اول مره انزل المغرب في حياتي كان عندنا سواق في الرياض مغربي وصادف انه اخذ اجازه وسافر لكازا بيحضر زواج اخته وبعد سفره باسبوع سافرت انا للمغرب وتقابلنا هناك وحضرنا زواج اخته كان ممتع الزواج المغربي قلت خلاص ابي اسهر وكل يوم في ديسكو المهم اخوكم متعود على سوريا كل ليله في مرقص احب اغير المهم قلت خلاص غير الديسكوهات ذي فيه شي قال فيه بس ما يصلحلك قلت ليه قال حتى المغاربه اذا ودهم يسهرون ما يروحوا الاماكن ذي مشاكلها كثير وتمسك غلط قلت الا اروح لها وفعلاً رحنا واخوكم كاشخ والسواق بعد كاشخ بدله رسميه دخلنا والله لايوريكم الاشكال الي انا شفتها والبنات الي يرقصون مهم بنات اصغر وحده فيهم عمره اربعين سنه والي على الطاولات الي نايم وحاط راسه على الطاوله من كثر ما شرب ولا مجموعه جالسين اول ما شافوني انا والسواق تحس ناوين يسرقونا باي طريقه قلت للسواق وش ذي الاشكال قال قلتليك انه ما يصلح هذي المراقص خاصه بالشيخات قلت طلعنا قال لاتتحرك انا بطلع واجيب طاكسي لو طلعنا سوا بيطلعوا ورانا ويسون لنا مشاكل ولا يسرقونا المهم طلع السواق واخوكم انواع الرعب قلت لو قاموا وجلسوا جنبي وطلعوا سكينه ولا شي محد من الجالسين في المرقص بينتبهلم المهم جاء السواق وقال بسرعه قوم طلعنا الا الطاكسي واقف وركبنا وعلى بلاك هاوس وحلفت معاد اجي المراقص ذي ولا اكتشف مراقص جديده بعد.