مزاعيط المغرب - السفر الى المغرب - عرض مشاركة واحدة

ولد الشرقية

مزعوط برونزي

المشاركات: 648

تاريخ التسجيل: Sep 2013

الدولة: شرقاوي للنخاع

2020-10-04, 08:54 AM

عدنا لكم بعد اجازة نهاية اسبوع وراحة بيتوتية

نسال الله ان ينزع عنا الوباء ويكفينا شره ويشفي جميع المصابين

صحيت من النوم على صوت التلفزيون العمدة شاب ضوه مسوي القهوة ويتفرج على العربية مروق بعد ليلة استثنائية مع المفتري واصحابة.

جلست مع العمدة وانا اقولة وش رايك لي افطرنا مشينا قال وين قلت ما ادري مراكش ولا اقادير

قال فوقه مشينا ، فعلا اخذنا اغراض يومين ومشينا وكان على الظهر وقتها على ما اتذكر ، عمرنا السيارة مازوت وتوكلنا على الله

على انغام اغنية الشاب عمرو – "شكون لي قال" قامت الهواجيس تجي وتبدا تخربط الامور عندي حسنات وايجابيات كل مدينة وسلبيتها ، كان الخاطر مشوش شوي بسبب ان كل الخيارين العمدة ما يقول لا فقلت له مراكش والاجر على الله

وصلنا على العصر مراكش وعلى جيليز بدون اي تفكير، وعلى مطعم الفاسية من غير اي تردد، بالنسبة لي احد الخيارات اللي اروح لها من غير اي تردد.

طبعا المكان هذا يستهدف السياح ويتميز بالطابع التقليدي المغربي ، جلسنا جلسة حلوه ولا اروع ومن بعدها تمشية في جليز ومريت على ما اتذكر صديق قديم لي عنده مخبزة جنب المول لابد اخذ منه شباكية كل ما زرت مراكش (الشباكية مع القهوة كلااااااااام كبير)

ايجا الليل... وطلعنا من جليز ووقع الاختيار على فندق والسبب قصر مدة اقامتنا في مراكش، حجزنا عن طريق موقع والفندق ما هو بعيد عن جليز ، نزلنا اغرضنا شور سريع ولا حسيت بحالي الا العمدة مدرعم علي بالغرفة يقولي خلص الليل وانت نايم ، وش العلم قال اجهز طالعين قلت له فوقه. اثر الرجال ما نام وهو قاعد يخطط ويجهز وفي محادثات ومباحثات مع عده اطراف. والله خويكم لبس وكشخ وطق التحسونة سريع سريع الا الرجال في السيارة جالس. اللحين يا عمدة وش السالفة مطلعنا بهاليول وين شاطح بنا ، قال ما عليك اللحين اضبطك يا مدير الساعة 11 وين وعليها قال ما عليك موضوعك عندي، شوي الا حنا عند بوابة المامونية وانا اطالع فيه هذا نظامك قال ما عليك وفعلا جلسنا ساعتين ولا اروع ما بين احمر واسود تكللت بالنجاح الساحق، ما دريت الا الرجال يقول مشينا خلاص شي بركة اليوما ، وانا واخا يا صاحبي. وحذفة عصا الا حنا عند W وكال العادة اخذوا السيارة ودخلنا وكان الوقت متاخر شوي والناس فوق بعضها من الزحمة ، وبحكم العلاقات مع العمدة تم حجز موقع لا باس فيه ، ليلة لا باس فيها الديجي ممتاز الزحمه والالوان شي احمر وشي اخضر وشي ابيض. بس والله الامور ما عاد هي مثل اول النفخ والترقيع كثييير ، وبعد فتح الاضاءة ترى كل شي على حقيقته وتعرف ان الدعوة قبل كانت فوتوشوب. مشينا للفندق انا والعمدة بعد ليلية طويلة ونوم.