رد: محكمة مغربية تصدر حكم بسجن سعوديين وكويتي وثلاث مغربيات في قضية دعارة
اقتباس:
المشاركة الأصلية كتبت بواسطة مصطي
يا الغالي صدقت في الجزئيه هذي بس اعيد نفس الكلام و اقولك لا تقارن اي دوله عربيه بدول أوربا يا شيخ الدول العربيه متخلفه بل تحت خط التخلف
جيبلي دوله عربيه وحده تحترم حريات الانسان ماراح تلقى وهذا ينعكس على تعامل السلطه مع المواطن او العربي من اي جنسيه اخرى
اما بالنسبه لي تعامل مع الخليجيين بالطريقه هذي فهذا الامر ليس حدث جديد و انما مشكله قديمه
اولا سوء التعامل مع الاخرين من قبل السائح الخليجي و ثقافه الرشوه ( الاكراميه ) هي السبب الرئيسي طبعا واحد يشوفك تدفعه 400 درهم ولا 200 درهم بخشيش
كذا لمجرد انه خدمك خدمه تافهه اكيد بيطمع و يحاول يحصل على مبالغ يوميا و يستغلك الحين اتحدى اي واحد عايش في السعوديه او اي دوله خليجيه او انت في بلدك
تدخل مطعم و تاكل و تدفع الحساب و فوقه بخشيش 100 ريال سعودي ؟ بل اعتقد لو نقص الصرف ريال بترجع للمطعم تطالب فيه !! ولكن يوم يروحون المغرب او اي دوله اخرى يجيهم سلوك
غريب الواحد يعمل نفسه (شيخ) يدفع لذا 200 درهم و الثاني 100 درهم اكراميه او رشوه لماذا!! وش السبب ؟؟ هذا هي العله المصيبه انهم اخذوا فكره عن الخليجيين انهم ( دلوخ)
وسهل انك تاخذ منه فلوس وهذا الاعتقاد حقيقه حتى لو ما قالها لك احد بصراحه ولكن خذ الكلام من شخص عاشر المغاربه زين
يعتبر ان كل الخليجيين امعات يقدر يزيد الحساب و ياخذ فلوس و هو ما يدري يقدر ياخذ منه اكراميه يقدر يستعطفه بالكلام يقدر ينصب عليه وبالمقابل ما يكون
في اي رده فعل من قبل السائح الخليجي ومافيه مغاربه يتعامل مع خليجي بأخلاص الا القليل جدالا
على العكس الاوربي ما يدفع درهم واحد لي اي شخص مهما كان ولا يعطيهم وجه ويحسب كل شئ وايضا لو تعرض لي اي نصب السفاره تقوم الدنيا و تقعدها
الامر الثاني هو انه تولد عند المغاربه حقد او (زعل) من نظره الخليجيين لهم او المجتمع الخليجي و استيائهم من نقل الخليجيين فكره سيئه عن المغرب وبنات المغرب
الامر الثالث القضاء المغربي يتعامل مع السائح الخليجي بمنطلق اسلامي عكس ما يتعامل مع الاوربي اللي الاغلبيه الساحقه منهم مسيحيين
يعني فيه ازدواجيه في احكام القضاء معاهم يعني لو مسكوا اوربي مع وحده مثلا اكبر شئ يجي تعهد او غرامه و يمشي بوقته هذا اذا مسكوه اصلن
اما لو مسكوا خليجي يخضعونه لي الاحكام و السبب الاهم انهم عارفين ان السفاره ما راح تحميه و هذا مربط الفرس
يعني يكون عندهم اعتقاد بان هذا الخليجي ممكن يدفعلنا مبلغ مالي مقابل اطلاق سراحه اما الاوربي ما راح يقدرون ياخذون منه ولا درهم
حتى انه صار بعض فنادق من يوم يعرفون انك خليجي ما يسكنوك لانهم عارفين انك في اي لحظه بتجيب لهم مشكله
لانك انت العين عليك اما الاوربي محد يقربه
تحياتي لك عزيزي
والله ياخوك انت ابخص مني بالمغرب واعلم .. انا زرت المغرب مره واحده وكانت سياحيه بحته يعني نظام 12 بالليل نايم وعانيت الصراحه من بعض الاستغلال ولكن لم اعاني من ناحية درك وما الى ذلك والاستغلال امر طبيعي بالدول التي ليست غنيه
ولكن اخذت واعطيت مع كثير من رواد المغرب واسمع سوالف كثيره من ابسطها انه يجيك الدرك يوقفك يقول انت متجاوز السرعه وانت متقيد بالسرعه المحدده
لا يوجد كذا بالدول العربيه ؟؟!! انا اكثر ما ازور بالبلاد العربيه مصر ولبنان ودبي ولا يوجد مضايقات للخليجيين ابدا مع ان الحاصل كما يحصل من المغرب بخاشيش ولكن البخشيش يكون منك او من اجل
التسهيل .. لكن ما يتبلاك علشان تعطيه بخشيش
علما اني اشوف الي يعطي بخشيش غلطان 100 / 100 الا اذا تعطي عامل المطعم 10 درهم لحسن خدمته كمثال او الخادمه 20 درهم لجهودها لكن ليس شي مبالغ فيه
اذا فلوسك زايده ( تصدق بها ) لكن لا تخرب على غيرك .. الى متى ؟؟ الله يرحم الحال بس
اتمنى من هالمنتدى الشامخ وغيره من المنتديات المشابهه انها تكون هي من يغير الخطا الى صواب يكون في توعيه للمسافر
1- احترام الشعب المستظيف وعدم جرح مشاعره
2- الابتعاد عن البخاشيش و ( المهايط ) وقاعدة ( ادفع تمشي امورك )
* شطحه / اكثر شي يرفع ظغطي في بعض الخليجيين الي يرش فلوس بالسهره يا رباهـ كم ينرفزني ..