اقتباس:
المشاركة الأصلية كتبت بواسطة أسد الاطلس
بعض البشر عله ماله الا علمه ورايه
وبعض البشر عين سيحٍ ماتشوف اقصى مداها
ياوجودي وجود اللي يقلب على المله
حار فيه الطبيب اعوام علته مالقاها
أسد الاطلس
السيح : منطقة جنوب الرياض فيها عيون جاريه في السابق ووسطها مدينة الخرج المعروفة
المله : الرمل الحار يعالج به المريض
شل شله شل شيله شل شله
ياحلا طعم الغرام اللي يذكرني وصاله
سلمو لي على اللي وافينٍ رمشه و ظله
طاعنٍ قلبي بشلفا والعمر كله حلاله
أسد الاطلس
الشلفا : السكين الحادة