الله يعطيكم العافيه جميعا بدون استثناء ل اثرائكم هذا الموضوع خصوصا :
اكدال ،محمود 1987 ، جتك نيلة، قطري واعر مشتاق لك، ضاري ٢٠٢٠، مزعوط لاتكلمني .

الخص الكلام للي يبي يجي :
اللي ماعنده مشكله في الحجر يجي وتراها سهالات انا احيانا مارجع لسكني الا عشر واحيانا ١١ بحكم اني في طنجه حاليا .
مافيه ذاك التدقيق الشديد خل معك ورقة توكلنا بسيارتك وجهز عذرك لو وقف احدك وقليل احد يوقفك ، وطبعا يختلف الكلام من مدينة الى مدينة.
والملاحظ الان كل شيء مرتفع سعره عشان الصيف وكثر الطلب وقل المعروض بسبب كورونا .

اللي كان عنده اول شقتين او ثلاث يستثمر فيها تلقاه سلم وحده او ثنتين ،والكلام يشمل الفلل وايضا السيارات .بعض المكاتب كان عندها سيارات كثيره في وقت الازمه سلمت بعض السيارات او باعت بعضها لذالك هناك غلاء ملحوظ .
اللي يبي يجي ويستمتع بكل شيء في المغرب وب اجواءه القديمه يصبر شوي الى شهر ١٠ ميلادي او منتصف شهر ١١ بيكون الوضع افضل واحسن وتجاوزوا مرحلة الطواريء الصحية ووصلوا للمناعة الجماعية وفتحوا كل شيء