شكرا اخوي الدوكالي علي ردك اللي يرفع المعنوية ويخلي الواحد يكتب بكل اريحيه
ثانيا : انا بحكي لكم قصه عن كل نصيحه كتبتها لكم في موضوعي السابق
[COLOR="Red"]النصيحه الاولى : اياني وياكم وقصص الحب الخداعة ( لا لقصص الحب ) تذكر قبل تحب وين ؟؟؟؟؟؟؟ تم التعارف !!!!
القصه : في صيف عام 2000 كانت اول سفرة لي للمغرب وكانت 21 يوم (كازا+مراكش) وحقيقه اني تعرفت على طير يشق الوجه وكنت ناقص حنان بوقتها لاني طلعت من مصر من الطفش وجلسنا كم يوم في كازا وبعدها على مراكش وانا مع طيري حتى اني صرت اغار عليه انا وخشتي وصاحبي اللي معي نفس الشئ مع طيره حقيقة انا طحنا ما احد سمى علينا .... كنا ساكنين في فال انفا وبعد حوالي 12 يوم حان وقت العوده وهاك ياحزن من اليوم الاول ودموع ( من جد حبينا ) طلعنا المطار على مضض وحنا في المطار خلاص بنموت كل ماسك جوالة ومكالمات مع الحبايب وبعد ما قصينا البوردنق وطفشانين جااااات الفكره الجهنمية من خويي قال كم باقي من اجازتك قلت يمكن 15 يوم قال حتى انا باقي 15 يوم تقريبا قال وش رايك نرجع للحبايب لو بس 3 ايام كن الفكرة جازت لي قلت كيف ؟ والحجز و......؟و........؟ اخر شي اتفقنا نرجع وعلى طول نطلع من المطار وقلنا خلها مفاجئه للحبايب لانهم من الرباط وكل وحدة منهم تبكي بالتلفون وتقول وحق الله برجع الدار في الرباط احنا في القطار دابا ومنقدرش ناكل ونام ومن ذيك السوالف اللي تلوع الكبد ( بوقتها) اتفقنا ان مانقول لهم شي الليله نخليهم يريحون عند اهلهم ومن بكره نكلمهم ونعطيهم المفاجئة انا رجعنا عشانهم ......... رجعنا الفندق فال انفا ( اطلنطيس ) واخذنا نفس السويت مانسيته 418 ونمنا حتى الساعة 11 مساء وضبطنا امورنا نسهر تحت كان المرقص اللي بالفندق عامر وحلو ذيك الايام كلمناهم وحجزنا طاولتنا عالبست وجلسنا بسويتنا نسمع ابو نورة وعايشين افضل قصة حب .. وعلى الساعة وحدة قال خويي بنزل قلت اوكية شوي ولحقك نزل الذيب وشوي وهو يفتح السويت ويصرخ يافلان مصيبه مصيبه انا خفت قلت يمكن شي صار للاهل بالسعوديه لانه ابن عمي قلت خيير قال بسرعة تعال وشوف مين بالمرقص والرجال متغير ووجهة صار متلون مين ؟ مين ؟ قال تعال شوف وبس نزلت وانا على بالي ان فية واحد من الشباب او من الشيبان دخلت مع الباب وهو يمسك بيدي وقال خلك هنا على البار اول ما تدخل يمين ....... وكان المرقص بوقتها زحمة قال شوف مين اللي يرقص شوي يالربع الا وخوياتنا الثنتين اقسم بالله يرقصون ومصيدين اثنين والضحك والوناسه وما شافونا ابد .....حقيقه بغيت اتهور وروح اكلم طيري لكن صاحبي كان اعقل مني وقال خلهم ومشينا بس على طاولتنا .......هم شافونا والا ما شافونا شوي وما عد شفناهم طلعوا من المرقص وحنا كملنا السهرة مكسورين الجناح
وبعد ذاك اليوم مددنا يمكن 9 ايام وقمة الانبساط وسحبنا عليهم ... وتعلمنا درس لاينسى
هذي قصه صارت لي شخصيا ,,,, واعرف غيرها قصص كثير ,,,,, اسف على الاطالة
[/COLOR]