اقتباس:
المشاركة الأصلية كتبت بواسطة حبيب طنجة
وعليكم السلام والرحمه
هلا اخوي الوكيل ليش الوكيل دايم كريه بالمدرسه بس كانوا مربين فاضلين الله يذكر ايامهم بالخير
بخصوص قطار البراق فما فيه تعب ولا شيء بالعكس قطار ممتع ولطيف ومريح ورايع اشكر المغرب عليه
كل اللي عليك اذا وصلت مطار كازا تركب القطار هذا القطار مهب البراق يعني مستواه اقل بس يبقى جيد خذ درجه اولى اذا تبي تبعد عن الزحمه مع انه شكله ما فيه زحمه دابا لكن خذ تذكره درجه اولى اذا تبي استقلاليه ولحالك بعدة كراسي سعر الدرجه الثانيه 50 درهم والدرجه الاولى ب 70 درهم هالقطار خله ياخذك الى الوقفه قبل الاخيره 40 دقيقه وانت في محطه اسمها الدار البيضاء المسافرون بالفرنسي CASA VOYAGEURS لا تنسى لانك اذا ما نزلت بيدرعم بك لكازا الميناء بعدين بتضطر ترجع مره ثانيه لمحطة المسافرون اذن جحا
بعد ما تنزل الى محطة المسافرون فويجيرس تكون وصلت للمحطه الرئيسيه لقطار البراق
اهنايا تاخذ قطار البراق لاي وجهه شماليه احببت لان قطار البراق ياقف بالرباط ثم القنيطرة ثم على طنجه حبيبة قلبي اللي اشتقت لها بالزاف ياعمري انا
المهم القطار هذا فخم وجديد ورايع وسريع وممتع ولا تحس بالتعب والمحطات رايعه وفيها كل الخدمات والمطاعم والمقاهي ياعمري يالمغرب
نجي لقطار البراق تاخذه من محطة المسافرون ثم ياخذك للرباط محطة اكدال تقريبا ساعه وسعره يعني 50 درهم للدرجه الثانيه ويمكن 90 درهم او حولها للدرجه الالى ثم يوقف بالقنيطره اللي ما اعرف عنها شيء بس تبقى حبيبة قلبي لانها بالمغرب
محطة طنجه اخر محطه وتاخذ لها تقريبا ساعتين وشوي من محطة الدار البيضاء المسافرون وسعرها يتراوح ما بين 180 درهم للدرجه الثانيه وتوصل 300 درهم للدرجه الاولى وكل الاسعار اللي ذكرت تقريبيه وبناء على ذاكرتي لما قبل كوفيد بس انها قريبه جدا ولا اعتقد تغير شيء واجد بعد كوفيد بس تراها تختلف بنفس اليوم حسب وقت رحلتك وهل وقت الذروه او لا مره رحت لطنجه بتذكره ب 140 درهم لان وقت ميت ولا فيه احد
بخصوص اوقاتها فهي على مدار اليوم قطار المطار متأكد كل ساعه يمشي قطار وبالتحديد الساعه 55 دقيقه يعني كل ساعه و 55 دقيقه ينطلق قطار يارب اني شرحت كويس اما باقي القطارات حقات قطار البراق فأوقاتها تختلف لكن تقريبا كل ساعه او نص او كل ساعتين ينطلق قطار واذا ما لحقت على واحد تلحق على الثاني ولا تحتاج حجز قبل ولا شيء رح درعم للمحطه واحجز المقاعد واجد والقطارات واجد واذا انتظرت حدها ساعه او ساعتين انتظار بالمحطه والمحطات ممتعه وفيها كل المطاعم والمقاهي والاسواق الجميله يكفي انك بالمغرب
اتمنى اني افدتك بس انا زعلان منك يا دنيا انا زعلان أوي تروح للمغرب وتتركني لوحدي أعوي
ياذيب واقنب خل صوتك يدوي العالم دوي
ما دام خانتك الظروف فالله يخرب بيتها
رحله ممتعه
اخوي حبيب طنجة الغالي السلام عليكم.
نصيحة من واقع تجارب سابقة اذا ركبت القطار باالمغرب .احجز درجة ثانية صح زحمة وعامرة. لكن فرصة ثمينة للتعارف باالطيور الرزينة. عكس الدرجة الأولى فاظية ولا فيها شي .دمتم بخير.