وعليكم السلام
على قولة داليدا لعلها خيرة والله يعوضك خير

- اسهل وافضل حل لا هاردسك ولا فلاش ميموري ولا غيره حتى هذولي ممكن تتلف او تضيع او او او
افضل حل هو استخدام برامج التخزين السحابي (cloud storage) وهذي البرامج حالياً فيها المنافسة الحقيقية والقوية بين شركات التكنولوجيا وهي المستقبل.

- افضل شركات التخزين السحابي بوجهة نظري هي كالتالي:

1. ميقا (Mega) لانه يعطيك حتى 50 جيجا مجاناً ويحفظها لك بصورة مرتبة يعيبه البطء فقط بالتصفح.
2. جوجل درايف (google drive) يعطيك اعتقد 15 جيجا مجاناً ميزته قوقل يعني سهل ومرتبط بإيملك وووو.
3. دروب بوكس (dropbox) هذا ممتاز للملفات واللاب توب يعطيك اعتقد 5 جيجا ممتاز وافضل استخدام له للملفات ومشاركة الملفات مع العمل الى اخره.
4. ون درايف (One Drive) ميزته انه مايكروسوفت يعني تشتغل باللاب توب والحفظ أسهل من شرب المويه. يعطيك اعتقد ل 5 جيجا مجاناً.

كنصيحة جانبية: اي شيء له علاقة ب apple تجنّبه والأسباب كثيرة بس مو موضوعنا

فيه شركة دايم تطل وتغلب الكل اللي هي amazon بس للحين ما فعلوها بشكل كامل لكن شخصيا للصور ارشح برنامجين:

- اذا عندك صور وفيديوهات بحجم كبير ولا تحتاج تتصفحهم بشكل دايم عندك ميجا (Mega) افضل.
- اذا حجم اللي عندك اقل من 10 ميجا وتحب تتصفحهم بين فترة وفترة جوجل وانت مغمض ولو تقدر تشتري 100 جيجا (بدولارين شهريا) يكون افضل وافضل وتنساهم.

- هذي البرامج آمنة 100% وتقدر تربطها بإيميلين ورقم جوال ورسالة جوال والأمان فيها عالي ولا يشوف صورك غيرك لو ايش ما يكون وتقدر تحفظها ببرنامج بجوالك او باللاب توب او تتصفحها بموقعهم بدون تنزيلها

الآكلاود وفيس بوك وسناب ومدري ايش هذي غير مستدامة ومحدودة . الآي كلاود معقول لكن عقدة apple دايما مزعجة

الله يعوضك مرة ثانية
ولا اعرف اذا هذا بيطمنك او لا .
بس شخصيا بحياتي ما قد اخذت صورة وبيني بينك حتى جوال كاميرا حقيقي ما عندي ولا قد صار عندي . عندي جوال صغير اذا صوّرت كأنه تصوير الباندا . علما اني زرت دول كثيرة جدا (بحكم عملي السابق) لكني شخصيا لا احب الذكريات واكره الجوالات

تحياتي