الذهاب إلى السفارة
تذهب إلى السفارة تراجع قسم شؤون الرعايا ويشوفون الامرعندهم ويطابقونه بالجواز والبطاقة المدنية راح يعطونك ورقة فحص تسويها للمخطوبه اللى معاك والافضل تجيبها هي وولي امرها معاك عشان توقع 3 اوراق عند السفارة
الفحص الطبي للزوجة :
طبعا اول شي يعطونك ورقة الفحص وتسوي الفحص للزوجه وغالبا يطلع في اليوم الثاني صباحا يعني 24 ساعه وقيمته 1800 درهم وبعض الاحيان يقولون لك 1500 درهم على حسب المصحه في احد العيادات المعتمده وهي ( مصحة الرباط زعير - السلاوي - شاله - القلب والشرايين بسلا) وكلها معتمده لدى السفارة

. اول شي راح يعطونك اوراقك واوراق الخطيبه ويحطونهم في ملف كلهم بالاضافة الى ال6 خطابات اللى عطوك مختومه وهي طلب الزواج وحسن سيره وسلوك وشهادة سكن وغيره...
تصديق من الخارجية المغربية :
روح بالخطابات هذي الى وزارة الخارجية في شارع الجزائر في الرباط واختم الخطابات (الختم ب20درهم) وطبعا مايطول وانت واقف بسرعه يعني ربع ساعه ومخلص
سجل عدلي
اطلع وروح طلع سجل عدلي (خلو سوابق) من وزارة العدل في الرباط حاول تسويه قبل الساعه 11 الظهر طبعا راح ياخذون عليك 10درهم حق الطابع مع صورة الجواز وصورة الدخول للمغرب في الجواز وبعد الصلاه ترجع تاخذ الورقه مختومه اسمها (السجل العدلي) للاجنبي
شهادة السكنى من المقاطعة:
ووتسوي صور للخطابات ال6وجميع الاوراق اللى عندك على 4 نسخ مهم جدا مع 4ملفات وتسوي لهم ختم تصديق من المقاطعه اللى فيها الزوجه اهم شي.
فحص طبي للزوج :
حاول تروح تسوي شهادة طبيه لك من اي دكتور واكرر من اي دكتور مايهم تخصصه طبعا 100درهم يعطيك ورقه مكتوب فيها انه سوي لك فحص زواج وماتشتكي من اي شي ويختمها ويعطيك اياها. خلصت الحين من المرحله هذي وعادة تخلصها في يوم.
طلب موافقة زواج من المحكمة :
تروح بنسخه منهم مع الاصل للمطابقة الى قاضي الاسرة في محكمة الاسرة اللى فيها الخطيبه وفيها مقاطعة الخطيبه وهذا الصعب شوي ولكن انا بضرب مثال على سلا او الرباط. تسوي طلب للقاضي بطلب زواج مختلط ويعطيك موافقة عليه عادة في نفس اليوم او اليوم اللى بعده على حسب المحمكه والقاضي وضروري السن 18 سنه للزوجه والا بتدخل في متاهات ثانية لسن القصر. خلصت من المحكمة وعطاك القاضي موافقة في نفس اليوم او اليوم اللى بعده معناها هايعطيك ظرف مغلق لاتفتحه
شهادة حسن سيره وسلوك:
توديه الى الامن الوطني في سلا ايضا وتعطيه الضابط المناوب وراح يسوي لك اسئلة عادية روتينيه (استبيان حالة زواج اجنبي) ويخلص الاسئلة ويقولك روح وتعال بعد 48 ساعه يعني يومين وترجع عند الامن الوطني تاخذ الظرف ايضا من جديد وعليه رقم خلك عارفه وسجله عندك.
ترجع المحكمه بالظرف او هم الشرطه يرسلوه عادة اذا ماعطوك اياه بعد يومين مافي مشكله تدخل ثانية على القاضي ويشوف الملف مع الظرف ويعطيك موافقة زواج ورقة عليها رقم وهذا الرقم هو اللى راح يزوجونك ويسوون العقد به. انتظر يوم او يومين عشان يعطونك هذا الرقم وبس تاخذه.
مأذون شرعي يوثق العقد :
شوف لك اي عدول في نفس المحكمه او في الخارج ياخذ منك الملف والاصل ويسوي لك العقد يكتبه وطبعا انتبه لازم يكون ثقه وراح ياخذ منك مش اقل من 500درهم عشان يخلصه لك في يوم او يومين ويعطيك العقد بالاضافة الى 500درهم قيمة الاتعاب لانه لم ماعطيته راح يطلع العقد بعد اسبوع او اسبوعين وهذا يعطلك جدا.
تصديق عقد النكاح من المحكمة الابتدائية :
لما يعطيك العقد بعد يوم او يومين مثلا مختوم من عنده ومن عند القاضي الاسرة خلاص خذ العقد وروح سوي تصديق من رئيس المحمكة الابتدائية بسلا في نفس اليوم
تصديق عقد النكاح من الخارجية :
وبعدين روح وزارة الخارجية بشارع الجزائر اللى رحت صدقت الخطابات عندها وصدق العقد ايضا ب20درهم.
الذهاب للسفارة لاخذ ورقة السداد
الحين روح السفارة وطبعا خلصت الاوراق اللى عندك وضروري يكون عندك صورتين للزوجة طبعا راح ياخذون العقد والجواز للزوجةويعطونك ورقتين سداد للبنك العربي المغربي في حي اقدال - الرباط وطبعا الاول قيمة 135درهم والثاني 80 درهم وهو قيمة التأشيرة وقيمة التصديق للعقد.
البنك العربي لسداد التأشيره والعقد
لما تخلص الصبح راح تتسلم العقد والجواز مختوم بالتأشيرة بعد الظهر تقريبا