رد: تقرير عن زيارتي للمغرب من الشمال للجنوب
اقتباس:
المشاركة الأصلية كتبت بواسطة الصاعقة
عرفنا انك كبير وتسافر كثير للمغرب بس على فكره اقادير حقت شباب اول مره يزورون المغرب يسكنون في صحارى وياكل من مطعم اسماعيل ويسهر في العنبره ويرجع للمطار ويقول انا وانا
هههههههههههههههه والله موتني ضحك ياصاعقه وش فيك داخل حامي على اخوانك .منت سهل يصاعقه عشان كذا بكون حذر معاك وتفاعل معاك بمنطق وصراحه وبعيد عن العصبيه وبعطيك راي بصراحه الاخوان ماقصرو كل ردودهم تدل على وعيهم ونظرتهم الراقيه لسياحه بدول العربيه وانه هناك انظمه وقوانين عربيه اسلاميه تحكم تعاملهم معنا.وطبعا هم يستغلونها ويتشطرون علينا .بس مشكلتنا نتمنا تكون فيها حريه اكثر وانفتاح وتكون زي دول شرق اسيا وهذا مستحيل .يعني لازم تفهم المعادله الصعبه انه شرق اسيا فيها قمه في الحريه والفنادق فري ولايعرفون كلمة رسوم او افتح غرفه او بخشيش للعساس بلعكس اذا شافوك لحالك حزين يقلولك وين اليدي تبعك .هههههه ولايعرفون اساليب الاستغلاال مثل الدول العربيه لسائح الخليجي عموما....بس في المقابل يدفعونك الضريبه بانه لايوجد كلام عربي ولا يوجد اكل جيد ولايوجد جمال عربي....نقارنه في المغرب .
من جهه ثانيه البلاد العربيه فيها كل الي يبغاه السائح كلام عربي اكل ممتاز جمال محترم ...بس يدفعونك الضريبه بتعامل والاستغلال والشحاذه . هذي هي المعادله الي مالها حل ....
اما بنسبه لكلامك عن الشحاذه المنظمه خصوصا بفال انفا نعم انا معاك وااوافقك بكل معنى الكلمه زودوها واصبح الوبي والبوابه والرسبشن والبودجارد والخدمات المقدمه مبنيه على استغلالك المادي بكل الوسائل لاتاخذهم فيك شفقه ولا رحمه .وممكن ياقف عندك النهار كله عشان تعطيه واذا صممت وماعطيته راح يتجاهلك بكل بساطه ويرسلك واحد غيره يجرب معك ...حقيقه شي مزعج جداا .وياويلك لو تصرف عمله من الرسبشن يتجمعون عليك اكثر من 8عمال كلهم يبغون ولو تتورط وتعطي واحد لو 20درهم راح تلقا نفسك بقدرة قادر معطيهم كلهم..ولو تقول مره وتنتهي نقول معليش مره وحده بسفره لاكنك تتفاجاء اليوم الثاني كانك ماسويت شي ولا لك اي معروووف.....والمصيبه الكلام هذا مايصير الا معنا يلخليجيين .والاوربي الي ساكن بنفس الفندق معك لايمكن يتجراء ويكلمه او ياخذ منه بخشيش ..(لان الاوربيين ماعودوهم)
واذا كان هذا صاير بفندق مشهور ويسمى 4 نجوم وسياحي وعلى البحر ...يعني معلم من معالم البلد لسائح ...والثاني مراكش النخيل الي حصلك فيه ماحصل ...فحكمك على البلد ماقدر الومك عليه.
بس العيب بلي اتسبب بلكلام هذا(من بني جلدتنا) وخرب الديره بشوية تصرفات وفلوس معه كل ماشاف واحد يبخششه ولاهو عارف الميه من الميتين الا بلالوان وخلاهم ياخذون فكره ان الجميع جاي يلعب بفلوسه وبعيد عن الاحترام ومعنى السياحه .وعارفين ليش جاي وهذي المشكله .اصبحت نظرتهم لنا سيئه .
تحياتي وتقبل مروري