هذا اول شتا وما قدرت اجيك
ولا ادري اذا انتي مثلي مشتاقه لي
وتبيني اجيك
او نسّاك البرد صورتي وطارت مع الريح ذكرياتي
ولا تبيني اجيك
@@@
شوارعك العامره وصباحك المتأخر
وعماراتك العاليه وريحة العنبر
وليلك الصاخب الهادي
وابتسامات الناس
وذكرياتي في كل زاوية
هذا اول شتا ما اجيك
ولو بيدي ما مر شتا دون ما اجيك
@@@
جيتك بدون عنوان
وصار حضنك عنواني
وما عاد الشتا شتا
بدون حضنك الدافي
@@@
جيتك وانا ما لي بالناس ناس
ومن عرفتك
صرتي لي كل الناس
واغلى الناس
@@@
البرد عذري رغم دفاك
والفقد موحش وانا بعد الله برجاك
ما بقى لي احد وحياتك
غير انت ومن فيه سواك
@@@
ما عاد لي للفرقى احتمال
وما عدت اطيق شتا بدونك
ولا ابي من العيون الا عيونك
بس بسألك ما وحشتك
او تدرين انا راضي بجورك
لاني اخذت كل حبك الباقي
اخذت نهرك وتركت لك الساقي
وانا عطشان لو كنت رويان
ياشين فرقى الخلّان
ياخلي الباقي
@@@
هذا اول شتا ولا اجيك
واوعدك لو بيدي
هذا آخر شتا ما اجيك
واسألك وارجوك اذا جيت
احضنيني مثل حضن اول شتا يوم اجيك
الحب طنجة
او
طنجة الحب