هلا بك اخوي العزيز المهاجر عيدك مبارك وكل عام وانت بخير بمناسبة العيد السعيد
نعم لكن اغلب الشركات العالميه لتأجير السيارات الموجوده بالمغرب ( وغالبا كازا ) تفرض عليك اميال او كيلوات محدده لو تتعداها دفعت دبل دبلات المبلغ المتفق عليه والمزاعيط عشاق للسفر والتنقل فاليوم في كازا وغدا في مراكش وبعده باغادير وهكذا
هذي الشركات خيار جيد للي ما يطلع عن كازا او المدينه الرئيسيه اللي فيها الشركه وعشان كذا لازم تنتبه لكافة الامور قبل تستاجر منهم وتتفق معهم على كل شيء خاصه الكيلوات المسموحه والتأمين وحجز المبلغ الخ الخ
بالنسبه لي افضل الشركات المغربيه الناشئه بمعنى لا الشركات العالميه ولا الافراد العاديين لا فيه شركات مغربيه ناشئه ممتازه تتعامل معك بكل احترافيه وتفهم احتياجاتك والتفاوض معها سهل
ايضا الشركات العالميه احيانا ما عندها عروض لما تاخذ سياره لمده طويله لان عندها سعر محدد اخذتها يوم او شهرين بينما الشركات المحليه مرنه اكثر بهالخصوص
وبالاخير الاهم تشوف المتاح وتقرأ عن تجارب الاخرين وتتوكل على الله ومع تراكم الخبرات والتجارب راح توصل الى اللي يلبي احتياجاتك بدون تعقيد
تحياتي لك اخونا