سافرت كثير ما واجهت مشاكل
بس لمن سافرت وتعرفت على واحد باحد المنتديات قال ودنا نتقابل وعجبني اسلوبك
وانا بكازا قلت حياك وتقابلنا باحد الفنادق وصار نشبه وشبهه علي
انا احب الاستكنان وهو مرجوج انا ما احب الطيور الفلتانه وكل من هب ودب وهو رقله وخفيف عقل
نشب لي وكل يوم تمر علينا مشكله مرا الدرك ملاحقنا مرا متهاوش مع حقين الامن
مره متهاوش مع حقين الصرافه يقول لهم انتو حراميه رجعو فلوسي

4 ايام شفت العذاب وحطيت رجلي بالاخير سرقلي جهاز gps وقالي ترا شفار سرقه وابشر بالعوض
ليومكم هذا ما شفت العوض والخسيس بعد شهور اشوفه منزل موضوع وبالصدفه شفت جهازي
على طبلون سيارته

اعظم نصيحه اقدمها لا تصادق احد ما تعرفه بالسفر
ما يمنع جلسه بكوفي قهوه وشاهي وبعدها حط رجلك
الارواح جنود مجنده بعضهم تجلس معاه يضيق خلقك والبعض تجلس معاه
يا زين سواليفه وثقله وابتسامته

سافرو وانبسطو لوحدكم لا من شاف ولا من دري

__________________