مساء / صباح الخير

السهره اول ليله كانت في كاش الدهبيه
وللاسف اخر مره اسهر فيه
زحمه وقرف وضيق ومكتوم واستغلال وشحاته من تدخل من الباب الى ان تخرج ومجمع للملحجه ولكن من هب ودب
لكن اظطريت اسهر فيه لانه راحت علي نومه والمميز فيه الديجي

وامس كانت السهره في ايكو فيرمونت الجديد

مكان كبير ونظيف وجديد اعاقد من شهر تم افتتاحه ونظامه صارم في موضوع الشحته من الخدامين ولايوجد فيه استغلال
ومدير الصاله اسمه محمد شخص محترم جدا وحريص على سمعة النايت يلف على الطاولات وياخذ انطباع الناس عن المكان ويسأل عن سلبيات وايجابيات النايت
والحقيقه يتقبل بكل سعة صدر لاي ملاحظه ويحلها بوقتها ونظام توزيع الطاولات فيه ممتاز طاولات لاتوجد طاولات شباب جنب بعض وهذه ميزه
المميز فيه حريصين على لبس الدخول
شغل الملحجه باللبس والله يكرمكم الصنادل ممنوع
ونوعية السهرانين فيه عالم جدا راقيه
وعامر من زباين فندق الفيرمونت وسلامة فهمكم

الحقيقه هو المكان الوحيد اللي يحسسك بوجودك فعلا بالمغرب

الاسعار فيه عاليه شوي لكن لو حجزت لليله الثانيه ينزلون السعر


واليوم السهر في اوبال نشوفه بعد التجديد المكان جدا كبير ومرتب او نرجع للسهر في ايكو

ملاحظه مهمه جدا :
ابتعد عن سماسرة السهرات
لانه ياخذ عموله من النايت
ودايما يمدحون النايت اللي يدفع لهم عموله وهذا اللي يسويه كاش يدفع لهم 500 جنيه لكل طاوله
بعكس النايتات الاخرى تعطيهم 200 جنيه

الاماكن الاخرى اللي حاب يكسب وقته
عندك المتحف الجديد روعه بصراحه شي فاخر من الاخر

والمولات فيستيفال كايرو التوب من ناحية الشوبينق والمطاعم واللاونجات

وفي بوليفارد الشيخ زايد

المطاعم ومادراك مالمطاعم
مصر جدا سيئه من الناحيه هذه فحاول تحرص على هالنقطه

اللاونجات داخل الفنادق لايوجد فيها شيشه بسبب كورونا
لكن في لاونجات خارج الفنادق ممتازه مثل roof في مركب السن سيت فوق اوبال

ومن الافضل الابتعاد عن الاماكن اللي يرتادها الخليجين لانه اغلبها مننيم تشارج واستغلال

للي يبحث عن الدخان الخليجي والمستورد
يوجد بجوار فندق رمسيس مول اسمه مول رمسيس الدور السادس فيه كل انواع الدخان الامريكي والخليجي والسويسري
واسعاره نفس اسعار الخليج

ويوجد في مول الفيرمونت لكن سويسري فقط
ويوجد الخليجي في داخل فندق ماريوت لكن سعره دبل وعالي جدا


وللحديث بقيه ....