونه لي وين اروح ...)

ابراهيم... 2012-02-09 03:30 AM

رد: مسافر وابغى فزعتكم
 
معقوله مافيه احد يجاوب
تكفوف فزعتكم

fasal2000 2012-02-09 07:14 AM

رد: مسافر وابغى فزعتكم
 
اقتباس:

المشاركة الأصلية كتبت بواسطة ابراهيم... (المشاركة 137585)
[
CENTER]السلام عليكم


مساكم الله بالخير
انا ان شاء الله مسافر لمراكش واغادير بعد 13يوم وهذي اول سفره لي للمغرب وأبي فزعتكم تكفون. علماً بأننا اربع اشخاص .

س1/ ايش رايك في النخيل مناسب ام لا . وسمعت ان الدرك يشغلونك في الدخله والطلعه واذا بغيت تسهر براء يسولك قلق عند البوابات .

مناسب بالنسبة لي سكنت فيه وارتحت صراحة والدرك امشي بالمضمون محد يكلمك اطلعو مع سواقكم واربط حزام الامان ماله عليك كلمة
س2/ اثاث النخيل . وياليت اللي عنده صور يفيدني بصور ؟
انا سكنت ببوابة 3 اشوفه عادي لا جديد ولا قديم يعني جيد جدا
صور للاسف انسرق الجوال بصوره
س3/ اللي عنده شي احسن من النخيل مجمع او غير مجمع ياليت يفيدني او يعطين ارقامهم ؟وهل براء المجمع اونس او جوا المجمع اونس ؟

ماجربت ولا حجرب غيره
س4/ كم سعر الدبلكس 4 غرف ؟

بالنخيل الدرقاوي 3500 درهم تقريبا
س5/ ايام ياليت ترتبونه لي كل يوم وين اروح لأماكن السياحه ؟والسهر؟

السياحة فيه شلالات اوريكا تروح من بدري او الظهر اخر وقت
ستي فاطمه - ساحة الفناء ..... السهر اذا سكنت بالنخيل بجنبك على طول 3 كازينوهات
س6/ حصلت سعر سواق من واحد من الشباب 2000 ريال من الخميس وصولي لمطار كازا الى الجمعه لمغادرتي من مطار كازا يعني 8 ايام والبنزين علي انا وش ريكم بسعره لأني على طول بطلع لمراكش اربع ايام وبعدين أغادير أربع أيام ؟

سعر ممتاز 2000 ريال اذا كانت السيارة زينة تساوي تقريبا 4000 درهم يعني 500 باليوم طبعا لانك بترتاح من سعر المشوار من والى كازا
لكن لاتنسى البنزين غالي عندهم ممكن يكلفك 1000 ريال على الاقل والخط السيار بيكلفك يمكن 500 ريال يعني 3500 ريال مع السيارة
س7/ كم ساعه في السيارة من أغادير إلى مطار كازا لأني سمعت انهم يمشون 80 : (744): ؟

السرعة 120 بس ممكن يسرع اكثر والمسافة تقريبا 5 ساعات
س8/ ابغى فله في اغادير من اربع غرف ؟ وكم سعره تقريباً ؟
الفله صعبة باقادير بالنسبة لي مارتحت باقادير عشان الفله
س9/ ابغى انزل لكازا يوم الخميس ايش احسن فندق او شقه تكون قريبه من المطار ؟
لم اسكن بكازا نهائيا
س10/ احسن اماكن المساج بمراكش او اغادير ؟
سواقكم اكيد يعرف وطبعا قول له حمام مغربي يكون شامل
س11/ معدل الصرف اليومي تقريبا من غير السكن ؟
من شخص لشخص مصروف اليوم مع السكن والسيارة تقريبا 1000 ريال ويقل كل ماكثر العدد يعني 4 اشخاص 4000 ريال
س12/ هل اخذ فلوسي كاااش او احطه في الفيزا .واذا بغيت اطلع اسهر براء اخلي فلوسي وين اذا كانت كاش هل السكن امان ؟
في الدرقاوي النخيل فيه سفتي بوكس بكل فله
لكن اشوف الفيزا وجزء كاش افضل الاهم الكاش ادفعه بدري
والسيارة لا تعطيه مقدم والسكن حق يومين او ثلاثة وهكذا
س13/ ايش احسن شريحه اتصال وابغى اللي تفعل نت للايفون ؟
ممكن شركة اني وي انا جربتها زينة وكان معاها عرض اشحن بخمسين يعطونك 150
س14/ هل اخذ عزبه متكامله من الى ؟

خذ رز اهم شي اذا ما تستغنون عنه الكبسة ولو اني افضل انكم ماتخذون لانكم سياح بتجربون اكلهم ( اذا الوزن يسمح ) خذ عزبة متكاملة

تحياتي للجميع واتمنا منكم سرعة الاجابة لكي ارتب جدول الرحله ولكم جزيل الشكر . وجميع العاملين على المنتداء ..[/CENTER]

لا اوصيك بالصلوات المفروضة صلها بوقتها

فياض 2012-02-09 05:54 PM

رد: مسافر وابغى فزعتكم
 
اقتباس:

المشاركة الأصلية كتبت بواسطة fasal2000 (المشاركة 137819)
لا اوصيك بالصلوات المفروضة صلها بوقتها

بارك الله فيك اخي .. fasal2000 ماقصرت رايتك بيضاء يالنشمي ..

اخي .. ابراهيم ... عندك قسم العروض تجد فيه مايسرك ..

و عندك خبير اغادير و المحب 777 و محمد عاطي و عمدة مراكش .. الخ ..

ورواد مراكش من بقية الأعضاء الكرام مابيقصرون معك ..

تحياتي لك


:18:

ابراهيم... 2012-02-10 05:55 PM

رد: مسافر وابغى فزعتكم
 
الف شكر اخوي والله يعطيك العافيه الحقيقه انك ماقصرت ما فيه شي ما قلته الف شكر اخري

ابراهيم... 2012-02-15 12:02 PM

رد: مسافر وابغى فزعتكم
 
ياليت احد يفيدني بفلل بأغادير بأسرع وقت رحتي بعد 6 ايام

ابراهيم... 2012-02-15 12:02 PM

رد: مسافر وابغى فزعتكم
 
سوري / رحلتي

أهنجار خليجي 2012-02-15 12:46 PM

رد: مسافر وابغى فزعتكم
 
اقتباس:

المشاركة الأصلية كتبت بواسطة ابراهيم... (المشاركة 139238)
ياليت احد يفيدني بفلل بأغادير بأسرع وقت رحتي بعد 6 ايام



اخوي اغادير اسكن فقط في فنادق او منتجع مرينا اطلس اغادير

وريح راسك من المشاكل


الساعة الآن 09:31 AM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

Search Engine Optimisation provided by DragonByte SEO (Pro) - vBulletin Mods & Addons Copyright © 2024 DragonByte Technologies Ltd.