تجربتي في مراكش

شف طال عمرك .

انت فقدت أهم شي بالسفره , ولأي سفره بالعالم , اللي هو السكن .

انا رحت قبلك بشهر ونص لنفس المدينه ونفس الفتره , والحمدلله انبسطت فيها .
السبب كان بتوفر السكن المناسب بشكل كبير (شقة بالدرقاوي) والشي الثاني توفر السواق اللي يعرف المنطقه ويفكك بكثير من الزنقات .

بالنسبه للتكاليف الماديه , اعتقد انها متوسطه. سفره لمدة 7 ايام بدون تذاكر 10500الف للشخص .

يمكن اكثر شي اتفق فيه معاك هو الاشكال , يعني على حسب ماسمعت توقعت احسن من كذا بكثير. بس احسن علشان ماتضيع علوم الواحد ويصير ثقيل :) .

ايه كنت اقصد اني تحسفت على هالايام الي انخصمت من رصيدي ولا استفدت منها لأني مثل ماوضحت ماانبسطت ...لكن دائما الواحد يقول التجربه مو خساره ..

:صحيح اخوي اني عانيت مع السكن وتعبت نفسي لأني مااحب امشي على البركه ...لكن اخر 4 ايام سكنت بفيله ممتازه جدآ اتوقع فلل الدرقاوي تعتبر ملحق بالنسبه له

الدرقاوي صراحه ماادري وش شايفين فيه لكن الي انتم شايفينه ماشفته انا ..!!

السواق الي كان معنا كان ممتاز رغم بعض الملاحظات لكنه انسان طيب وثقه ولا سمسر علينا ...ولما اقول الكلام انا اقصده لأني سبق وتعاملت مع سواقين كثير لكن هالشخص سويت له اختبارات كثير وعداها

من ناحية التكلفه الماديه انا تقريبا صرفت 6000 من غير التذاكر لمدة اسبوع ..

بالفعل الاشكال مخيبه للأمال وحتى التعامل الي شفته حسيت اننا بالبحرين ..لكن على كلام الخبراء هالشي صار بالفتره الاخيره ..

عموما هي تجربه : (494):

6000 بسس ؟؟

تقرير جميل مع وجود بعض الاختلافات التي اختلفها معك بخصوص مراكش ........... دمت بخير

اي والله بس : (784):

والله هذي الي صار معي وانا اخوك ...وانت على فكره من القلائل الي ساعدوني وراسلتك على الايميل ..

انا وضحت بتقريري اني اول مره اروح وحتى الي معاي لذلك مااعرف خبايا المغرب اتكلم بشكل عام ..

عموما ان بغيت خوي معك قلي اجي اشوف الزين والوناسه : (184):

اطرح اختلافاتك ياخوي خل نستفيد من ارائك ونتناقش

طيب ماشاء الله عليك, اذا السكن مثل ماذكرت كان أغلب الرحله افضل من الدرقاوي , والسواق ممتاز , والصرفيه احسن من ممتازه . وين المشكله اللي خلتك تعتبرها سفريه غير مريحه بالنسبه لك ؟

طيب وش رأي اخوياك بالسفره بشكل عام , هل هم مؤيدينك ؟

تحياتي .