رد: تقرير مفصل عن رحلتي ثاني عيد الفطر 1432
ا
لفكره ترسخت في 10 رمضان وكنت اتسلى مع واحد من الاصدقاء وقلت وش رايك موروكو بالعيد
قال صعبه عندي ضروف ولا رتبت نفسي قلت انا بزبط امورك بس انت عطني الاوكيه قال بكرا اردلك بالاوكيه
المهم اعطاني الضوء الاخضر ورحت بكل ثقه للمؤيد عشان احجز وقطع التذاكر قال مستحيل فل الفل
معقول باقي 20 يوم للعيد وفل :Abu Ahmed (704):
ونقز للخطوط المغربيه وروح عند الشايب المغربي وقال مستحيل العيد فل
قلت وبعدين قال بحجز لك وعطني رقم جوالك واذا صار شي اعطيك خبر
المهم الايام تمشي مثل الشهور جاء يوم 25 رمضان ولا احد اتصل علي وانقز للخطوط المغربيه وقال حتى
الان فل ..... قلت خلاص هونت منيب مسافر ...... واطلع مكسور الخاطر .... توني واصل الباب ويناديني
الشايب المغربي قال اقطع لك تذكره درجه اولى قلت لحظه اكلم خوييي وكلمت البارد خويي
قال ضروفي ماتسمح على السياحيه فما بالك بالاولى قلت انا ادفع الفرق قال طيب
المهم قطعت تذكرتين اولى بسعر ب 6970 ريال
وطلعت وانا مبسوط وعلى طول للشله بالاستراحه ؟.؟.
وضرب الهواجيس معقول بسافر بعد هذي المرمطه 
المهم كتبت الاغراض الي بشتريها انا وخويي ولا نسينا اي شي
وطلع لكارفور واخذ جميع البهارات والرز والسكر والشاي والنواشف حتى حليب بوني خذيته
واشتري شنطتين وحده للعزبه ووحده للمعسل والفحم والشيشتين
وطلع لستي بلازا طريق الملك عبدالله واشتري كم قميص وبنطلون
ومن بكرا صرفت دولارات كاااااااااااااش غير الريالات
ورتب اموري واكون جاهز للسفر يوم الاربعاء 31 اغسطس 2011
الموافق ثاني ايام عيد الفطر
انتظرو الحلقه الثانيه
التعديل الأخير تم بواسطة ندير داك الشي ; 2011-10-13 الساعة 08:06 PM