المشاركة الأصلية كتبت بواسطة ابو صلاح

والله كنت ناوي ازور الداخله لانها اهم مدينه صحراويه سياحيه لكن كنسلت .
نصيحة لك ولست مجبر بالاخذ بها:
المغرب المدن الجميله فيه هي المدن السياحيه المشهوره واللي يعرفها كل رواد المغرب .
مع الوقت وكثرة التردد على البلد يبدأ الواحد يفقد لذة السفر لانه لاشيء جديد يشوفه او يستكشفه فيحاول يروح من هنا ومن هناك ولكن يجد ان الاماكن الجديده اللي زارها اقل من المتوقع .
لذالك افضل طريقه واشوفها حلوه ومن تجربه هي انك تزور بلد ثاني ٣ او ٤ ايام قبل قدومك للمغرب .
مثال اطلع على برشلونه ٣ ايام ومنها على طنجه وكمل سفرتك
او اطلع الى اي مدينة اخرى مثل لشبونه في البرتغال ومنها على المغرب .
ستجد نفسك بعد كم سفره زرت دول عديده ولم تتخلى عن عشقك المغرب .
لاتضيع وقت تستكشف مدن نايمه في المغرب .
اقول هالكلام من تجارب وخبرات طويله في المغرب .
اخر سفره لي للمغرب مريت لشبونه ٣ ليالي ومنها على كازا .
طبعا الطريقه هذي حلوه للي سفرته فوق اسبوعين ويتردد على المغرب ٣ او ٤ مرات بالسنه .
مزايا التجربه تخليك تشوف العالم وماتكون اسير لبلد واحد تحبه.
الصدق شفت عالم تلقاه طول عمره في مصر او المغرب او غيرها لأنه له اجواء وطقوس معينه في السفر مايبي يغيرها . هذا اقول له رح لديرتك اللي تحب لكن مر على بلد قبله او بعده يومين او ثلاثه وصدقني مع الوقت بتصير عاده حلوه صح انها متعبه شوي لكن بتخليك تزور دول كثيره وتكتشفها