رد: سعادة السفير .. مع التحية!
اقتباس:
المشاركة الأصلية كتبت بواسطة يوسف بن تاشفين
مرحبا .. قد يكون لهذا القرار مسببات خاصة .. مثل صاحبة ذاك الخطاب قد تكون مرت بموقف شخصي وتعقدت من نساء المغرب... لكن ذلك كله لا يبرر التعميم على الجميع
القرار حساس وصعب بغض النظر عن اسبابه.. وربما هو احد اسباب عدم وجود سفير للمغرب في الرياض!
الله يرضى عليك نعم هذا هو هذا كله لايبرر التعميم عالجميع نعم مزيان اوى هي الي تيعمم على بناتنا عندو الحق يعمم؟؟؟ يعني هاد السفير لي منع كاع البنات لي اقل من عشرين سنة دارها مزية؟وعلاش يعمم على كل البنات لي تحت 20 ؟ تصور دبا خواتي رزقهم ربي بغاو احجو هاد العام مابغاو اتسناو واش ماشي ظلم ان سفيركم يمنعهم انهم أديو فريضة من فرائض ديننا؟؟ باش من حق يمنعهم لاش؟ بالله عليك واش هدشي منطقي؟ والله كاينين هنا في فرنسا والله العظيم بنات 17 و18 حجو ماشاء الله اتذكر وحدة مغربية العام لي فات ماشاء الله جابت الباكالوريا باباها قال انا بغيت نهدي ليك هدية انتي ختاري اشنو بغيتي واش نشري ليك طوموبيل قالت لا بابا بغيتك تصيفتني الحج مع خالي .... تصور هاد البنت لو عايشة بالمغرب مسكينة يمنعها السفير من الحج غتصدم مسكينة .
والمرة السعودية لي كتبت رسالة للوزير المغربي نقولو حيت معقدة من شي مغربية ياك ؟ وعلاش تعمم على كاع المغربيات وتطلب منع الزواج من المغربيات لاش ؟؟؟ شوف خويا بن تاشفين راه هما لي بداو التعميم وبلا ماتستغرب رد الفعل للمغاربة ونزيدك من القصيدة بيت دبا غير سير للمواقع واليوتوب شوف كلام الخلجيين عن المغربيات دبا تيمشي شي واحد واسخ لبنت واسخة بحالو وملي يرجع يهضر على كاع المغربيات على انهم كلهم نفس الشيء دخلنا عليك بالله دبا الى دخل واحد مغربي ورد على داك الكلام طبعا كدفاع عن اخته وامه وابنته وخالته وعمته اوى ويجي خليجي يرد عليه باسوأ رد اش بغيتي داك المغربي يتصرف معك؟؟؟
والله العظيم انا شفت العجب وقريت العجب من كلام الخليجيين الله يسامحهم وبلا ماتلقي باللوم علينا اخويا راه اللوم على بعض مرضى النفوس لي فبلادكم هم لي دارو هدشي كلو كتجي كتشوف مغربي يحلف ويعاود الى شاف خليجي فبلادو تايقتلو حيت معقد من داكشي لي تيقول الخليجي على بنات بلادو اوى خليونا نكونو واقعيين شوية الواحد الى مشى لشي بلاصة ايا كانت ودار ما دار تا واحد ماعالم به غير الله لاش مايستر راسو ؟؟ لاش يجي يشوه فبنات المغرب ؟ واش ماعارف بالي هدوك لي يشوه فيهم ويقذف فيهم يمكن يدعيو عليه؟ ودعوة المظلوم راها مستجابة لاشك في ذالك .
يمكن خارجة شوية على الموضوع ولكن راه الكلام يجر كلام وكلام الاخت تيفيور منطقي وعندها الحق وبلا ماتقول لا للتعميم حتى يشوفو المغاربة عدم التعميم في اخواننا الخليجيين ديك الساعة تا هما مايعممو عليكم
__________________
لو عرفت قدر نفسك عند الله ما أهنتها بالمعاصي
انما أبعدنا ابليس اذ لم يسجد لك وأنت في صلب أبيك
فوا عجبا كيف صالحته وتركتنا
ربي اغفر لي ذنبي فانه لا يغفر الذنوب الا انت
التعديل الأخير تم بواسطة مغربية مغتربة ; 2011-11-14 الساعة 04:32 PM