في هذي الاثناء وصل اصدقاء لي وقالو تعال اسكن معنا فالمارينا ماخذين شقق الحقيقه جوي مو جو شقق ابد والفندق الي فالمارينا مقفل بالمناسبه 23 فندق في اغادير مقفله من بداية كارونا منها السوفتيل واطلنتطك بلس وغيرها المهم شاورت ولقيت شقه غرفه وصاله اطلاله ع البحر 1500 نظيفه مناسبه وفاللحظات الاخيره استخرت وكملت في الرويال اطلس مددت ثلاث ايام ورفضت السكن فالمارينا زحمه وازعاج واثاث قديم وجوي مو اغاني وصههله كل ليله يعني الفندق خيار جيد طبعا البوكنق لقيت فيه عرض ثلاث ايام 1800 ريال شامل الفطور واخذت العرض على طول اغادير ماتحتاج سياره كل شي حولك الكورنيش والمارينا والمقاهي والمطاعم مكادونالد وكنتاكي وصرف العمله خمس دقايق مشي وجو عليل ورياضه والبحر عنك عشره متر هذي الاجواء الي احبها طبعا اسهر كل ليله رحت فندق مبروك عندهم جلسه ع المسبح وفعاليه حلوه حتى الساعه 10 وبعدين يفتح ديسكو مليونير عند صديقي ايوب احجز عنده تايقر اول ثلاث ايام اسهر فيه لكن زحمه والي شغالين فيه ماعجبوني تعاملهم يحسسك انك جاي في بيته ومافيه طاولات لازم تحجز من امس ههههه على ايش امره مرور الكرام من 2 الى 4 واطلع لكن مليونير صحيح اصغر بس تعامل افضل هذا للي يهمهم السهر كاش ماجيته ولا مريته بعد موقف من كم سنه اكره شي اسمه شحاته وطراره واستغفال نطامي تحترمني احترمك ماناسبني تعاملك اروح لغيرك واسحب عليك وبفلوسك انت جاي ماحد له كلام معك
اغادير هذي السنه وهو راي شخصي لم اجد فيها الا الجو الجميل غيم وهواء يرد الروح والشمس نادر ماتشوفه وبراد يهفهف خصوصا اذ ماخذ غرفه مطله ع البحر يكفي
المدينه عندها كمية اشغال وتحويلات كثيره وماراح تخلص قبل سته اشهر والمقاهي كاينه ولكن نفس الوضع قبل الحركه موجوده وفيه زباين بدو يجون من اوروبا والخليج ولكن مو نفس زمان ازمة كارونا اثرت كثيرا
اخذت لفه على صاحبنا فندق خليج اغادير لاني سكنت فيه 2019 كان كويس الى حد ما ويسمح بالضيوف وكله خليجيين الي حصل ان السيد العلمي صاحب الفندق شال كل الموجودين سابقا ومنهم رضا الي سمعت انه في قطر حاليا يشتغل في وكاله سياحيه ههههههههه هرررب رضا
وغيرهم طاقم جديد وتغير المدير والنظام والاسعار دخلت اسال عن الحمام قالت لي البنت الحمام عندنا 1200 ������������؟؟؟ سلامات الحمام مايتحاوز 200 درهم وعرفت انه لاقين ناس تدفع للاسف وهذا غلط المفروض تكلف نفسك تشوف اماكن اخرى شلون حمام 1200 المهم طلعت من فندق خليج اغادير مجرد استكشاف وبعده رحت اكلت في اغلب مطاعم الكورنيش المويد واللبناني الي جمبه اكله كويس بس غالي صاحبه اسمه حسام جلست معاه يقول قفلنا سنتين وتونا فاتحين وبعد فيه مطعم جمبه عنده سمك رحت المارينا يوم واجرت بوت قارب واخذت لفه العصريه على انغام محمد عبده ورجعت الفندق فالليل الاكل يكون خفيف سناك السلام سريع سريع او مطعم اسماعيل الي اعرفه من زمان مقابل صحارى بصراحه اكله مشكل مشاوي واسعاره مررره حلو استغرب ناس تسب اكله بس والله لذيذ ورخيص وفاتح للفجر المهم الاكل موجود دايما ماتبلش ماك كنتاكي حسب ذوقك وش تبي تاكل اخر يوم قلت باكل في مطعم قديم ومشهور رواد اغادير اعرفه من 2004 شواية النهضه اكلت فيه نص حبه مع الرز بس ماعجبني ابد ومانصح فيه
هذا ونكتفي لحد كذا وفي التقرير الاخير راح اكتب ملاحظاتي الشخصيه تعبر عني شخصيا وغير ملزمه لاحد نكمل لاحقا اهم التفاعل