اقتباس:
المشاركة الأصلية كتبت بواسطة karam211
ماعليك زود وه وه وه لايتوهق اذا ماعنده خبره سكنت فونتي ثلاث شهور وعلى قولك احب ابدل واجر ثلاث شهور من طنجه للعيون واروح واجب ومخلي اغراضي بكونترا عقد مسجل فالمقاطعه . اجمل ثلاث شهور اغادير اشد الطريق واغامر وطيري معي فديت تزنيت واشد الطريق لسيدي افني على البحر مدينه صغيره شقه 250 درهم وبخشيس 100 سمك فيها يستاهل يومين وقلميم على حاجتين لحم الحاشي والحليب وتمرغت السكن . اقصد اتقدوا محل العصير بسري يسمونه مغاربه اسعاره مخفظه والرز البسمتي فكارفور مرجان تلدا وغالي ..
والعيون وماادراك ماالعيون وقبلها طانطان طاب لي الجنوب اكثر من شمال ومقناص وسكنت خيام مع الصحراويه .
الله يسعدك ياسربوت هههههههه
هلا بك يا كحيلان انت مشاء الله عليك مدهر خخخخ وعلى قولتك انا جيت تزنيت وسيدي افني وكلميم اما العيون ما جيتها والله لي خاطر ازورها الصراحه والشعب الصحراوي من أفضل الناس في التعامل ولا يهونون الباقين صراحه يعجبوني وبشكل عام جنوب المغرب شعب طيب خاصة اهل ورزازات العزيين وكلما اتجهت خاصة الديار اللي جنوب مراكش وجنوب اكادير ناس طيبين جدا واذا لك في المقانيص رح حول زاكورة والراشيدية وارفود والريصاني واللي حولها وطانطان على قولتك واذا تبي زعفران رح لتالوين وعلى طاري الرز لعنبو شغلهم التيلدا سعره فوق ال 50 درهم للكيلو بس انا بالعادة اجيب معي من السعودية ويومك تقول سربوت خخخخخ ابد مسموح يالذيب وعلى طاري هل الروضة صادق والله في ناس ما تعدا حتى صالة الشقة اللي اهو فيها هههه تقبل تحياتي...