عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


ياسعـود يامشكـاي

إضافة رد
ابن مراكش
مزعوط فضي
المشاركات: 807
تاريخ التسجيل: Apr 2011
ابن مراكش غير متواجد حالياً  
قديم 2012-02-21, 10:07 PM
  المشاركه #1
ياسعـود يامشكـاي

الشاعر عبدالرحمن بن بديع
ياسعـود يامشكـاي ويـش التدابيـر
لاتشتكي جـور السنيـن وشطفهــا
جـور السنيـن يحـل ويـمـر ويصـيـر
راجـع زمانـك واكثـر النـاس شفهـا
النـاس لاحقهـا مـن الوقـت تاثيـيــر
وتصبر على باس السنين وصلفهـا
تـمـيـل مـيــلات المـقـاديـر وتـغـيــر
وان وصفـت بتعـذب اللـي وصفـهـا
فحرص على قرب الرجال المناعير
الـلــي دروب المـرجـلـه تحتـرفـهـا
تـلـقـى بخـوتـهـم مـعــزه وتـقـديـر
ومجـالـسٍ مادنـسـت مــن عرفـهـا
تاقف معك لو همك اكبـر مـن النيـر
وبعزمهـا حتـى الصعـاب اتعسفهـا
ولا قــدر الله ثــم رمـتـك المقـاديــر
الـرجـل منـهـم وقـفـتـه لا وقـفـهـا
تسـوا لهـا فزعـة صفـوف وطوابيـر
ماهـوب لا شـاف الصمايـل حرفهــا
يقلط على الشــده كما سالـم الزيـــر
وتامن به الديـره وهـو فـي طرفهـا
لامازهمتـه قــام يشتـح كمـا الطيـــر
لاضــف جنـحـانـه وكـفــه عكـفـهـا
واهـل الـردى مالـك وراهـا مداويـر
جـنـب مجالسـهـا وجـنــب ولـفـهـا
لو اضحكتلك في السنين المياسيـر
لابـد فـي وقـت القـسـا تكتشفـهــا
تفِرح بك الشمات لـو ذنبـك اصغـيـر
وتحتـار فـي اصغـر غلطـةٍ تقترفهـا
ويصير همك كبر هضبـة شمنصيــر
لـكــن جـنــب معـرفـتـهـا وعـفـهــا
لانــذال رفقتـهـا مهـونـه وتقـصـيـر
وتِكثـر عنـا نفسـك وتكِثـر حسفهـا
فالرفـقـه اللـي ماتـدلـك علـى خيـــر
آلــلّــه يلـعـنـهـا ويـلـعــن جـدفـهــا
ولا تـــرادع جاهـلـيـن المـحـاضـيــر
ولو تعترض لك كلمة اللاش طفهــا
واحفظ السانـك لـو بلـوك المعاثيــر
الكلـمـه الـلـي دون مـيـزان خفـهــا
يـجـوز تـرمـي كـلـمـة دون تفـكـيــر
والصبـح سـودان القلـوب اتخطفهـا
واصـدر ليامـا عفـت صـدارت ابعـيـر
لاتــرتجيـهـا واطـلـب اللــه خلفـهـا
وتـرا النصيـب يصيـب مافيـه تغـييـر
لــو تجـبـد امــواج البـحـر وتغرفـهـا
وعـذر الرجـال الوافيـه خلـه ايصيـر
ابـيــك تـعـذرهـا وتـقـبـل وسـفـهـــا
العـذر يقـبـل لاحـصـل فـيـه تبـريــر
امـن الرجـال اللـي صريـحٍ هدفـهــا
في كـل شـي قـد تجــوز المعاذيـــــر
الا علـى اعـراض الرجـال وشرفهـا
اقـولهـا وانــا الــذي سلـوتـي غـيــر
البعـد عـن ضيـق البـيـوت وكنفـهـا
اسـج فـي خبـت كستــه النـواويــــر
حيثـه ظفـر روحـي وحيثـه نصفهـا
واسواق الاسهم والذهب والدنانيـر
لـو سلموهـا فـي يـديّ اصطرفـهــا
ينوبهـا ملـحـاٍ مــن ابــل المناصـيـر
ارعابـهـا زهــر الفـيـاض وقطـفـهـا
رد مع اقتباس
بزناس
مزعوط خبير
المشاركات: 2,291
تاريخ التسجيل: Sep 2011
الدولة: مكان ما في صحراء المملكة العربية السعودية
بزناس غير متواجد حالياً  
قديم 2012-02-22, 08:10 AM
  المشاركه #2
رد: ياسعـود يامشكـاي

ابن مراكش .. كلمات رائعه عن معاني الرجوله ومداهيل القروم ..

اشكرك على المشاركه القيمه ..

تقبل مني اجمل تحياتي ..
__________________

Be your Self No Matter what they Say
رد مع اقتباس
ابن مراكش
مزعوط فضي
المشاركات: 807
تاريخ التسجيل: Apr 2011
ابن مراكش غير متواجد حالياً  
قديم 2012-02-22, 07:48 PM
  المشاركه #3
رد: ياسعـود يامشكـاي

بزناس

تسلم يا قرم يابن القروم على مرورك الغالي
رد مع اقتباس
ابو تركي 2012
مزعوط مميز
المشاركات: 477
تاريخ التسجيل: Jan 2012
الدولة: المنطقه الشرقيه
ابو تركي 2012 غير متواجد حالياً  
قديم 2012-02-25, 01:26 PM
  المشاركه #4
رد: ياسعـود يامشكـاي

ما شاالله عليك وصح لسانك ,,, ,,,,,

لا تشتكي من جور الايام للناس ,,,,,,,,,,,,,,,,,,,,,,,
__________________
https://www.mza3et.com/image.php?type=sigpic&userid=5445&dateline=1328572  029
رد مع اقتباس
ابن مراكش
مزعوط فضي
المشاركات: 807
تاريخ التسجيل: Apr 2011
ابن مراكش غير متواجد حالياً  
قديم 2012-02-25, 03:50 PM
  المشاركه #5
رد: ياسعـود يامشكـاي

اخي ابو تركي

تسلم على مرورك الغالي
رد مع اقتباس
غنج المغرب
مزعوط نشيط
المشاركات: 149
تاريخ التسجيل: Apr 2011
غنج المغرب غير متواجد حالياً  
قديم 2012-02-26, 04:25 PM
  المشاركه #6
رد: ياسعـود يامشكـاي

: (169):
رد مع اقتباس
 الصورة الرمزية النادر
النادر
مزعوط ذهبي
المشاركات: 1,257
تاريخ التسجيل: Jan 2012
النادر غير متواجد حالياً  
قديم 2012-02-27, 05:00 AM
  المشاركه #7
رد: ياسعـود يامشكـاي

صح لسانك اخوي قصيده تكتب بذهب

تقبل مروري
رد مع اقتباس
ابن مراكش
مزعوط فضي
المشاركات: 807
تاريخ التسجيل: Apr 2011
ابن مراكش غير متواجد حالياً  
قديم 2012-03-02, 02:09 PM
  المشاركه #8
رد: ياسعـود يامشكـاي

اخي النادر

تسلم واسعدني مرورك الغالي
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع


الساعة الآن 03:18 PM