المشاركة الأصلية كتبت بواسطة broken_arrow

انا اشوف هذا الشي صار لسببين:

الاول:الدول هذي المغرب و مصر و غيرها من الدول العربيه بإستثناء دول الخليج بشوفون ان الخليجي بصفه عامه و السعودي بصفه خاصه برميل بترول يمشي و يضخ فلوس في كل مكان و هذا الشي صار معي شخصيآ دخلت محل مساج في اكادير وكان موجود قبلي رجل مغربي و طلب مساج و اعطته سعر و كنت اسمع الحوار اللي بينهم و لمن جا دوري و طلبت نفس الطلب اعطتني سعر مرتفع و لمن سألتها ليش مزوده السعر علي غير عن اللي قبلي قالت بالحرف الواحد انتو الخليجيين عندكم بترول و اغنياء طبعآ رديت عليها ان الكلام هذا غير صحيح ومو كل الخليج عندهم اموال و رفضت السعر و خرجت من المحل و هذا احد الاسباب لنظرتهم للخليجي غير طبعآ بعض الشباب الخليجي يصرف ببذخ في المراقص و المطاعم و على الطيور بدون حساب وهو ما يدري انه يسىئ لنفسه و لغيره بهالتصرفات ويخلي نفسه و غيره مجرد اغبياء يحملون اموال لا يعرفون كيف يتصرفون بها.


السبب الثاني: ان السعودي بالذات خواف انو تصير له مشكله لأي سبب كان سواء شرطه او في المطار او فندق و يخاف من الفضيحه غير انه مستعجل و ماله خلق للانتظار لايجاد حلول بالطرق النظاميه فيقوم يدفع زياده عشان يخلص نفسه من المماطله اللي تتعمد مثل هالبلدان انها تسويها لانها تعرف انه في الاخير راح يدفع عشان يخلص نفسه وهؤلاء نماذج سيئه لبلدانهم و لغيرهم.