اقتباس:
المشاركة الأصلية كتبت بواسطة حبيب طنجة
بعطيك ترشيحي الثاني ويمكن الاول مكرر هههه مدينة الحمامه البيضاء تطوان الحب والجمال
مدينه نقيه بالزاف وعيب اقول خضراء لان طريق طنجه تطوان بس يخليك تقول يارب اجل الجنه كيف يالله الجنه لوالديني
المهم على طاري الطريق لا تنسى توقف عند حقين الفاكهه طازجه وجلسات رايقه لا تصير طرقي من وجهه لوجهه هذي بالصحراء مب بجنة الدنيا ههه
جوها حلو وطبيعتها احلى وكل المدن اللي حولها الله وش اقول وش اخلي عندك المضيق مارتيل المارينا وشرق الشاون ووادي لاو لا تنساه هذا بيخليك تقتنع ان وادي حنيفه عقوبه مب وادي ههه بتشوف الشلالات واشرب منه نقي بدون تصفيه كلها حول تطوان غير العيون والقرى الصغيره اخ بس حتى طنجه قريبه
وش بعد ايه السكن بتطوان غويلي شوي بس ارخص من مراكش وطنجه وكله وبحثك وتوفيقك ورغبتك انا اسكن بعيد شوي حول المضيق ب 500 درهم شقه روعه بتطوان حول هالسعر وبوسط المدينه
عندك حي الملاح القديم اذا بتسكن فيه بس ترى نظامه ماتدخل السياره حي على الطراز الاندلسي ما انصح بس حلو زوره شي يخزي العين عن جد عندك الملاح الجديد اظن اسمه القدس عنده كل المطاعم والمقاهي وسعة الصدر واذا تبي تبعد حي الولاية زوين والا شارع الجيش الملكي فيه بنايات زينه ومنظم وجديد
تطوان ترى تاريخ فيها متاحف واشياء تاريخيه وتقدر تتمشى فيها كلها بأيام ولا تمل وكمان احلى مافيها المساجد بالزاف ماتفوتك فريضه بالمسجد كازا اذا لقيت مسجد يكونون طلعوا هههه لان كلها جوامع
اممم وش بعد ترى بالليل مافيه شي ارقد وريح ملائكتك هههه بس مارينا وحول البحر فيه سهرات وجلسات بس قليله وبعضها خاصه ومب بتطوان
هذا كل ماعندي القاكم مع مدينه اخرى هههه المفروض يوظفوني سفير المغرب السياحي ويسمحون لي اسافر والنبي تعبت : (
اذا فيه جاجه معينه يازميل الصعلكه اسأل يمكن نسيتها
طرح جميل جداً وننتظر باقي مافي جعبتك ومدام فتح لي باب السؤال اتمنى تطرح لنا مالديك عن جنوب المغرب العيون والداخله وماجاورها
اقتباس:
المشاركة الأصلية كتبت بواسطة حبيب طنجة
اووه الشنفرى راعي اللاميه هذا عبقري بعيد علي اخاف انا اصير مثل الحطيئة ههههه ثم اهجيك واهجي نفسي واهجي المغرب ويكرشونن على اقرب طياره ههه
مع ان المغرب تحسن المزاج والذوق اسمع اسمع ابن زيدون وش يقول
كأن أعينه اذا عاينت ارقي ** بكت لما بي فجال الدمع رقراقا
لا سكن الله قلبا عق ذكركم ** فلم يطر بجناح الشوق خفاقا
والله مدري اذا ابن زيدون فخم وذويق والا مقابل الخضار وولادة والجو الزين تخليك شاعر غصب لان حتى انا بطنجه احس عندي شعر بس ما اعرف اوزان الفراهيدي صعبها الله يهديه هههه
المغرب لا اجد وصف يصف عشقنا له مع من يلومنا على رحلاتنا المستمره له الا مطلع رائعة عبديغوث بن الحارث وهو يلفض انفاسه الاخيره
ألا لا تلوماني كفى اللَّومَ ما بيا
وما لكما في اللَّوم خيرٌ ولا لِيا
ألم تعلما أنَّ الملامةَ نفعُها
قليلٌ، وما لومي أخي من شِماليا
الله ماقو قلبه الي يقول اجمل قصائده بعد قطع وريد يده وترك ينزف حتى الموت