اقتباس:
المشاركة الأصلية كتبت بواسطة DarkMoon
السلام عليكم ورحمه الله وبركاته
اسعد الله اوقاتكم بكل تحذير
بعد تجربة احد شركات التاجير من دون ذكر اسماء والتاكيد على استلام سياره جديده اللي هي ررنج بيبي فيلار تم الاتفاق مع الشركة على ان السياره شرط تكون جديدة ونظيفه وموديل 2021 لاني بختصار راعي خطوط وابي موتر نظيف
بعد الوصول للمطار حصلت سيارة موديل 2020 او 2019
ماشي 88 الف بويتها غير نظيفه ودقات كثيره حول السياره هذي مو مشكله
المشكله العظمى ان المندوب مقتنع انه السياره نظيفه سياره موديل 2021
وكلنا نعرف ان رنج روفير غيرو القير بدل مايصير فرار صار قير عادي وكذلك شكل الدركسون والباقي مازال كماهو
هذا مكتب التاجير مركب قير مدري مرهم حتى شكله مو شكل قير رنج حتى يصبح شبيه الى موديل 2021.
ويجي يقول للزبائن هذي موديل اخر دفعه 2021
بعد تجربة السياره واضح ان القير فيه مشكله استجابة السياره ضعيفه جدا وكذا كل شوي يفصل دواسة البانزين اذا هديت
بعد تجربة السياره اول يوم ماقدرت اسوقها بسبب رادتها
كلمة صاحب الحلال ماقصر معي لكن اضطريت اني ادفع مبلغ اضافي حتى احصل على سياره نظيفه للاسف .
احيانا الشخص يوصل المطار ويبي يخلص مو فاضي وجع راسك وقروشه
لكن انا هنا اقولك ستوب المبلغ اللي دافعه حرام ماتاخذ مقابله خدمه مميزه
نصيحه لا تثق في كلام بعض مكاتب التاجير
دائما اطلب السياره بالموديل واحرص على ان السياره ماتكون ماشيه كثير
انتبه من بعض شركات التاجير ابي تحاول تعوض خساير كورونا تعطيك سيارات قديمه مكدوده..
عموما انا اتحدى اذا الموضوع ما انحذف هههههه
تتحدى ما يحذف الموضوع !! عموماً ما علينا ، المهم أنت الغلطان ، ليش تقبل بسيارة مخالفة للاتفاق اللي تم ؟
أكثر من تحذير بالمنتدى بهذا الخصوص ، وسبق وكتبت لكم ما عليكم من معلن أو غير معلن ، المهم تنفيذ المتفق عليه
واللي يقبل يتحمل ما يجيه ، اللي سلمك السيارة مستخدم بالمكتب ما بيده شي المهم يسلمك السيارة اللي بالمناسبة لها أوراق
تحدد موديلها بدل ما أنت تخمن ثم أنت طالب سيارة أصفار ومستلم سيارة ماشية 88 ألف !!! وبعدها جاي تحذرنا !! طيب وش
استفدنا من تحذيرك ؟ وفوقها تقول كلمت راعي الحلال وغير لك السيارة بمبلغ إضافي بدل ما يصلح الغلط اللي صار إذا كان محترم
وشغله عدل واحترافي لكن كيف راح يقدرك كعميل وأنت اصلاً غير مقدر لنفسك ومتنازل عن حقك.
مع احترامي لك المفروض اسوي لك بلوك نهائي ولا عاد تدخل المنتدى بسبب هذا الموضوع.
__________________
الـراحـة الـنـفـسـيـة تـبـدأ عـنـد كـاونـتـرات الـجـوازات