كوفيد

ما قصرت يا وحش
عز الله انك بطل

للاسف البنوك تستغل ان الواحد ما يحب يوجع دماغه ويقولك فرق 50 والا 100 ريال بينما لو يحسبها صح تطلع هوايل
وزي ما ذكرت بنك الراجحي هذا اسوأ بنك من ناحية العمولات والرسوم ومع ذلك اكثر بنك مزحوم !
ميزته الوحيدة هي سعر صرف الدولار للريال ومب عند البنك عند تحويل الراجحي
والمغرب غالبا ما تحتاج دولار يعني لا تقرب الراجحي

خدمة بنك الاستثمار ما كنت اعرف عنها قبل موضوعك اشكرك كثير عليها لاني باذن الله بروح لهم
وعموما البنوك الصغرى بالمملكة (البلاد - الاستثمار - العربي- الجزيرة الخ) عندها عروض جدا جدا ممتازة وافضل من البنوك الكبرى اللي ما تعترف بك ولا تعطيك وجه (الراجحي - الرياض) حتى الأهلي تطور فترة بس بالتالي صار زي نظام الراجحي "جاز لك والا الباب" والحين دمج سامبا معاه يعني حتى سامبا شكلي بخلّيهم قريب

اخوي متقاعد واخذ قرض كبير من بنك العربي بنسبة مجنونة والله ما صدّقت لين شفت العقد

واشكر كذلك الأخ the only one نبّهنا على نقطة مهمة بموضوعك السابق وهالموضوع
ألف شكر

وزي ما ذكرت كوفيد لازم الواحد يسأل ويتنبّه ويبحث خاصة انه كل يوم تطلع خدمة جديدة مميزة
يعني الحين فيه paypal وفيه تحويل بالانترنت وفيه عملات الكترونية وغيرها
تعرف ان فيه موقع موثوق جدا يعطيك فيزا الكترونية جديدة لكل عملية اذا بغيت وتقدر تتحكم بالفيزا
بمعنى اذا مثلا بتشتري من موقع لكن تخاف يحفظون بطاقتك فتشتريها من بطاقة عندهم وتختار اغلاق البطاقة بعد اول عملية شراء
او مثلا تحد حد اعلى لعملياتك او مثلا تشتري حاجة وتقدر تهوّن قبل لا يسحبون المبلغ
طبعا يكون مربوط بحسابك البنكي وزي ما قلت خدمة ممتازة والمقصد ان الانسان يدوّر على الخدمة اللي تناسبه وتوفّر عليه


آسف على الاطالة