اقتباس:
المشاركة الأصلية كتبت بواسطة عمر الفاسي
ليش معصب شوي شوي الله يسلمك ! النصيحة تكون بالطيب (لي تحفظ الله يعافيك على بعض كلماتك)
شوف لك حق كسائح يكون معك سائق خصوصاً السفر للراحة من كل جانب ومنها السواقة، أنا عكسك
ما أسوق بالرياض إلا نادراً وعندي سائقي الخاص وهنا الصحيح لكن برا لما أسافر أنا اللي اسوق ولهذا
اسباب منها اللي ذكرت أو مثل ما قال العضو سؤال انه سمسار ويأخذ عمولة من الأماكن اللي يأخذك لها
ومثل ما قالوا الشباب أنه مستحيل يدفع أو يفكر يأكل بنفس بعض المطاعم اللي المسافر يروح لها ويزعجك
بالكلام ويكون مثل الجاسوس عليك ونادر جداً لما تلقى سائق محترف ثم الله يحفظك البعض لما يسافر
يسرف بالشرب أو الصرف أو الهياط الخ.. ومهما كان هو رجل مهما وصل من تبلد المشاعر فراح يغار منك
أو يحقد عليك أو يحب يقلدك على حسابك وللأسف كثير من الشباب يعتبر السائق رفيق دربه بالسفر وهذا من جود
وطيب الخليجي ومن العادات اللي مزروعة فينا والحمد الله (وترا الشعب الغربي من أكرم الشعوب على الأرض)
المهم سائق محترف بالمغرب اشبه بالمستحيل، حتى لو لقيت أحد يقول لك عندي لك سواق شقردي على كيف كيفك
فلا تأخد كلامك على محمل الجد لأنه في النهاية راح ترجع للمربع الأول وهو اللي ذكر اعلاه من ملاحظات وحتى
اللي يقول لك عندي سائق لي سنوات اتعامل معه فأنا اشك في كلامه وبالتالي ريح رأسك من السائق بالمغرب أو اشرط
عليه من البداية وصدقني راح يرفع عليك اليومية لأنه بالغالب مو مستفيد منك بشيء غيرها
حياك وبياك مشرفنا الغالي عمر وأعتذر عل بعض الكلمات ولكن لاتلومني ياصديقي فأنا رجل مقيم معظم وقتي خارج السعوديه في شرق آسيا تحديداً في اندونيسيا وأري العجب العجاب من السياح السعوديين من البذخ والصرف والكثير منهم على قد الحال ولكن بسبب الجنسيه وانه من بلد غني لازم يصرف هنا وهناك وبعضهم يأتي بمبلغ كبير قرض أو خلافه ثلاثة أيام بالكثير وهو مفلس ويدور حق التاكسي للمطار ...
وهنا تشاهد السائقين يسمسرون عليهم في المراقص والمطاعم والكوفياهات وعيالنا متشققين من هذه المكانه وهذا الامر يغضبني جداً وأغير على كل السعوديين ولا أريد أحد أن يضحك عليهم أو يخرفنهم فلا تلومني ياصديقي فأنا بدأت السفر منذ ٣٠ عاماً ورأيت الكثير مما يندى له الجبين ...أعتذر على الإطاله والسموحه منك ومن الأخوة الأفاضل ...????