المشاركة الأصلية كتبت بواسطة الطبوزي الواعر

السلام عليكم ورحمة الله وبركاته علىيكم جميع,

انا توني رجعت من طنجة من قبل العيد وانا هناك وعلى قولتهم امداني انحاش من سالفة الحجر اللي الساعة تسع اخر يوم. بس للاسف يوم وصلت هنا بدت الاعراض تطلع و كشفت طلعت مصاب بكرونا وطيري بعد جته نفس الاعراض، يا حبي له يقول كلنا مريضين بجوج ونفس الاعراض ووجها طايح من التعب على نياتها تحسبها زكمة وحرارة وضيق تنفس ولو ما قلت لها تفحص ما درت انها مصابة بكرونا. الحمدالله على كل حال.

طبعاّ اخوانا واخواتنا في المغرب الله يهديهم مو معترفين بشي اسمه اجراءات احترازية او تباعد ماخذين الامور بسعة صدر وعلى قولتهم وااااا كرونا راها هدرة خاوية.
انا على اللي شفته هناك والزحمة في كل مكان ان اعداد المصابين اكثر من الارقام المعلنة.
اللي وده يسافر ومحصن ومعزم على السفر مهوب راده سالفة الحجر اللي يبداء الساعة 9 انصحه يلتزم بالاجراءات الاحترازية وين ما يروح لان واضح انها هاجه بالمغرب ومنتشر الفايروس عندهم. غيره انصح الجميع بتأجيل السفر لين تتضح الرؤية بخصوص الحجر الليلي لان حتى الساعة 11 بالليل تخليك زي اللي يسابق الوقت واغلب الاماكن مافيها سهر.