الله يسلمكم ليش المقاطعة ؟ أنا ضدها لأن السفر للمغرب فيه متعه فليش أحرم نفسي منها علشان فئة محددة من المغاربة لسوء تعاملهم
واستغلالهم. الحلول كثيرة وموجودة والتكيف مع الوضع بالمغرب سهل لكن محتاج حزم وسرعة بديهه مع لباقة. خلينا نتناقش بهدوء
بالموضوع ، أولا ً الدلخ الأحمق اللي يقبل الذل والمهانة والاستغلال هذا مهوب رجال ولا عليه شرهه وصعب علاجة هذي نقطة منتهية.
بالبداية عند الوصول للمغرب نمر من الجوازات بكل هدوء طنش تعش تنتعش. بعد ما نأخذ الشناط نمر على الجمارك وهنا نقاط مهمة
وهي البعض معه شراب أو دخان ومعسل وفحم أو هدايا المهم خليكم هادين وبكل ثقة حطوا الشنط بالجهاز ، مريتوا كان وبها أما لو
قال تعال افتح الشنط عادي نفذ المطلوب بكل هدوء وبدون نقاش لأنه مع بداية النقاش اللي قدامك راح يعرف أن معك أغراض أنت
حريص على تمريرها ومستعد للتفاوض. انتظره هو اللي يبادر بالكلام ممكن يكون شك في شيء غير اللي في بالك. لو تكلم وقال
لك شيء هنا بادر بالرد بهدوء وثقة وكون مستعد له وفي جيبك مبلغ بسيط لا يزيد عن 200 درهم مغربي وحاول في البداية
تبرر اللي معك أنه لحاجتك له أو لأنك لقيت عرض مناسب في السوق الحرة بالمطار اللي أنت جاي منه مثل مطار دبي أو الدوحة
أو القاهرة وإذا كان دخان ومعسل فهو للاستخدام الشخصي الخ ، لو ماشي الحال حاول بكل هدوء معه وحط ايدك في جيبك بدون
ما تطلعها وراقب رد فعله فلو تلفت حوله يعني بيغى الفلوس لكن حاب يتأكد من الوضع. بعد ما تمر من الجمارك وتصرف
وتضبط امورك تجي مسألة السيارة اللي حاب يسوق بنفسه بالمغرب ودائم يكون عندك حجزين ، أنا هذا اسلوبي ودائم اطلب سيارة
اصفار زيرو وبكل أمانة يوسف صافوي كار ما قد خذلني من بدأت التعامل معه وحتى اللي قبله اللي كنت اخذ منه كلهم والنعم فيهم
والحجز الثاني يكون احتياط ثم قبل ما ادفع اشيك على السيارة الدنيا ما راح تطير وحتى الموظفات عند يوسف بكل أدب يقولوا لي
السيارة جديدة لكن اقول لهم يمكن ما تعجبني وأحب اشوف غيرها اكبر مثلاً أو افخم وهم متفاهمات للوضع. اللي يستلم سيارة غير
اللي هو حاجزها هذي غلطته مو غلط المكتب ولا علاقة له، واللي يوصل ويسحب عليه المكتب مثلا عادي وين المشكلة حطه
قائمة سوداء عندك ودور لك على سيارة من اي مكتب بالمطار ولا تلتفت لاي سمسار يتكلم معك انت بنفسك ادخل للمكتب ولو
دخل معك سمسار وضح المكتب أنه مو معك ولا لك علاقة فيه. وبعد ما تخرج من المطار وتشد الرحال للمدينة اللي انت ترغب في
الاستجمام فيها نجي للسكن. ولـلـحـديـث بـقـيـه
__________________
الـراحـة الـنـفـسـيـة تـبـدأ عـنـد كـاونـتـرات الـجـوازات