في 2018 كنت حاجز من مانيلا للرياض عن طريق دبي
دخلت المطار ورحت يم صالات المغادرة وتشاكلت مع المفتش الجمركي يبي يصادر الولاعة وقارورة عطر يقول الولاعة وقارورة العطر ممنوع حملها معك بالطائرة لأن حجمها 100 مللي وهي اصلا ما فيها الا اقل من نصفها
المهم تدخل المسؤول وسمح لي بأخذ العطر
دخلت صالات المسافرين وطلعت فوق للصالات عندهم هناك كل شركة طيران لها قسم خاص مو مثل دبي
صالة وحدة لكل المسافرين اكلت وارتحت شوي وقبل موعد الرحلة بحوالي نصف ساعة توجهت لصالة
سفر رحلتي وجلست انتظر فتحها
وكنت حاط جوازي و وسطه كروت الصعود للطائرة بجيب البنطلون الخلفي وكان البنطلون واسع
وامد يدي لجيبي ابي اطلع الجواز ما حصلته
وتدور بي الدنيا ركضت مسرع للجوازات والجمارك اسألهم عنه وفتشوا الكاونترات ما فيه
رجعت طلعت لصالة شركة الطيران اللي اكلت فيها ما حصلت شي رحت للترمينال حقي وبلغت الموظفين باللي حصل واعلنوا عن فقدي للجواز وبطاقات صعود الطائرة
وجلست اهوجس ايش بيصير لي هل اجلس محتجز بالصالات مثل توم هانكس في فلم الصالة
ونادوا على رحلتي وانا حالتي ما يعلم بها الا الله والنداء الثاني
صرت احاول اتذكر الاماكن اللي رحت لها تذكر اني رحت للحمام بعد ما اكلت
واروح هناك باسرع ما استطيع لقيت الكابينة اللي دخلتها مشغولة ودقيت الباب رد علي طفل امريكي
قال لي ايه حصلته تحت الكرسي قلت بسرعة طيارتي بتقلع ويطلع حتى ما بعد ربط الحزام وعمره اقل
من عشر سنوات تقريبا
وبيده جوازي والبطاقات يوم شفتهم بيده كأني شفت ابوي الله يرحمه
قال انا اصلا كنت باسلمهم للخطوط اللي رحلتك عليها
مديت يدي لمحفظتي واخذت دولارت من فئة الـ 100 ما ادري كم حاولت اعطيه اياهم رفض وبإصرار
هذي كانت اكبر مشكلة واجهتها والا مشاكل المطارات واجد
وآسف على الإطالة وبما انها اول مشاركة.