هلا عزيزي,,,
زي ماتفضل الاداري رابح بخصوص اماكن السهر,,,وازود علية ديسكو السيزار,,,
اقتباس:
ماأفضل المطاعم ( للمشاوي والكبسات الخليجية في كازابلانكا )؟
بالنسبة للشواء,,,عندك بالمقام الأول مطاعم طماريس اللي يكون فيها محلات جزارة,,,تاخذ اللحم من الجزار وتروح للمطعم يشويها لك على الطريقة المغربية بس طماريس تحتاج لسيارة خاصة علشان تروح لها او تروح لها عن طريق التاكسي الابيض,,,لان التاكسي الاحمر مايقدر يطلع من كازا,,,وعندك بالمقام الثاني منطقة البلدية وهي داخل كازا ويقدر التاكسي الاحمر يروح لها,,,وعندك بالمقام الثالث منطقة البطوار ونفس الشي التاكسي الاحمر يروح لها,,,,بخصوص الكبسة بتحصل بعض المطاعم تسويها وشفت لهم اعلان في الدور الثالث بالتوين سنتر اول مقهى على اليسار يسوون كبسة,,,بس مانصحك خل الخدامة تكبس لك احسن,,,
اقتباس:
أريد شقة مكونة من ثلاثة غرف وراقية ,
موجود على طلبك,,,لكن اول شي كم شخص أنتم؟
اقتباس:
وتكون الشغالة من مربيات( الطيور ) .
الشغالة الله يرضى عليك ماتربي طيور,,,الشغالة تنظف وترتب وتطبخ وتخدمك بطلباتك من اكل وشاي وقهوة,,,لكن تربي طيور ماعتقد لانها المسكينة هي مو لاقية تاكل علشان تربي طيور الله يخليك,,,
إذا انت تقصد الطيور حقت القنص,,,هي ممكن تدلك على محمية أو عشة وتخليك تختار منها اللي يعجبك وتسرح الباقي أما أنها هي اللي تربيهم فهذي صعبة وطلبك غير متاح,,,
أي إستفسار انا حاظر,,,
تحياتي وأشواقي,,,