اقتباس:
المشاركة الأصلية كتبت بواسطة الزيداني
لماذا نعامل السائق كأنه احد أفراد العائله كسعوديين ؟ونعطيه أكثر من حقه؟ ونجعله يأكل معنا؟ بل بعض السعوديين يجعله يأكل معه هو وزوجته لماذا هذه السذاجه منا كخليجيين وسعوديين بالذات ؟؟
اليس يأخذ يوميته ؟؟
لماذا تكلف نفسك وتعمل انك طيوب وحليل وتفعل خير ؟؟
لماذا لايبقي السائق في سيارته ويأكل من أكل بلده مادام اني ماأخذت حقه ؟؟
إلي متي نبقي سذج كل واحد يضحك علينا ؟؟
أذكر إحدي المرات في جزيرة بالي كان معي رفيق وسائق وحينما اتت الفاتوره وجدت فاتورة الاندونيسي دبل فاتورتنا وأكثر من يوميته فطلبت منه ان يحاسب عن نفسه فغضب وزمجر وقال غصب عنكم كل السعوديين يدفعون عنا قلت توكل على الله وتركنا وذهب واخذنا تاكسي أخر بنصف السعر وأكله وشربه والبنزين عليه ...
السؤال :
إلي متي هذا الغباء والسذاجه والطيبه اللي مالها سنع ؟؟
ليش معصب شوي شوي الله يسلمك ! النصيحة تكون بالطيب (لي تحفظ الله يعافيك على بعض كلماتك)
شوف لك حق كسائح يكون معك سائق خصوصاً السفر للراحة من كل جانب ومنها السواقة، أنا عكسك
ما أسوق بالرياض إلا نادراً وعندي سائقي الخاص وهنا الصحيح لكن برا لما أسافر أنا اللي اسوق ولهذا
اسباب منها اللي ذكرت أو مثل ما قال العضو سؤال انه سمسار ويأخذ عمولة من الأماكن اللي يأخذك لها
ومثل ما قالوا الشباب أنه مستحيل يدفع أو يفكر يأكل بنفس بعض المطاعم اللي المسافر يروح لها ويزعجك
بالكلام ويكون مثل الجاسوس عليك ونادر جداً لما تلقى سائق محترف ثم الله يحفظك البعض لما يسافر
يسرف بالشرب أو الصرف أو الهياط الخ.. ومهما كان هو رجل مهما وصل من تبلد المشاعر فراح يغار منك
أو يحقد عليك أو يحب يقلدك على حسابك وللأسف كثير من الشباب يعتبر السائق رفيق دربه بالسفر وهذا من جود
وطيب الخليجي ومن العادات اللي مزروعة فينا والحمد الله (وترا الشعب الغربي من أكرم الشعوب على الأرض)
المهم سائق محترف بالمغرب اشبه بالمستحيل، حتى لو لقيت أحد يقول لك عندي لك سواق شقردي على كيف كيفك
فلا تأخد كلامك على محمل الجد لأنه في النهاية راح ترجع للمربع الأول وهو اللي ذكر اعلاه من ملاحظات وحتى
اللي يقول لك عندي سائق لي سنوات اتعامل معه فأنا اشك في كلامه وبالتالي ريح رأسك من السائق بالمغرب أو اشرط
عليه من البداية وصدقني راح يرفع عليك اليومية لأنه بالغالب مو مستفيد منك بشيء غيرها
__________________
الـراحـة الـنـفـسـيـة تـبـدأ عـنـد كـاونـتـرات الـجـوازات
التعديل الأخير تم بواسطة عمر الفاسي ; 2022-05-06 الساعة 12:53 PM