موعد وكاسين اتااااي وبنت تغليني
قلّقتها البارحه واليوم أصالحها
جتني وداع ولقا واحتارت يْديني
ما ادري ألوّح لها والا اصافحها ؟
قلت استريحي هنا يرتاح تخميني
والشوق يفضح نواياها ويفضحها
في وجهها كل طهر الغيم يسقيني
تشرب من الشاي واشرب من ملامحها
قلت ابتديها قصايد مني وفيني
كتبتها والغموض العذب يشرحها
رمشك جهاتي ونظراتك عناويني
وعيونك أرضٍ تمسّيني وأصبحها
وأنفاسك اللي تهادى بينك وبيني
أوراق تنثر دفاها وآتصفحها
__________________
قال ضحكتك... تفضح غلا بالصدر ضافي....
قلت هونك... ضحكة بضحكة... جارن واجاريك 
... !!