١-طيران الخليج ممتاز توقيت ووصوله معك اليوم كامل
٢- اتفق معك في وقفة مراكش بتكون حلوه وتريحك من تعب الطيران في الوصول لانها قريبه ساعتين بس من مطار كازا وفي رحلة الرجعه بعد وقف فيها لانك صادق من اكادير الى مطار كازا الخط طويل ومتعب وممل وصدرك ضايق خلقة لانك مودع ف افضل شي خلك قريب من المطار ومراكش خيار مناسب .

اذكر اخر يوم لي في المغرب قبل كورونا.. .. واكادير فعلا اذا قرب وقت الرجعه تحلى اكثر المهم اذكر سهرت بس كنت مقفل شنطتي ومجهز اغراضي من قبل لا اطلع اسهر .. علشان على طول اذا رجعت نومه وبكره امسك الخط لان رحلتي للسعوديه الساعه ٨ المساء كنت ناوي اوصل كازا اتغدا فيها واتمشى شوي واسوي حمام ومساج قبل المطار ..

ولعلها هجت فيني وتاخرت في السهره وقلبتها افتر بارتي ومانمت الا ٨ الصبح
قمت على الساعه ١ وانا منخرش مسكت الخط الساعه ٢
عاد ما احكيك عن الوضع في الخط انواع القلق والصداع هل بيمديني الحق الطياره

وصلت المطار ومع الخبصه كونترات السعوديه نقلوها للصاله الجديده واطلع فوق المهم وصلت وكانو خلاص ع وشك يقفلون الرحلة انا اخر واحد دخل شناطه.

فالمره الجايه بخلي مراكش محطة عبور اقرب في الوصول والمغادره