حياك الله اخوي


١- افضل خطوط للسفر لدولة اذربيجان وارخص __ لو تبي طيران يدلعك اخذ طيران اذربيجاني طيران حلو واهو الوحيد الي جربته غير القطرية وكانت معاملتهم احسن من القطرية بكل صراحة بس مشكله طيران لازم ترانزيت دبي ترا الناس وفلاي دبي تروح هناك
٢- توقيت السفر لها اي شهر -- جميع الاوقاتك حلوه توني راجع والجو شبه بارد اما من شهر 11 ينزل ثلج
٣- الفنادق من واقع تجربه كل فنادق حلوه تبي بعيد من السنتر يمكن بحدود 600 متر فندق الباكوبالتوكي او تبي في السنتر فندق اسمه سيتي سنتر اهو اول سنتر وكل شي جنبك
٤- المطاعم كل مطاعم احلا من الاخر بس انصحك في مطاعم المدينه القديمة في المشاوي
٥- المدن التي يجب زيارتها من حيث الجو والطبيعه ** قابالا - وقوبا هذه المعروفة هناك تصلح قوبا تصلح صد ورد في تفس اليوم اما قابالا فيها منتجع ومكان حلو
٦- اماكن السهر في باكو وافضلها -- اكثر اماكن السهر تم اغلاقها لاكن في واحد عربي في اخر السنتر
والحين اكثرها اذربيجانية

اما بخصوص كرت نبر احذر لايغشك صاحب تاكسي لانه بيبيع عليك كرت صعب الواحد يشغله الى يروح شركة الام ويفعل الكرت من هناك والجوال الي يدش اذربيجان مرة ويشتغل في كطرت ويطلع من اذربيجان ماعاد يشتغل الا متفعيل