وعليكم السلام ورحمة الله وبركاته
ارحب يالرمانسي عز الله انك زميل فعلا هذا اللي اسويه انا بالصيف

الشمال يا صاحبي الشمال افضل وقت الصيف جو جميل جدا وخضار واسع مد النظر واستمتاع بالمناظر والتمشي والهدوء والتجول
عندك طنجه وشواطئ طنجه وعندك تطوان المدينه ممتعه وهاديه وكذلك شاطئ تطوان بالمضيق والفنيدق ومارتيل كل الطرق الى هالمدن ممتع ورايع وبما انك تتمشى بالسياره فخلك معك عزبتك فيه جلسات على الطريق واعره وبائعين الفواكه موجودين وبرضه فيه مقاهي ومطاعم على الطريق اذا حبيت
كذلك شفشاون ممتعه وفيه قرى تحت تطوان هاديه وبسيطه وطبيعتها رايعه لكن طريقها واعر (من الوعوره) وايضا في الجهه الشرقيه بعيد بعض الشيء فيه وادي لاو جميل جدا والمناطق اللي حوله جميله لكن الطريق من تطوان لشفشاون فيه طرق فرعيه صغيره ادخل من عندها واستمتع بالطبيعه الخلابه جدا شيء فوق الوصف

بخصوص السكن
فما انك وحداني انا انصحك تسكن بتطوان وتروح وتجي عليها بما انه معك سياره لان تطوان تقريبا قريبه من اغلب المناطق الجميله بالشمال قريبه لطنجه وقريبه للشاطئ وكذلك لشفشاون لكن ان حبيت تقيم في كل مدينه تعجبك فأنصحك بما انك لحالك وهادي بتطبيق سكن اسمه Airbnb تلقى فيه شقق بكل مدينه كبيره او صغيره وتلقى الغاليه والرخيصه وصور للسكن وكل ما اردت وتقدر تطبخ على راحتك وفيها كل ما تحتاج حتى اغراض الطبخ الرئيسيه غالبا بتلقاها

اتمنى اني افدتك عزيزي
تحياتي لك