عرض مشاركة واحدة
مرتاح احبك
مزعوط نشيط
المشاركات: 129
تاريخ التسجيل: Sep 2020
الدولة: الرياض وكازا
مرتاح احبك غير متواجد حالياً  
قديم 2020-09-19, 10:58 PM
 
أنا جرّبت عدة شركات وبصراحة السنوات الاخيرة اشوف العمانية الافضل
طيارات جديدة وخدمة رائعة والطيارة ما فيه زحمة تاخذ راحتك عالاخر
وتوصل كازا 7 الصباح أفضل وقت وصول بالنسبة لي

حتى الانتظار بمسقط ساعة ونص بس
أقلعت من الرياض لمسقط 9 بالليل وصلت مسقط 12 بالليل
اقلعت لكازا 1 ونص على 7 الصباح كنا بكازا
وفوقها مطار مسقط الجديد تحفة فنية رائع رائع رائع ومريح وفيه مساجد بكل زاوية تقدر تاخذ لك زاوية وتغفي والعمانيين طيبيبن مرة


**********************************************


الخليجية (البحرينية) هذي جربتها مرة ومستحيل أعيد التجربة أبدا
شركة تعيش ازمة واضح خدمة اي كلام نفوس العاملين غير مرتاحة
وفوقها رحلة الرياض-المنامة سيئة جدا مزحومة وكلها عمّال لانها رخيصة مقارنة بغيرها
وطبعا مو قصدي عنصرية والله لكن انتم عارفين قصدي يعني روايح وراحة الخ "إن أكرمكم عند الله أتقاكم" بس اتكلم عن تجربة ما ارتحت ابد ابد فيها
وفوقها مطار البحرين -عالأقل بوابة كازا واللي حولها- سيء جدا وضيّق ودايم مزحوم
تجربة وحيدة لا يمكن اعيدها
رحلة كازا\لمنامة معقولة
بس واضح ان الشركة محتاجة شغل كبير وما قدرت تنافس التطور بصناعة الطيران ما ينفع تعتمد على تاريخك


**********************************************


بخصوص نقطة الدايركت
هي نقطة مهمة خاصة اذا كانت رحلتك مدتها قصيرة
لكن شخصيا ما تهمني سالفة الدايركت لأن اغلب رحلاتي للمغرب طويلة (عالأقل شهر)
اضافة الى حبي لأجواء المطارات وزيارة مطارات جديدة وأذهلتني مطارات كثيرة وما أعجبتني برضو مطارات كثيرة
يعني الرحلة بحد ذاتها بداية متعة السفر بالنسبة لي

التعديل الأخير تم بواسطة مرتاح احبك ; 2020-09-19 الساعة 11:00 PM
رد مع اقتباس