يسعد ايامكم

مسكنا خط الرباط انا والصاحب السرعة فوق المعدل المهم مشغل برنامج (واز) ومنتبه على الارشادات من البرنامج الى ان وصلنا قنيطرة اشوف واحد من الدرك يأشر بيده وقفت واجاني مال الدرك طلب اوراق السيارة والاثبات عطيته قال سرعتك 175 قلت صحيح قال من معاك قلت صديقي قال متى تسافر قلت باقي بعد 10 ايام ههههه مع ان سفري ثاني يوم المهم قال مخالفتك 9000 درهم قلت ليش قال ابسرعة الزايدة ومعاك صديقك قال ادفع 5000 وتوكل قلت اذا ما دفعت قال تروح المحكمة المهم اخر الكلام دفعت 1000 درهم ومشيت للرباط

وصلت الرباط رحت للشقة نزلت الاغراض وعلى طول رحت للحمام المغربي في اكدال 400 درهم

بما انها اخر ليلة قلت اريح في الشقة ما اطلع مكان وتميت اردد ( وداعية يا اخر ليلة تجمعنا وداعية ) ههههه

قمت الصبح رتبت الاغراض ورحنا فطرنا وطلعت اشتري بعض الهديا ورجعت الشقة اخذ الشنط ورحت لمحطة القطار في اكدال وصلت صاحبي ومسكت خط المطار

وصلت مطار كازا سلمت السيارة وكان تعامل الاخ اكثر من روعة واخلاقة عالية كلش واخذت الشنط ودخلت المطار اول نقطة تفتيش وقفني الشرطي .... يتبع
دمتم بعين الرحمن