تسلم اخوي خالد على مرورك المميز

عندي ملاحظات اتمنى تفيد
اولا/ لاتاخذ بالسعر اللي يقول عليه ابدا
اذا قال ١٠٠ قول ٥٠ واذا قال ١٠ قول ٥ انزل للنص في كل شي ماله سعر محدد مثل اجار الشقق والا المعسلات واشباهها
وحتى الطيور ينخفض السعر اذا كذا ليله هههههه

ثانيا/ النصب سهل جدا هناك وزي اللوز وفي اغلب الاماكن عشان لا اظلم الكل فعشان كذا احرص دايم على طلب الفاتوره ومراجعتها واذا مافهمت شي اساله
في مره تغدينا في مطعم جنب الكافيهات اللي في مارينا وبما ان الحساب عندي فانا ادقق وراهم والا خويي ماينتبه لهالامور راجعت الفاتوره لقيته مسجل طلب زياده قيمته ٨٠ درهم واحنا ماطلبناه ناديته قلت هذا غلط ماطلبناه قام يسوي نفسه يراجع الفاتوره وقال ايه صح بررح اراجعها مع المحاسب وجاني مره ثانيه قال خلاص اخصمها من الحساب الاجمالي وانا بدفعها من راتبي قلت الله يعينك غلطك وتحمله
وعطيته حق طلبنا ولازودت درهم واحد ودايم اسوي كذا في كل مكان احاسب بالدرهم مازود ابدا

وصار لي موقف مع صيدلي دخلت وطلبت غرض
وعطاني اياه وقال الحساب ١٦٠ قلت هات الفاتوره قال ماعندي قلت سلام عليكم واروح صيدليه ثانيه ارتب والاقيه نفسه واخذته بالفاتوره ١١٠ درهم يعني بغى يلطش ٥٠ درهم النصاب ههههههه

ثالثا / قبل تركب التكسي قول عداد واذا رفض خله يولي
واذا ركبت خله يصفر العداد قدامك وخلك مراقب العداد لانه احتمال يصفره من جديد عشان يلخبطك ويقول خربان ويزود في السعر من عنده
وصار لي موقفين معهم وعطيتهم اخر قراءه قبل يصفر العداد ولازودتهم درهم واحد
ونصيحه اذا ركبت مع التكسي لاتسولف وانشغل بجوالك وشغل الخريطه للمكان اللي بتروحه عشان لايلف فيك البلد يزود المشوار

رابعا / انصح الكل لاتظهر نفسك انك ولد نعمه باي حال من الاحوال خلك طبيعي عشان لا احد يطمع فيك سواء في مجال البيع والشراء والا مع الطيور

خامسا/ نصيحه محب لاتخلي معك كاش كثير واحرص اشد الحرص لاتخلي احد يشوف المبلغ اللي بجيبك ابدا حتى اذا جيت تحاسب لف ورا وطلع المبلغ واعطيه لانك في بلد الطبقه الفقيره فيه كثيره وكورونا مجوع الناس
فالحذر واجب

والله يحفظ الجميع من كل شر