اقتباس:
المشاركة الأصلية كتبت بواسطة مهتم
شكرا حبيب طنجة، كلامك كله مفيد. يعطيك العافية.
تطوان في الجدول. اما مارينا سمير والمضيق وكستياخو وكابنقرو ومارتيل للصيف بس. تجيها في وقت ثاني خالية.
طنجة يازينها وحلاتها اسبوع الزبنه لو تحصل بتطوان في المدينة ونبعد عن كل زحمه. جوك عليل ياصاحبي يسعد لي يومك.
الله يعافيك العفو
احسن تكون خاويه هههه تاخذ راحتك وتنبسط انا ما لي بالناس ومال الناس بي ههه بس عاد برررد بالشتاء وهذولي مكشوفات على البحر والهواء ما لك الا تقمط بشقتك ولا يمديك تشب ضوء حركات عروبيه هههه
اخر الصيف حلو بعني على اخر سبتمبر او ببدايته على ابريل او مايو بس المشكله يصادف رمضان منت مطافش وانت صايم ومن يضبط فطورك وسحورك انا اطبخ عادي بس المكان غير مجهز احسن شي برمضان شقه بوسط طنجه او تطوان عشان تاخذ اغراض الفطور والسحور طازه كل يوم ودي اجرب
على طاري المضيق اذا انت على الشاطئ الرئيسي فيه مبنى صغير دورين واضح الدور الارضي مطعم زوين بس الدور الثاني فيه مقهى اظن اسمه امواج جلسات مكشوفه ع البحر وجلسات جوا دايم مزحوم المهم اذا يمديك على جلسات برا اخخخ ترد الروح هوا صحي عليل وجلسه تحرك الذكريات منظر بانورامي عجيب بس اقوى منظر عيا يروح من مخي منظر المحيط من مقهى الحافه بطنجه سبحان الخالق البديع ويجي آدمي ماخلق ولاذبابه هو كله على بعضه مخلوق ويكفر ويتجبر ويغتر بنفسه على ايش ههه الدنيا خداعه